شبِ برأت آج ملک بھر میں عقیدت، عبادات اور خصوصی دعاؤں کے ساتھ منائی جائے گی
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
امتِ مسلمہ آج شبِ برات نہایت عقیدت، احترام اور روحانی جذبے کے ساتھ منائے گی۔
اس بابرکت رات کی مناسبت سے ملک بھر کی مساجد، امام بارگاہوں اور دینی مراکز میں خصوصی شب بیداری کا اہتمام کیا گیا ہے، جہاں فرزندانِ اسلام نوافل، تلاوتِ قرآن، ذکرِالہیٰ اور درود و سلام میں مصروف رہیں گے۔
علمائے کرام نے اس موقع پر اپنے پیغامات میں کہا ہے کہ شبِ برات وہ عظیم رات ہے جس میں اللہ تعالیٰ اپنے بندوں کی مغفرت فرماتا ہے اور بے شمار گناہوں سے نجات عطا کرتا ہے۔
شبِ برات کے موقع پر شہری بڑی تعداد میں مساجد کا رخ کرتے ہیں، جہاں رات بھر نفلی عبادات کا اہتمام کیا جاتا ہے۔ اہلِ ایمان اپنی ذات، اپنے اہلِ خانہ، مرحومین اور پوری امتِ مسلمہ کے لیے دعائیں مانگتے ہیں۔ مساجد میں حسنِ قرات، حمد و نعت اور روح پرور محافل منعقد کی جاتی ہیں، جن میں علما شبِ برات کی فضیلت، اس کی روحانی اہمیت اور توبہ و استغفار کی تلقین کرتے ہیں۔
شبِ برات کو لیلۃ المبارکہ اور لیلۃ الرحمۃ بھی کہا جاتا ہے۔ علما کے مطابق یہ رات دراصل بندے اور رب کے درمیان تعلق کی تجدید کی رات ہے، جب انسان اپنے ماضی کے گناہوں پر ندامت کا اظہار کرتے ہوئے آئندہ نیکی کی راہ پر چلنے کا عہد کرتا ہے۔ اس رات اللہ تعالیٰ کی بارگاہ میں جھک کر مغفرت، رزق میں برکت، صحت اور دنیا و آخرت کی بھلائی کے لیے دعائیں مانگی جاتی ہیں۔
شبِ برات کے موقع پر امن و امان کو یقینی بنانے کے لیے سیکورٹی کے فول پروف انتظامات بھی کیے گئے ہیں۔ وزیر داخلہ سندھ ضیا الحسن لنجار نے صوبے بھر میں سخت حفاظتی اقدامات کی ہدایت جاری کی ہے۔ لاہور پولیس کی جانب سے بھی شہر بھر میں اضافی نفری تعینات کی گئی ہے جب کہ حساس مقامات پر ایلیٹ فورس کے اہلکار بھی موجود ہیں۔
علمائے کرام کا کہنا ہے کہ شبِ برات محض عبادت تک محدود نہیں بلکہ یہ خود احتسابی، اصلاحِ نفس اور اللہ تعالیٰ سے مضبوط تعلق قائم کرنے کی رات ہے۔ اہلِ ایمان اس رات کو غفلت کے بجائے بیداری، اخلاص اور عاجزی کے ساتھ گزارنے کو ترجیح دے رہے ہیں تاکہ ربِ کریم کی رحمتوں اور برکتوں سے مستفید ہو سکیں۔
.
ذریعہ
ذریعہ: Jasarat News
پڑھیں:
محکمہ موسمیات نے تیزہواؤں اور گرج چمک کیساتھ بارش کی پیش گوئی کردی
اسلام آباد(ڈیلی پاکستان آن لائن)محکمہ موسمیات نے وفاقی دارالحکومت سمیت ملک کے بیشتر حصوں میں بارش کی پیش گوئی کردی۔رپورٹ کے مطابق بدھ کے روزاسلام آباد اور گردونواح میں مطلع جزوی ابر آلود رہنے کے علاوہ تیزہواؤں/آندھی چلنے اور گرج چمک کے ساتھ بارش (بعض مقامات پر تیز بارش / ژالہ باری )کی توقع ہے۔ خیبرپختونخواکے بیشتر اضلاع دیر، چترال، سوات، کوہستان، مالاکنڈ، باجوڑ، شانگلہ، بٹگرام، بونیر، کوہاٹ، بنوں، ڈیرہ اسماعیل خان، مہمند، خیبر، وزیرستان، اورکزئی، مانسہرہ، ایبٹ آباد، ہری پور، پشاور، مردان، ہنگو اور کرم میں کہیں کہیں تیز ہواؤں اور گرج چمک کےساتھ وقفے وقفے سے بارش (بعض مقامات پر موسلادھار بارش اور ژالہ باری ) کا امکان ہے۔
وفاقی بجٹ کب پیش کیا جائےگا؟ ارکان پارلیمنٹ نے بتا دیا
پنجاب کے بیشتر اضلاع راولپنڈی، مری، گلیات، اٹک، چکوال، جہلم، منڈی بہاؤالدین، گجرات، گوجرانوالہ، حافظ آباد، وزیرآباد، لاہور، شیخوپورہ، سیالکوٹ، نارووال، ساہیوال، جھنگ، ٹوبہ ٹیک سنگھ، ننکانہ صاحب، چنیوٹ، فیصل آباد، اوکاڑہ، قصور، خوشاب، سرگودھا، بھکر ، میانوالی، بہاولپور، بہاولنگر، ڈیرہ غازی خان، ملتان، خانیوال، لودھراں، مظفرگڑھ، راجن پور، رحیم یار خان اور لیہ میں کہیں کہیں تیز ہواؤں/آندھی اورگرج چمک کے ساتھ بارش (بعض مقامات پر تیز بارش اور ژالہ باری )کی توقع ہے۔بلوچستان کے بیشتر اضلاع میں موسم گرم اورخشک جبکہ جنوبی اضلاع میں شدیدگرم رہنے کی توقع۔تاہم شمال مشرقی اضلاع میں مطلع جزوی ابر آلود رہنے کے علاوہ کوئٹہ، ژوب، شیرانی، زیارت، چمن، قلعہ عبداللہ، قلعہ سیف اللہ، بارکھان ، ڈیرہ بگٹی ، نصیر آباد، کوہلو، موسیٰ خیل، خضدار اور گردونواح میں چند مقامات پر تیز ہواؤں/آندھی اورگرج چمک کے ساتھ بارش کا امکان ہے۔
بارشوں اور گلیشیئرز کے پگھلاؤ کے باعث شمالی علاقوں میں لینڈ سلائیڈنگ کا خطرہ، این ڈی ایم اے کا الرٹ جاری
سندھ کے بیشتر اضلاع میں موسم شدید گرم اور خشک رہے گا ۔ تاہم بالائی سندھ (سکھر، لاڑکانہ، جیکب آباد، دادو، گھوٹکی، کشمور، شکارپور) میں تیز ہواؤں/آندھی اورگرج چمک کے ساتھ بارش کا امکان ہے۔کشمیر اور گلگت بلتستان میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ بارش کا امکان ہے۔ آج زیادہ سے زیادہ درجہ حرارت نوکنڈی، سبی 48، دالبندین 47اور دادو میں 45 ڈگری سینٹی گریڈ ریکارڈ کیا گیا۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے