رابی پیرزادہ کو ہراساں کرنیوالا شخص گرفتار
اشاعت کی تاریخ: 4th, February 2026 GMT
کراچی میں سابقہ گلوکارہ رابی پیرزادہ کو ہراساں کرنے والے شخص کو پولیس نے گرفتار کر لیا۔
پولیس حکام کے مطابق کراچی کے علاقے ڈیفنس میں رابی پیرزادہ کو مبینہ طور پر ہراساں کیے جانے کے بعد مقدمہ درج کر لیا گیا ہے۔
یہ واقعہ گزشتہ روز ڈیفنس فیز 7 میں پیش آیا جہاں ایک مشتبہ کار سوار شخص نے رابی پیرزادہ اور ان کے ڈرائیور کو مبینہ طور پر ہراساں کیا۔
ابتدائی تفتیش کے مطابق رابی پیرزادہ کو ہراساں کرنے والے مشتبہ شخص کو جب ان کے ڈرائیور نے روکنے کی کوشش کی تو اس نے ڈرائیور کے ساتھ بھی بدتمیزی کی۔
پولیس نے اس واقعے کا مقدمہ درج کر کے ملزم کو گرفتار کر لیا ہے اور اس سے تفتیش جاری ہے۔
.
ذریعہ
ذریعہ: Daily Mumtaz
کلیدی لفظ: رابی پیرزادہ کو
پڑھیں:
کوئٹہ، سرکاری دفاتر میں ایجنٹس کیخلاف ایف آئی اے کی کارروائی، 14 افراد گرفتار
ڈائریکٹر ایف آئی اے بلوچستان کے مطابق ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کیلئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔ اسلام ٹائمز۔ وفاقی تحقیقات ادارے ایف آئی ای نے کوئٹہ شہر میں مختلف وفاقی اداروں کے مبینہ ایجنٹس کے خلاف بڑے پیمانے پر کریک ڈاؤن کرتے ہوئے 14 افراد کو گرفتار کرلیا ہے۔ ڈائریکٹر ایف آئی اے بلوچستان بہرام مندوخیل کے مطابق کارروائی کے دوران نادرا، سوئی سدرن گیس کمپنی، پاسپورٹ آفس اور میٹروپولیٹن کارپوریشن سے متعلق مبینہ ایجنٹس کو حراست میں لیا گیا ہے، جو شہریوں کو مختلف سرکاری امور میں غیر قانونی سہولت کاری فراہم کرنے میں ملوث تھے۔ انہوں نے بتایا کہ گرفتار ملزمان مبینہ طور پر برتھ سرٹیفکیٹس، قومی شناختی کارڈز، پاسپورٹس اور دیگر سرکاری دستاویزات کے حصول کے لئے غیر قانونی طریقے سے سہولت فراہم کرتے اور شہریوں سے رقوم وصول کرتے تھے۔
ڈائریکٹر ایف آئی اے نے کہا کہ گرفتار ملزمان سے تفتیش جاری ہے اور ابتدائی تحقیقات کی روشنی میں ان کے نیٹ ورک میں شامل دیگر افراد کی نشاندہی کی جا رہی ہے۔ امید ہے کہ مزید گرفتاریاں بھی عمل میں آئیں گی۔ بہرام مندوخیل نے کہا کہ ایف آئی اے سرکاری اداروں میں بدعنوانی، جعلسازی اور غیر قانونی سہولت کاری کے خاتمے کے لئے کارروائیاں جاری رکھے گی اور قانون شکنی میں ملوث عناصر کے خلاف بلاامتیاز کارروائی کی جائے گی۔
بھارت سے جنگ اور افغانستان میں کارروائی خارج ازامکان نہیں، وزیردفاع