فالج جیسے جان لیوا مرض سے تحفظ فراہم کرنے والی بہترین غذائیں
اشاعت کی تاریخ: 3rd, February 2026 GMT
data-id="863a0a8" data-element_type="widget" data-widget_type="theme-post-content.default">
فالج ایک ایسا خطرناک مرض ہے جس میں فوری علاج نہ ملنے کی صورت میں موت کا خطرہ نمایاں طور پر بڑھ جاتا ہے۔
فالج کی دو بنیادی اقسام ہوتی ہیں۔ پہلی قسم برین ہیمرج کہلاتی ہے، جس میں دماغ کی کوئی شریان پھٹ جاتی ہے، جبکہ دوسری قسم میں دماغ کو خون پہنچانے والی شریان بند ہو جاتی ہے، جس کے نتیجے میں آکسیجن کی کمی پیدا ہوتی ہے اور دماغ کو نقصان پہنچتا ہے۔
امریکن ہارٹ ایسوسی ایشن (اے ایچ اے) کے مطابق فالج کسی بھی عمر کے فرد کو لاحق ہو سکتا ہے، تاہم اس کا خطرہ ہر شخص میں مختلف ہوتا ہے۔ 55 سال کی عمر کے بعد ہر 10 برس میں فالج کا خطرہ دگنا ہو جاتا ہے، جبکہ ذیابیطس، ہائی بلڈ پریشر، موٹاپا اور بلند کولیسٹرول کی سطح بھی اس خطرے میں اضافہ کرتی ہے۔
اچھی خبر یہ ہے کہ روزمرہ خوراک میں چند صحت بخش غذاؤں کو شامل کرکے فالج کے خطرے کو نمایاں حد تک کم کیا جا سکتا ہے۔
جو کا دلیہ
ہارورڈ یونیورسٹی کی ایک تحقیق کے مطابق جو کے دلیے پر مشتمل غذا کولیسٹرول کی سطح کو کم رکھنے اور بلڈ شوگر کو متوازن رکھنے میں مدد دیتی ہے۔ کولیسٹرول میں اضافے سے دماغ تک جانے والی شریانوں میں چکنائی جمع ہو جاتی ہے، جو فالج کے خطرے کو بڑھاتی ہے۔ دلیے میں موجود فائبر کولیسٹرول کو صحت مند سطح پر رکھنے میں معاون ثابت ہوتا ہے۔
مچھلی
تحقیقات سے معلوم ہوا ہے کہ جو افراد ہفتے میں تین بار مچھلی کا استعمال کرتے ہیں، ان میں فالج کا خطرہ 6 سے 12 فیصد تک کم ہو جاتا ہے۔ مچھلی میں موجود اومیگا تھری فیٹی ایسڈز شریانوں کی سوزش کم کرتے ہیں، خون کی روانی بہتر بناتے ہیں اور خون جمنے کے امکانات گھٹاتے ہیں۔ اس کے علاوہ مچھلی کا زیادہ استعمال سرخ اور پراسیس شدہ گوشت کی جگہ لے لیتا ہے، جو شریانوں کے لیے نقصان دہ سمجھا جاتا ہے۔
شکر قندی
شکر قندی میں وٹامن سی، وٹامن بی 6 اور پوٹاشیم وافر مقدار میں پایا جاتا ہے۔ پوٹاشیم بلڈ پریشر کم کرنے میں مدد دیتا ہے، جبکہ ہائی بلڈ پریشر فالج کے بڑے اسباب میں شامل ہے۔ اس کے علاوہ شکر قندی میں موجود فائبر کولیسٹرول کو قابو میں رکھنے میں مدد فراہم کرتا ہے۔
کیلے
کیلوں میں موجود پوٹاشیم بلڈ پریشر کو متوازن رکھنے میں اہم کردار ادا کرتا ہے، جس سے فالج کے خطرے میں کمی آتی ہے۔
پالک
پالک آئرن، فائبر اور وٹامن اے اور سی سے بھرپور سبزی ہے۔ یہ پوٹاشیم کا بھی بہترین ذریعہ ہے، جو بلڈ پریشر کم کرنے کے ساتھ ساتھ شریانوں کی صحت کو بہتر بناتا ہے، یوں فالج کے خطرے کو نمایاں حد تک کم کرتا ہے۔
ذریعہ
ذریعہ: Jasarat News
کلیدی لفظ: فالج کے خطرے رکھنے میں بلڈ پریشر کا خطرہ جاتا ہے
پڑھیں:
حکومت کا مسلسل تین دنوں میں پیٹرولیم مصنوعات مہنگی کرنے کا نیا ریکارڈ
سٹی 42: حکومت نے پیٹرول اور ڈیزل کی قیمت میں اضافہ کردیا
حکومت کی جانب سے پیٹرول4روپے 40پیسے مہنگا کردیاگیاجبکہ ڈیزل کی قیمت میں 3روپے 62پیسےا ضافہ کیا گیا ہے۔
پیٹرول کی نئی قیمت 331روپے 52پیسے ہوگئی،ڈیزل کی نئی قیمت 378روپے 66پیسے مقرر کردی۔
واضح رہے پیٹرولیم مصنوعات کی قیمتوں میں روزانہ کی بنیاد پرتعین کیا جارہا ہے ۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار