پشاور میں 6 ہزار سے زائد مین ہولز بغیر ڈھکن، شہریوں کی جانیں خطرے میں
اشاعت کی تاریخ: 3rd, February 2026 GMT
خیبر پختونخوا کے دارالحکومت پشاور میں شہریوں کی سلامتی ایک سنگین مسئلہ بن چکی ہے، جہاں شہر کی 42 یونین کونسلز میں 6 ہزار سے زائد مین ہولز بغیر ڈھکن کے کھلے پڑے ہیں۔ ان مین ہولز پر ڈھکن نصب کرنے کے لیے واٹر اینڈ سینیٹیشن سروسز پشاور (ڈبلیو ایس ایس پی) نے محکمہ لوکل گورنمنٹ سے خطیر فنڈز کی فراہمی کی باضابطہ درخواست کر دی ہے۔
ڈبلیو ایس ایس پی کا مراسلہ، فنڈز کی تفصیل جاریمحکمہ لوکل گورنمنٹ کو ارسال کیے گئے مراسلے کے مطابق ڈبلیو ایس ایس پی کے دائرہ کار میں آنے والے علاقوں میں 6 ہزار 260 مین ہولز ایسے ہیں جن پر یا تو ڈھکن موجود نہیں یا وہ ٹوٹ چکے ہیں۔
ادارے کے مطابق مختلف اقسام کے مین ہولز کے ڈھکن نصب کرنے کے لیے مجموعی طور پر 5 کروڑ 79 لاکھ روپے درکار ہوں گے۔
مراسلے میں مین ہولز کی تفصیل ان کی وزن برداشت کرنے کی صلاحیت کے مطابق فراہم کی گئی ہے۔
15 ٹن وزن برداشت کرنے والے 1,707 مین ہولز کھلے ہیں یا ان کے ڈھکن ٹوٹ چکے ہیں۔ 6 ٹن وزن برداشت کرنے والے 3,169 مین ہولز اس وقت بغیر ڈھکن ہیں۔ 2 ٹن وزن برداشت کرنے والے 1,384 مین ہولز بھی کھلے پڑے ہیں۔
یہ بھی پڑھیے پشاور کے دو رُخ: جی ٹی روڈ سے آگے چھپی دنیائیں
ڈبلیو ایس ایس پی کے مطابق یہ صورتحال شہریوں، بالخصوص بچوں اور موٹر سائیکل سواروں کے لیے شدید خطرے کا باعث بن رہی ہے۔
مین ہولز کے ڈھکن چوری ہونے کا انکشافڈبلیو ایس ایس پی حکام نے مراسلے میں انکشاف کیا ہے کہ شہر میں مین ہولز کے ڈھکن اکثر چوری ہو جاتے ہیں۔ حکام کے مطابق لوہے کے ڈھکن بار بار چوری کیے جاتے رہے۔ سیمنٹ کے ڈھکن توڑ کر ان میں موجود سریا نکال لیا جاتا ہے۔ کنکریٹ کے مین ہولز کو بھی توڑ کر سریا چوری کیا جاتا ہے۔
یہ بھی پڑھیے بنیادی سہولیات سے محروم پشاور کا باڑہ شیخان پی ٹی آئی پر ایک سوالیہ نشان!
ان عوامل کے باعث مین ہولز کھلے رہ جاتے ہیں اور حادثات کا خدشہ بڑھ جاتا ہے۔
جدید آر پی سی ڈھکن لگانے کا فیصلہچوری کے مسلسل واقعات کے پیش نظر ڈبلیو ایس ایس پی نے اب جدید آر پی سی (RPC) مین ہول ڈھکن نصب کرنے کا فیصلہ کیا ہے، جو زیادہ مضبوط اور چوری کے امکانات سے محفوظ سمجھے جاتے ہیں۔ حکام کے مطابق جلد اس منصوبے پر عملی کام کا آغاز کیا جائے گا۔
ڈبلیو ایس ایس پی کے مطابق سال 2025 کے دوران شہر کے مختلف علاقوں میں 2 ہزار 261 مین ہولز کے ڈھکن نصب کیے جا چکے ہیں، تاہم باقی ماندہ مین ہولز کے لیے فوری فنڈز کی فراہمی ناگزیر ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پشاور.
ذریعہ
ذریعہ: WE News
کلیدی لفظ: پشاور مین ہولز کے ڈھکن ڈبلیو ایس ایس پی ڈھکن نصب کے مطابق کے لیے
پڑھیں:
حیسکو میں ایک ارب 6 کروڑ سے زائد کی کرپشن کا انکشاف
حیدرآباد الیکٹرک سپلائی کمپنی (حیسکو) میں تنخواہوں اور الاؤنسز کی مد میں ایک ارب 6 کروڑ سے زائد کرپشن کا انکشاف ہوا ہے۔
قومی اسمبلی کی پبلک اکاؤنٹس کمیٹی کے اجلاس میں آڈٹ حکام نے انکشاف کیا کہ حیسکو میں گھوسٹ ملازمین، ڈبل تنخواہوں کے ذریعے قومی خزانے کو نقصان پہنچایا گیا اور وفاقی تحقیقاتی ادارہ (ایف آئی اے)99 کروڑ 62 لاکھ کی مبینہ کرپشن کی تحقیقات کر رہا ہے۔
آڈٹ حکام نے مزید انکشاف کیا کہ حیسکو کی اندرونی انکوائری میں مزید 6 کروڑ 78 لاکھ روپے کی مشتبہ ادائیگیاں ہوئی ہیں۔
چیئرمین کمیٹی شاہدہ اختر کی زیرصدارت اجلاس میں ایف آئی اے حکام نے بتایا کہ اس معاملے میں ایف آئی آرز کی تعداد 5 ہوگئی تھی، 151 ملزمان تھے جن میں سے 14 کو گرفتار کیا گیا جبکہ دیگر ضمانت پر ہیں، ایک ارب روپے میں سے 13 کروڑ روپے کی ریکوری ہوئی ہے۔
رکن کمیٹی قاسم نون نے کہا کہ 13 کروڑ روپے کچھ بھی نہیں ہیں، سخت ایکشن لیا جائے، سید امین الحق نے کہا کہ گھوسٹ ملازمین کی تصدیق بھی کی گئی کہ وہ موجود ہیں۔
سینیٹر افنان اللہ خان نے کہا کہ وزارت کو چاہیے کہ وہ مداخلت کرے اور ذمہ داران کا تعین کرے۔
چیئرمین کمیٹی شاہد اختر نے کہا کہ یہ تو آڈٹ نے نشان دہی کر دی ہے، لگتا ہے کہ پاور ڈویژن کا کوئی چیک اینڈ بیلنس نہیں ہے، جس پر سی ای او حیسکو نے بتایا کہ 756 ملین روپے کی ذمہ داری بھی فکس ہو چکی ہے۔
شاہدہ اختر نے کہا کہ عدالت کے حکم تک یہ آڈٹ پیرا زیر التوا رہے گا، رکن کمیٹی سید حسین طارق نے سوال کیا کہ حیسکو میں بائیو میٹرک سسٹم کیوں نہیں ہے۔
پاکستان پیپلزپارٹی (پی پی پی) کی رکن شازیہ مری نے کہا کہ ہم ڈسکوز کو یہاں کمنٹس کے لیے نہیں احتساب کے لیے بلاتے ہیں، یہ لوگوں کو چور کہتے ہیں اور اپنی پرفارمنس کے گیت گاتے نہیں تھکتے۔
پبلک اکاؤنٹس کمیٹی نے ہدایت کی کہ 13 کروڑ روپے کی ریکوری کی آڈٹ سے تصدیق کرائی جائے، جو ریکوری رہ گئی ہے وہ معاملہ زیر التوا رہے گا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار