اسسٹنٹ کمشنر نوشکی ماریہ شمعون کا بھارتی پراکسی فتنہ الہندوستان کو دوٹوک پیغام
اشاعت کی تاریخ: 4th, February 2026 GMT
نوشکی (ویب ڈیسک) اسسٹنٹ کمشنر نوشکی ماریہ شمعون نے بھارتی پراکسی فتنہ الہندوستان کو واضح اور دوٹوک پیغام دیتے ہوئے کہا ہے کہ 31 جنوری کو بلوچستان میں سیکیورٹی فورسز کے غیر متزلزل عزم نے دشمن کے تمام عزائم کو خاک میں ملا دیا۔
اسسٹنٹ کمشنر نوشکی نے فتنہ الہندوستان کے بزدلانہ حملے کو ناکام بنانے پر پاک فوج اور ایف سی سے اظہار تشکر کیا اور پاک فوج کے ساتھ کھڑے رہنے کے غیر متزلزل عزم کا اعادہ کیا۔
انہوں نے اپنے بیان میں کہا کہ 31 جنوری کو فتنہ الہندوستان نے ہمارے گھروں کا محاصرہ کرکے ڈپٹی کمشنر نوشکی محمد حسین اور ان کے اہل خانہ کو یرغمال بنانے کی کوشش کی، تاکہ ہمارے حوصلے پست کیے جائیں اور ہمیں عوامی خدمت سے روکا جا سکے، تاہم دہشت گردوں کو شدید ہزیمت کا سامنا کرنا پڑا۔
اسسٹنٹ کمشنر نوشکی کا کہنا تھا کہ دہشت گردوں نے کوشش کی کہ ہم نوشکی کے عوام کی خدمت نہ کر سکیں، مگر پاک فوج اور ایف سی کی بروقت اور مؤثر کارروائی نے دشمن کے مذموم عزائم کو ناکام بنا دیا۔
انہوں نے کہا کہ اس مشکل گھڑی میں پاک فوج مسلسل ہمارے شانہ بشانہ رہی اور ہمیں بحفاظت گھروں تک پہنچایا گیا، جس پر وہ سیکیورٹی فورسز کی تہہ دل سے شکر گزار ہیں۔
ماریہ شمعون نے کہا کہ میں اور میری فیملی فیلڈ مارشل سید عاصم منیر، کور کمانڈر کوئٹہ اور آئی جی ایف سی کا خصوصی شکریہ ادا کرتے ہیں جن کی قیادت اور رہنمائی میں یہ کامیاب کارروائی ممکن ہوئی۔
انہوں نے نوشکی سمیت بلوچستان کے عوام کو پیغام دیتے ہوئے کہا کہ ہم پاک فوج کے ساتھ کھڑے ہیں اور ہر قسم کے حالات میں عوام کی خدمت کا مشن جاری رکھیں گے۔ دشمن کبھی ہمارے حوصلے پست نہیں کر سکتا۔
https://dailymumtaz.com/wp-content/uploads/2026/02/maria-shamoon.mp4
ذریعہ
ذریعہ: Daily Mumtaz
کلیدی لفظ: اسسٹنٹ کمشنر نوشکی فتنہ الہندوستان پاک فوج کہا کہ
پڑھیں:
حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا
اسلام آباد(اُردو پوائنٹ اخبارتازہ ترین۔ 02 جون2026ء) حکومت نے 11 ماہ میں عوام اور کاروباری اداروں کی جیبوں سے سوا 11 ہزار ارب روپے کا ٹیکس نکال لیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا ، مئی میں 994 ارب روپے وصول کیے ۔ تازہ ترین حکومتی اعداد و شمار کے مطابق ایف بی آر کی ٹیکس وصولیاں نظرثانی شدہ اہداف کے مطابق جاری ہیں۔ مشیر وزیر خزانہ خرم شہزاد کے مطابق 864 ارب روپے کے ٹیکس شارٹ فال کا تاثر ابتدائی 14 ہزار 130 ارب روپے کے ہدف کی بنیاد پر دیا جا رہا ہے جو گمراہ کن ہے۔معاشی حالات میں تبدیلی کے بعد آئی ایم ایف کی مشاورت سے ریونیو ہدف تقریباً 13 ہزار ارب روپے تک ایڈجسٹ کیا گیا۔ مشیر وزیر خزانہ نے کہا کہ مہنگائی،درآمدات اور عالمی صورتحال میں تبدیلی کے باعث اہداف پر نظرثانی معمول کا مالی عمل ہے، نظرثانی شدہ مالی فریم ورک کیتحت ایف بی آر کی کارکردگی مضبوط،11 ماہ کا تقریباً مکمل ہدف حاصل کیا گیا، ایف بی آر نے پہلے 11 ماہ میں 11 ہزار 257 ارب روپے ٹیکس اکٹھا کیا جبکہ مئی میں 994 ارب روپے وصول کیے۔(جاری ہے)
مشیر وزیر خزانہ نے کہا کہ مئی میں ایف بی آر نے ماہانہ ہدف کا 97 فیصد جبکہ 11 ماہ کے ہدفکا 99.8 فیصد حاصل کیا، موجودہ کارکردگی ریونیو بحران یا بڑے ٹیکس شارٹ فال کے دعوؤں کی نفی کرتی ہے، جون 2026 کا 1 ہزار 727 ارب ریونیو ہدف 15 فیصد اضافے کے ساتھ نظرثانی شدہ مالی فریم ورک کے مطابق قابل حصول ہے، کاروباری طبقے اور سرمایہ کار غیر معمولی ٹیکس اقدامات سے متعلق قیاس آرائیوں پر توجہ نہ دیں، مالی معاملات پر تبصرہ پرانے اہداف کے بجائے موجودہ معاشی حقائق اور درست اعداد و شمار پر ہونا چاہیے۔
وزارت آئی ٹی نے 1.67 ارب روپے سے زاید کے فنڈز طلب کرلیے