کسی بھی نئی جگہ پر پہلی رات کو نیند کیوں غائب ہو جاتی ہے؟ راز فاش ہوگیا!
اشاعت کی تاریخ: 4th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اکثر لوگوں نے یہ تجربہ ضرور کیا ہوگا کہ جب وہ کسی نئی جگہ، ہوٹل یا اجنبی ماحول میں پہلی رات سونے کی کوشش کرتے ہیں تو نیند آنکھوں سے کوسوں دور رہتی ہے۔
بستر آرام دہ ہونے کے باوجود کروٹیں بدلتی رہتی ہیں اور دماغ مسلسل متحرک محسوس ہوتا ہے۔ طویل عرصے سے یہ مسئلہ عام مشاہدے میں تھا، مگر اب سائنسدانوں نے اس کی واضح وجہ جاننے میں کامیابی حاصل کر لی ہے۔
جاپان کی ناگویا یونیورسٹی سے تعلق رکھنے والے محققین نے اس سوال پر تحقیق کی کہ آخر کیوں کسی نئی جگہ پہلی رات نیند متاثر ہوتی ہے، جبکہ اگلی رات نسبتاً پرسکون نیند آ جاتی ہے۔ اس مقصد کے لیے سائنسدانوں نے چوہوں پر تجربات کیے تاکہ دماغ کے ان حصوں کو سمجھا جا سکے جو نئے ماحول میں سرگرم ہو جاتے ہیں۔
تحقیق کے دوران سائنسدانوں نے نیورونز کے ایک مخصوص گروپ کی نشاندہی کی جو اجنبی ماحول میں خاص طور پر متحرک ہو جاتا ہے۔ یہ نیورونز ایک کیمیائی مرکب خارج کرتے ہیں جسے نیوروٹینسن کہا جاتا ہے۔ یہ مرکب دماغ کو مکمل طور پر آرام کی حالت میں جانے سے روکتا ہے اور بیداری کو برقرار رکھنے میں مدد دیتا ہے۔
محققین کے مطابق یہ دماغی عمل دراصل ایک حفاظتی نظام کا حصہ ہے۔ جب انسان کسی غیر مانوس جگہ پر ہوتا ہے تو اس کا دماغ لاشعوری طور پر ممکنہ خطرات کو بھانپنے کے لیے زیادہ چوکس ہو جاتا ہے۔ اس کیفیت کو محققین نے چوکیدار سے تشبیہ دی ہے، جو اس وقت تک پوری طرح آرام نہیں کرتا جب تک یہ یقین نہ ہو جائے کہ ماحول محفوظ ہے۔
تحقیق میں بتایا گیا ہے کہ نئی جگہ پہلی رات دماغ کا ایک حصہ جزوی طور پر جاگتا رہتا ہے، جیسے وہ مسلسل اردگرد کے حالات پر نظر رکھے ہوئے ہو۔ یہی وجہ ہے کہ انسان خود کو تھکا ہوا محسوس کرنے کے باوجود گہری نیند میں نہیں جا پاتا۔ جیسے ہی دماغ کو ماحول محفوظ ہونے کا یقین ہو جاتا ہے، اگلی رات نیند کا معیار بہتر ہو جاتا ہے۔
محققین کا کہنا ہے کہ دہائیوں سے یہ معلوم تھا کہ نئی جگہ نیند متاثر ہوتی ہے، مگر اس کے پیچھے دماغی سطح پر کیا عمل ہوتا ہے، یہ پہلی بار واضح ہوا ہے۔ اس تحقیق کے نتائج جرنل پروسیڈنگز آف دی نیشنل اکیڈمی آف سائنسز میں شائع کیے گئے ہیں، جو انسانی نیند اور دماغی رویوں کو سمجھنے میں ایک اہم پیش رفت سمجھے جا رہے ہیں۔
.
ذریعہ
ذریعہ: Jasarat News
کلیدی لفظ: ہو جاتا ہے پہلی رات نئی جگہ
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار