انسٹاگرام پر وائرل انفلوئنسر جڑواں بہنیں اے آئی سے تیار کردہ نکلیں
اشاعت کی تاریخ: 5th, February 2026 GMT
انسٹاگرام پر مقبول انفلوئنسر جڑواں بہنوں کے فالوورز کی تعداد تقریباً تین لاکھ تک پہنچ چکی ہے تاہم یہ مصنوعی ذہانت (اے آئی) سے تیار کردہ نکلیں۔
Itsvaleriaandcamila نامی انسٹاگرام اکاؤنٹ نے گزشتہ دو ماہ کے دوران غیر معمولی ظاہری شکل کے باعث خاصی توجہ حاصل کی، یہ اے آئی سے تیار کردہ کردار خود کو حقیقی قرار دیتے رہے اور ایک جسم میں جڑے دو الگ سروں اور چہروں کے ساتھ نظر آئے۔
اکاؤنٹ پر یہ دعویٰ کیا جاتا رہا کہ وہ اپنی روزمرہ زندگی کے لمحات شیئر کر رہی ہیں، جن میں سیر و تفریح، لباس کی جھلکیاں اور ڈیٹنگ سے متعلق اپ ڈیٹس شامل ہیں۔
دسمبر 2025 میں انسٹاگرام جوائن کرنے کے بعد اب تک اس اکاؤنٹ پر 100 سے زائد تصاویر اور ویڈیوز شیئر کی جا چکی ہیں۔
حال ہی میں ایک سوال و جواب کے سیشن کے دوران ویلیریا اور کیمیلا نے دعویٰ کیا کہ ان کے معدے الگ الگ ہیں اور بعض اوقات انہیں مختلف اوقات میں بھوک اور پیاس لگتی ہے، انہوں نے کہا کہ سب کچھ باہمی تعاون سے چلتا ہے۔
محبت اور تعلقات سے متعلق سوال پر ان کا کہنا تھا کہ وہ دونوں ایک ہی شخص کے ساتھ ڈیٹ کرتی ہیں۔
تاہم انہوں نے اے آئی ہونے کے شبہات پر کیے گئے سوالات کا براہِ راست جواب نہیں دیا، بعض صارفین نے تبصرہ کرتے ہوئے سوال اٹھایا کہ آیا یہ اکاؤنٹ مصنوعی ذہانت سے بنایا گیا ہے یا لوگ واقعی اسے حقیقت سمجھ رہے ہیں۔
بعد ازاں معروف اے آئی پرامپٹ انجینئر اینڈریو ہلبرٹ نے تصدیق کی کہ یہ انفلوئنسر جڑواں بہنیں دراصل اے آئی سے تیار کردہ ہیں۔
ان کا کہنا تھا کہ اکاؤنٹ چلانے والے صارف نے زیادہ سے زیادہ توجہ حاصل کرنے کے لیے ایک مکمل کہانی تخلیق کی۔
اینڈریو ہلبرٹ کے مطابق جڑواں بہنوں کی حد سے زیادہ سجی سنوری اور بے عیب شکل میڈیا کے تصورِ حسن کی عکاسی کرتی ہے جو حقیقت سے بہت دور ہے۔
انہوں نے مختلف تصاویر اور ویڈیوز میں جسمانی اعضا کے سائز میں فرق کی نشاندہی بھی کی۔
.
ذریعہ
ذریعہ: Daily Mumtaz
کلیدی لفظ: سے تیار کردہ اے آئی
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے