پی ٹی آئی سے کوئی بات چیت نہیں ہورہی،انکے پاس سٹریٹ پاور نہیں ،عطاتارڑ
اشاعت کی تاریخ: 4th, February 2026 GMT
سٹی42: وفاقی وزیر اطلاعات عطااللہ تارڑ کا کہنا ہے کہ وزیر اعلیٰ خیبر پختونخوا سہیل آفریدی کی درخواست پر وزیراعظم نے ملاقات کی ۔ شہباز شریف نے سہیل آفریدی کو اپنے صوبے کے انتظامی معاملات بہتر کرنے کی ہدایت کی ہے۔پی ٹی آئی کے پاس سٹریٹ پاور نہیں رہی۔اگر سٹریٹ پاور ہوتی تو کے پی میں بنوں،پشاور میں ان کے ناکام جلسے نہ ہوتے۔8 فروری کو پی ٹی آئی کو بندے اکٹھے کرنے میں مشکل ہو گی ۔
مریم اورنگزیب کا رات گئےاندرونِ شہر کا دورہ، بسنت انتظامات کا جائزہ لیا
وفاقی وزیر اطلاعات عطااللہ تارڑ نے 24 نیوز سے گفتگو کرتے ہوئے کہا کہ ہم نے عمران خان کی صحت پر کوئی مذاق اڑایا نہ ہی کوئی منفی بات کی ہے۔صحت کے معاملے پر سیاست نہیں ہونی چاہیے۔وزیر اطلاعات نےعمران خان اور حکومت کی بات چیت پر ردعمل دیتے ہوئے کہا کہ پی ٹی آئی سے نہ کوئی فرنٹ پر اور نہ بیک پر کوئی بات چیت ہو رہی ہے۔پی ٹی آئی کے پاس سٹریٹ پاور نہیں رہی۔اگر سٹریٹ پاور ہوتی تو کے پی میں بنوں،پشاور میں ان کے ناکام جلسے نہ ہوتے۔8 فروری کو پی ٹی آئی کو بندے اکٹھے کرنے میں مشکل ہو گی ۔مولانا فضل الرحمان ہمارے فطری اتحادی ہیں اور زیرک سیاستدان ہیں قومی مفاد میں وہ کلیر ہیں ۔بی ایل اے کو بھی جلد شکست فاش ہو گی ۔
پھلوں کی آج کی ریٹ لسٹ -04 فروری، 2026
وفاقی وزیرعطا تارڑ نے وزیر داخلہ محسن نقوی کی تعریف کرتے ہوئے کہا کہ محسن نقوی نے ماسٹر اسٹروک کھیلا ہے ۔بنگلادیشی عوام محسن نقوی کا شکریہ ادا کر رہے ہیں۔ٹرافی کا معاملہ ہو یا ہینڈ شیک کا محسن نقوی نے زبردست کردار ادا کیا اور اب انڈیا کو مالی مشکلات کا سامنا ہو گا۔
.
ذریعہ
ذریعہ: City 42
کلیدی لفظ: وفاقی وزیر اطلاعات عطااللہ تارڑ سہیل آفریدی ملاقات شہباز شریف سہیل آفریدی وفاقی وزیر اطلاعات عطااللہ تارڑ سٹریٹ پاور محسن نقوی پی ٹی آئی اور نہ
پڑھیں:
بجلی صارفین کے لیے ریلیف کا اعلان، پاور ڈویژن نے عوام کو خوشخبری سنا دی
پاور ڈویژن نے اعلان کیا ہے کہ رواں سال جون کے دوران بجلی صارفین کو فی یونٹ 20 پیسے کا خالص ریلیف ملے گا۔
اعلامیے کے مطابق ماہانہ فیول ایڈجسٹمنٹ کی مد میں 1.73 روپے فی یونٹ اضافہ جبکہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے، جس کے نتیجے میں صارفین کو مجموعی طور پر 20 پیسے فی یونٹ کا فائدہ حاصل ہوگا۔
پاور ڈویژن کے مطابق جون میں بجلی کے نرخ جنوری تا مئی 2026 کے مقابلے میں برقرار رہیں گے۔
اعلامیے میں کہا گیا ہے کہ سہ ماہی ریلیف کی شرح ماہانہ اضافے سے زیادہ رہی، جس کی وجہ سے صارفین کو خالص ریلیف میسر آئے گا۔
پاور ڈویژن نے بتایا کہ ایران اور امریکا کے درمیان جنگ کے باعث عالمی توانائی منڈی شدید دباؤ کا شکار رہی اور برینٹ کروڈ آئل کی متوقع قیمت 70 ڈالر فی بیرل سے بڑھ کر 120 ڈالر فی بیرل تک پہنچ گئی۔
پاور ڈویژن کے مطابق اس صورتحال کے باوجود حکومت نے بروقت اقدامات کرتے ہوئے بجلی صارفین کو بڑے اضافی مالی بوجھ سے محفوظ رکھا۔
اعلامیے کے مطابق اپریل میں بجلی کی قیمت میں ممکنہ طور پر 5 سے 6 روپے فی یونٹ اضافے کا خدشہ تھا، تاہم حکومتی اقدامات کے نتیجے میں اس اضافے کو محدود کرکے 1.73 روپے فی یونٹ تک رکھا گیا۔ اس طرح صارفین پر تقریباً 38 ارب روپے کا اضافی بوجھ منتقل ہونے سے بچ گیا۔
پاور ڈویژن کا کہنا ہے کہ محدود لوڈ مینجمنٹ، مقامی گیس کے استعمال اور فرنس آئل کے مؤثر استعمال کے ذریعے توانائی کے بحران کا مقابلہ کیا گیا۔
مزید بتایا گیا کہ سہ ماہی ایڈجسٹمنٹ کی مد میں 1.93 روپے فی یونٹ کمی کی گئی ہے جس سے مجموعی طور پر 65 ارب روپے کا ریلیف صارفین کو ملے گا۔
اعلامیے میں کہا گیا کہ لائن لاسز میں کمی اور بجلی کی طلب میں اضافے کے باعث صارفین کو نمایاں ریلیف فراہم ہوا، جبکہ متوقع بیس ٹیرف کے مقابلے میں 46 ارب روپے کی منفی تبدیلی بھی صارفین کے حق میں گئی۔
پاور ڈویژن نے اس بات پر زور دیا کہ حکومت نے عالمی اور علاقائی سطح پر درپیش مشکلات کے باوجود بجلی کے نرخوں کو مستحکم رکھنے میں کامیابی حاصل کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بجلی صارفین پاور ڈویژن ریلیف کا اعلان عوام کو خوشخبری وی نیوز
وزارت آئی ٹی نے 1.67 ارب روپے سے زاید کے فنڈز طلب کرلیے