مہاراشٹر کے نائب وزیراعلیٰ کی آخری رسومات کے دوران چوروں کی لوٹ مار، 30 لاکھ کے زیورات لوٹ لیے
اشاعت کی تاریخ: 4th, February 2026 GMT
بھارتی سیاستدان اور مہاراشٹر کے نائب وزیر اعلیٰ اجیت پوار کی آخری رسومات کے دوران تقریباً 30 لاکھ انڈین روپے مالیت کے سونے کے زیورات چوری ہونے کا انکشاف ہوا ہے۔
پولیس کے مطابق 29 جنوری کو اجیت پوار کے جنازے میں شرکت کے لیے مہاراشٹر بھر سے لاکھوں افراد بارامتی پہنچے تھے، جہاں ایک وسیع میدان میں آخری رسومات ادا کی جا رہی تھیں۔ اسی دوران چوروں کے ایک منظم گروہ نے سوگواروں کو نشانہ بنایا۔
یہ بھی پڑھیے: موموز کی بھوک، 14 سالہ لڑکے نے 85 لاکھ کے زیورات چرالیے
مقامی پولیس کا کہنا ہے کہ آدھا درجن سے زائد چین اسنیچرز پر مشتمل ایک گینگ نے ہجوم کا فائدہ اٹھاتے ہوئے سونے کی چینیں، دیگر زیورات اور نقدی چوری کی۔ اگرچہ موقع پر امن و امان کی نگرانی کے لیے تقریباً 8 ہزار پولیس اہلکار تعینات تھے، اس کے باوجود وارداتیں ہوتی رہیں۔
پولیس کے مطابق بعض مشتبہ چوروں کو عوام نے پکڑ کر تشدد کا نشانہ بنایا، جس کے بعد انہیں پولیس کے حوالے کر دیا گیا۔ اب تک تقریباً 6 مشتبہ افراد کو حراست میں لے لیا گیا ہے۔
واضح رہے کہ اجیت پوار اس وقت جان سے گئے جب ممبئی سے بارامتی جانے والا لیئر جیٹ 45 طیارہ بارامتی ایئرپورٹ پر کریش لینڈنگ کر گیا۔ اس حادثے میں ان کے سیکیورٹی اہلکار اور عملے کے دیگر افراد بھی ہلاک ہوئے۔
یہ بھی پڑھیے: اسلام آباد: 9 گینگز کے 20 ملزمان گرفتار، 2 کروڑ روپے مالیت کی نقدی و زیورات برآمد
اجیت پوار، مہاراشٹر کے سینیئر سیاستدان شرد پوار کے بھتیجے تھے، تاہم چند سال قبل سیاسی اختلافات کے باعث دونوں کے راستے جدا ہو گئے تھے اور اجیت پوار نے اپنی جماعت بنا کر بی جے پی سے اتحاد کر لیا تھا۔ اطلاعات کے مطابق حادثے سے قبل دونوں رہنماؤں کے درمیان اختلافات ختم کرنے کی کوششیں جاری تھیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چور ڈکیتی زیورات مہاراشٹر نائب وزیر اعلیٰ اجیت پوار.
ذریعہ
ذریعہ: WE News
کلیدی لفظ: چور ڈکیتی زیورات مہاراشٹر نائب وزیر اعلی اجیت پوار اجیت پوار
پڑھیں:
صرف 10 لاکھ روپے میں منی الیکٹرک کار، کیا یہ واقعی ممکن ہے؟
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار