گردن پر سیاہ دھبے صرف میل نہیں، خطرناک بیماریوں کی علامت بن سکتے ہیں
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
اکثر افراد گردن پر پڑنے والی سیاہ تہہ یا لکیروں کو محض صفائی کی کمی یا جلدی مسئلہ سمجھ کر صابن، اسکرب یا مختلف کریمز سے ختم کرنے کی کوشش کرتے ہیں، مگر ماہرینِ صحت خبردار کرتے ہیں کہ یہ علامت بسا اوقات جسم میں موجود سنگین طبی مسائل کی ابتدائی وارننگ ہو سکتی ہے۔
طبی ماہرین کے مطابق اس کیفیت کو طب کی زبان میں ایکانتھوسس نگریکینس کہا جاتا ہے، جو عموماً اس وقت ظاہر ہوتی ہے جب جسم کے اندر انسولین کی کارکردگی متاثر ہو، ہارمونی توازن بگڑ جائے یا شوگر جیسے امراض خاموشی سے پنپنے لگیں۔
ماہرین کا کہنا ہے کہ انسانی جلد دراصل جسم کا وہ آئینہ ہے جو اندرونی خرابیوں کا سب سے پہلے اشارہ دیتا ہے، اسی لیے گردن، بغلوں اور جسم کے موڑوں پر جلد کا موٹا اور سیاہ ہونا تشویش کا باعث بن سکتا ہے۔
جلد کے امراض کی ماہر ڈاکٹر رشمی، جن کا حوالہ ہندوستان ڈاٹ کام نے دیا ہے، بتاتی ہیں کہ گردن کا سیاہ پڑنا اکثر ذیابیطس، موٹاپے، تھائرائیڈ کے مسائل اور ہارمونی بے ترتیبی سے جڑا ہوتا ہے، صرف بیرونی کریمز یا گھریلو ٹوٹکے استعمال کرنا مسئلے کو چھپانے کے مترادف ہے، اصل ضرورت اس کی جڑ تک پہنچنے کی ہے۔
ماہرِ امراضِ نسواں کے مطابق خواتین میں یہ علامت خاص طور پر پولی سسٹک اووری سنڈروم (پی سی او ایس) کی طرف اشارہ کر سکتی ہے۔ ایسی صورت میں بے قاعدہ ماہواری، تیزی سے وزن بڑھنا، چہرے پر مہاسے اور جسم پر زائد بال جیسے مسائل بھی ساتھ ظاہر ہو سکتے ہیں، جو فوری طبی توجہ کے متقاضی ہوتے ہیں۔
فزیشنز کا کہنا ہے کہ بعض اوقات وٹامن بی 12 اور وٹامن ڈی کی کمی، یا جسم میں دیرپا سوزش بھی جلد کے رنگ میں نمایاں تبدیلی کا سبب بن سکتی ہے، اسی لیے صرف ظاہری علامات پر توجہ دینے کے بجائے مکمل طبی معائنہ ناگزیر سمجھا جاتا ہے۔
ماہرینِ ذیابیطس کے مطابق جب طویل عرصے تک جسم میں انسولین کی مقدار غیر معمولی حد تک بڑھ جائے تو جلد کے خلیے غیر فطری انداز میں پھیلنے لگتے ہیں، جس کے نتیجے میں گردن کا سیاہ ہونا پری ڈایابیٹیز یا ٹائپ ٹو شوگر کی ابتدائی انتباہی علامت بن سکتا ہے۔
صحت کے ماہرین مشورہ دیتے ہیں کہ متوازن غذا، کم چکنائی اور کم چینی والی خوراک، وزن پر قابو اور باقاعدہ جسمانی سرگرمی کو روزمرہ زندگی کا حصہ بنایا جائے۔ جنک فوڈ سے پرہیز اور صحت مند طرزِ زندگی اس مسئلے کو بڑھنے سے روکنے میں اہم کردار ادا کر سکتی ہے۔
ماہرین اس بات پر بھی زور دیتے ہیں کہ بلڈ شوگر، تھائرائیڈ، ہارمونز اور انسولین سے متعلق ٹیسٹ ڈاکٹر کے مشورے سے وقتاً فوقتاً کرواتے رہنے چاہئیں۔ خود سے کسی دوا یا کریم کا استعمال کرنے کے بجائے بروقت طبی مشورہ لینا نہایت ضروری ہے، کیونکہ گردن پر موجود یہ سیاہ حلقہ بظاہر معمولی مگر صحت کے لیے ایک سنجیدہ انتباہ ثابت ہو سکتا ہے۔
ذریعہ
ذریعہ: Jasarat News
پڑھیں:
ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے، علامہ رمضان توقیر
ایس یو سی کے مرکزی رہنماء نے رہبر معظم آیت اللہ سید مجتبیٰ خامنہ ای سے تجدیدِ عہد کا اظہار بھی کیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ اسلام ٹائمز۔ ڈیرہ اسماعیل خان جامعۃ النجف کوٹلی امام حسین میں گرمیوں کی چھٹیوں سے استفادہ کرتے ملت جعفریہ کے بچوں کے لیے پرنسپل جامعتہ النجف علامہ محمد رمضان توقیر کی نگرانی بیس روزہ دین شناسی شارٹ کورس کا اہتمام کیا گیا۔ جس میں ڈیرہ شہر اور مضافات سے کثیر تعداد میں بچوں نے شرکت کی۔اس دین شناسی شارٹ کورس میں بچوں کو قرآن وحدیث،وضو،صوم ،صلوات اور بنیادی فقہی احکام سے روشناس کرایا گیا۔ جس میں جامعتہ النجف کے دیگر مدرسین محنت و لگن کے ساتھ بچوں کی رہنمائی کرتے رہیں۔ دین شناسی شارٹ کورس کے آخر میں مدرسین نے اپنی محنت اور طلاب کرام کی کارکردگی کو جانچنے کے لیے بچوں سے امتحان لیا۔اساتذہ کی محنت اور بچوں کی محنت قابلِ تعریف تھی۔تقسیم تقریب انعامات کا اہتمام کیا گیا۔
پرنسپل جامعہ علامہ محمد رمضان توقیر نے تقریب سے خطاب کرتے ہوئے اساتذہ کی محنت اور طلاب کرام کی امتحانات میں تسلی بخش نتائج کو سراہتے ہوئے کہا کہ انشاء اللہ اس طرح دین مبین کی خدمت کا سلسلہ جاری رکھیں گے اور ملت کے جوانوں کی دینی تعلیم و تربیت کے لیے ہمہ وقت کوشاں رہیں گے۔ اس موقع پر رہبرِ انقلاب کی دینی و انقلابی خدمات اور ایران کی استقامت اور ثابت قدمی کو خراجِ عقیدت پیش کیا۔ اسی قرآن و سنت کی آگاہی اور خدا تعالیٰ کی وحدانیت کے پختہ عقیدہ کی وجہ سے ایران کی حکومت اور عوام شیطان بزرگ کے خلاف استقامت اور جرات کا مظاہرہ کرتے ہوئے دن بدن حاوی ہوتی جا رہا ہے، جو قابلِ تعریف ہے۔ لیکن کچھ ناقدین آج بھی ایران کی استقامت اور کامیابیوں سے پریشان ہیں اور شیطان بزرگ کی خوشنودی کے لیے ایران پر تنقید کر رہے ہیں کہ ایران عرب ممالک پر حملہ کر رہا ہے۔
علامہ محمد رمضان توقیر نے کہا کہ ایران عرب ممالک پر نہیں بلکہ شیطانی اور دہشتگردی کے اڈوں پر حملے کر رہا ہے۔ اس موقع پر نئے رہبر آیت اللہ سید مجتبیٰ خامنہ ای سے تجدیدِ عہد کا اظہار بھی کیا گیا اور اس عزم کا اعادہ کیا گیا کہ حق، عدل، وحدتِ امت اور مظلوموں کی حمایت کے اصولوں پر ثابت قدم رہتے ہوئے اسلامی اقدار کے فروغ کے لیے اپنی ذمہ داریاں ادا کرتے رہیں گے۔ تقریب تقسیم انعامات میں مدرسین اور معززین علاقہ نے شرکت کی اور امتحان میں نمایاں پوزیشن حاصل کرنے والے طلاب کرام کو انعامات سے نوازا گیا اور انکی حوصلہ افزائی کی گئی۔ امتِ مسلمہ کے اتحاد، ایران کی فتح و نصرت، پاکستان کی سلامتی اور شہدائے اسلام، بالخصوص رہبر شہید کے لئے دعا کی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار