کے الیکٹرک کے چیف ایگزیکٹو آفیسر سید مونس عبداللہ علوی نے اپنے عہدے سے استعفا دے دیا
اشاعت کی تاریخ: 5th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کے الیکٹرک کے چیف ایگزیکٹو آفیسر سید مونس عبداللہ علوی نے اپنے عہدے سے استعفا دے دیا ہے۔
ذرائع کے مطابق سابقہ خاتون ملازمہ کی جانب سے ہراسانی کے الزامات اور اس سے جڑے طویل قانونی و انتظامی معاملات کے باعث وہ کئی ماہ سے شدید ذہنی دباؤ کا شکار تھے، جس کے بعد انہوں نے کے الیکٹرک کے چیئرمین کو اپنا استعفا پیش کیا۔
مونس علوی 2008 میں کے الیکٹرک سے وابستہ ہوئے تھے اور مختلف اہم عہدوں پر خدمات انجام دیتے رہے۔ وہ چیف فنانشل آفیسر، کمپنی سیکرٹری اور ہیڈ آف ٹریژری جیسے کلیدی مناصب پر فائز رہے، جبکہ 2018 میں انہیں چیف ایگزیکٹو آفیسر مقرر کیا گیا۔ کے الیکٹرک کے مطابق ان کا شمار توانائی کے شعبے کے تجربہ کار پیشہ ور افراد میں ہوتا تھا۔
کمپنی کا کہنا ہے کہ مونس علوی نے اپنے دور میں کئی اہم اصلاحاتی اقدامات کیے، جن میں گلوبل ایوارڈ یافتہ روشنی باجی پروگرام بھی شامل ہے۔ وہ میڈیا میں بھی کے الیکٹرک کے نمایاں نمائندے کے طور پر جانے جاتے تھے اور ادارے کے تشخص کو اجاگر کرنے میں فعال کردار ادا کرتے رہے۔
گزشتہ سال کے الیکٹرک کی سابق چیف مارکیٹنگ اینڈ کمیونیکیشن افسر مہرین عزیز خان نے مونس علوی پر ہراسانی، دھمکیوں اور ذہنی دباؤ ڈالنے کے الزامات عائد کیے تھے۔ خاتون کی درخواست پر صوبائی محتسب اعلیٰ سندھ جسٹس (ر) شاہ نواز طارق نے مونس علوی کو عہدے سے ہٹانے اور 25 لاکھ روپے جرمانہ عائد کرنے کا حکم دیا تھا۔
بعد ازاں یہ معاملہ گورنر سندھ کامران ٹیسوری کے پاس گیا، جنہوں نے ازخود تحقیقات کے بعد 31 جولائی 2025 کو صوبائی محتسب کا فیصلہ کالعدم قرار دے دیا۔ گورنر سندھ کے فیصلے میں کہا گیا کہ محتسب کی جانب سے شواہد کو نظرانداز کیا گیا اور الزامات ثابت نہیں ہو سکے۔
ذرائع کے مطابق گورنر سندھ نے الزام لگانے والی خاتون کو پیش ہو کر شواہد دینے کی ہدایت کی تھی، تاہم وہ طویل عرصے تک گورنر ہاؤس آنے سے گریز کرتی رہیں۔ آخری موقع پر پیش ہونے کے باوجود وہ اپنے الزامات کے حق میں ٹھوس شواہد فراہم نہ کر سکیں، جس کے بعد فیصلہ مونس علوی کے حق میں آیا۔
ذرائع کا کہنا ہے کہ اگرچہ گورنر سندھ کے فیصلے کے بعد مونس علوی ذہنی دباؤ سے کسی حد تک نکل آئے تھے، تاہم انہوں نے یہ فیصلہ کر لیا تھا کہ وہ کے الیکٹرک میں مزید اس عہدے پر کام نہیں کریں گے۔ استعفا دینے کے بعد وہ عمرے کی ادائیگی کے لیے روانہ ہو گئے ہیں۔
.
ذریعہ
ذریعہ: Jasarat News
کلیدی لفظ: کے الیکٹرک کے گورنر سندھ مونس علوی کے بعد
پڑھیں:
فراری کی پہلی الیکٹرک کار متعارف، رونمائی کے فوراً بعد تنقید کا طوفان
پُرتعیش گاڑیاں بنانے والی عالمی شہرت یافتہ کمپنی فراری کی پہلی مکمل الیکٹرک گاڑی منظرِ عام پر آتے ہی شدید تنقید کی زد میں آ گئی، جس کے اثرات کمپنی کی مارکیٹ پوزیشن پر بھی نمایاں طور پر دیکھے جا رہے ہیں۔
’لُوچے‘نامی اس نئی الیکٹرک گاڑی کو معروف ڈیزائنر سر جونی آئیو کے تخلیقی وژن کے تحت تیار کیا گیا ہے۔ اطالوی زبان میں ’لُوچے‘ کا مطلب ’روشنی‘ ہے۔ تاہم، گاڑی کا ڈیزائن اور مجموعی تصور صارفین اور ناقدین کی توقعات پر پورا نہ اتر سکا۔
فراری کی تاریخ میں پہلی بار متعارف کرائی گئی پانچ نشستوں والی اس الیکٹرک گاڑی کو غیرمعمولی کارکردگی کے ساتھ پیش کیا گیا ہے۔
کمپنی کے مطابق یہ گاڑی محض ڈھائی سیکنڈ میں صفر سے 96 کلومیٹر فی گھنٹہ کی رفتار حاصل کر سکتی ہے۔ اس کی قیمت 6 لاکھ 40 ہزار ڈالر، یعنی پاکستانی کرنسی میں تقریباً 18 کروڑ روپے رکھی گئی ہے۔
گاڑی کی تقریبِ رُونمائی میں اٹلی کی اہم شخصیات سمیت ملک کے صدر اور عیسائی برادری کے روحانی پیشوا پوپ لیو کو بھی مدعو کیا گیا تھا۔ تاہم، شاندار تقریب کے باوجود مارکیٹ کا ردِعمل فراری کے لیے حوصلہ افزا ثابت نہ ہو سکا۔
رونمائی کے صرف ایک دن بعد ہی کمپنی کے شیئرز کی قیمت میں آٹھ فی صد تک کمی ریکارڈ کی گئی، جسے سرمایہ کاروں کی مایوسی اور مارکیٹ کے منفی ردِعمل کی علامت قرار دیا جا رہا ہے۔
دوسری جانب ناقدین، سرمایہ کاروں اور بعض سیاسی شخصیات نے بھی گاڑی کے ڈیزائن اور تصور پر سوالات اٹھائے ہیں، جبکہ سوشل میڈیا پر اس کے منفرد انداز کو لے کر ملا جلا ردِعمل سامنے آ رہا ہے۔
ماہرین کا کہنا ہے کہ الیکٹرک گاڑیوں کی بڑھتی ہوئی عالمی مارکیٹ میں فراری کا یہ قدم تاریخی ضرور ہے، مگر کمپنی کو روایتی اسپورٹس کار کے شوقین صارفین کو قائل کرنے کے لیے مزید محنت کرنا پڑ سکتی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ