سابق اپوزیشن لیڈر کاظم میثم کی بلوچستان میں دہشتگردی کے واقعات کی شدید مذمت
اشاعت کی تاریخ: 1st, February 2026 GMT
ایک بیان میں کاظم میثم نے کہا کہ ملک میں دہشتگردی کی عفریت کو ختم کرنے کے لیے قوم کو متحد ہونا ہو گا، بلوچستان حکومت دہشتگردی کو روکنے میں یکسر ناکام ہو چکی ہے۔ پاکستان میں دہشتگردی کی بیخ کنی کے لیے تمام سٹیک ہولڈرز کو سرجوڑنے کی ضرورت ہے اسلام ٹائمز۔ سابق اپوزیشن لیڈر گلگت بلتستان اسمبلی کاظم میثم نے بلوچستان کے مختلف علاقوں میں ہونے والے دہشتگردی کے واقعات کی شدید الفاظ میں مذمت کرتے ہوئے کہا ہے کہ حالیہ افسوسناک واقعے کی جتنی مذمت کی جائے کم ہے۔ ملک میں دہشتگردی کی عفریت کو ختم کرنے کے لیے قوم کو متحد ہونا ہوگا، بلوچستان حکومت دہشتگردی کو روکنے میں یکسر ناکام ہو چکی ہے۔ پاکستان میں دہشتگردی کی بیخ کنی کے لیے تمام سٹیک ہولڈرز کو سرجوڑنے کی ضرورت ہے تاکہ ملک میں استحکام آئے۔ ملک میں جہاں کہیں بھی دہشتگردی ہو اس کے تانے بانے عالمی استعماری طاقتوں سے جا ملتی ہیں۔ ہنستے بستے ملک میں اپنی پراکسی کے لیے امریکہ نے مسلح جماعتوں کی تشکیل کی تھی اور یہ نحوست اسی ہزار سے زائد جانیں نگل چکی ہیں لیکن اس کے خاتمے کے لیے شاید مزید قربانیاں دینی پڑے۔ پاکستان میں دو حساس ترین علاقے بلوچستان اور گلگت بلتستان عالمی استعماری طاقتوں کی نگاہوں میں ہیں۔ سی پیک جس کا آغاز سوست گلگت بلتستان سے ہوتا ہے اور اختتام گواردر پر ہوتا ہے۔ گوادر پر اور بلوچستان میں حالات دیگر گوں ہیں لہذا علاقائی حساسیت کے پیش نظر گلگت بلتستان میں سکیورٹی امور پر فوری توجہ دینے کی ضرورت ہے۔
.
ذریعہ
ذریعہ: Islam Times
کلیدی لفظ: میں دہشتگردی کی گلگت بلتستان ملک میں کے لیے
پڑھیں:
وفاقی جماعتوں کے تمام مرکزی قائدین گلگت بلتستان انتخابات میں متحرک
استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔ اسلام ٹائمز۔ گلگت بلتستان الیکشن کی تاریخ کے آخری ہفتے میں انتخابی مہم زروں پر پہنچ گئی ہے، وفاقی جماعتوں کے تقریباً تمام مرکزی قائدین گلگت بلتستان پہنچ گئے ہیں اور اپنے اپنے امیدواروں کی انتخابی مہم میں حصہ لے رہے ہیں۔ پیپلزپارٹی کے چیئرمین بلاول بھٹو اور آصفہ بھٹو زرداری نے سکردو میں جلسہ سے خطاب کیا۔ پیپلزپارٹی کے دیگر قائدین قمر زمان کائرہ، ندیم افضل چن، چوہدری منظور پہلے ہی گلگت بلتستان میں ڈیرے ڈالے ہوئے ہیں۔ ادھر وفاقی وزیر امور کشمیر انجینئر امیر مقام، خواجہ سعد رفیق بھی جی بی میں موجود ہیں۔ استحکام پاکستان پارٹی کے مرکزی قائدین بھی متحرک ہیں۔ نون لیگ کے قائد میاں نواز شریف بھی گلگت بلتستان پہنچ گئے ہیں۔ یاد رہے کہ گلگت بلتستان کے عام انتخابات کیلئے پولنگ 7 جون کو ہو گی۔
وزارت آئی ٹی نے 1.67 ارب روپے سے زاید کے فنڈز طلب کرلیے