پاکستانیوں کیلئے یو اے ای نے جلد ورک ویزےجاری کرنے کا اعلان کردیا
اشاعت کی تاریخ: 6th, February 2026 GMT
ویب ڈیسک: پاکستان میں متحدہ عرب امارات کے سفیر سالم الزابی نے اعلان کیا ہے کہ پاکستانی افرادی قوت کے لیے یو اے ای کے ورک ویزے جلد دوبارہ جاری کیے جائیں گے اور اس سلسلے میں تیاریاں آخری مراحل میں ہیں۔
سفیر سالم الزابی نے یو اے ای ایمبیسی میں پاکستان اوورسیز ایمپلائمنٹ پروموٹرز ایسوسی ایشن (پوئپا) کے وفد سے ملاقات کے دوران یہ بات کہی۔ وفد کی قیادت چیئرمین سید رحمت علی شاہ نے کی، جبکہ دیگر اراکین میں سیکرٹری جنرل ممتاز صدیق، سابق چیئرمین سید حبیب علی شاہ، چیئرمین کے معاونِ خصوصی شکیل عباسی اور ایگزیکٹو ممبر طارق جاوید شامل تھے۔
بھارت: عام آدمی پارٹی کے رہنما لکی اوبرائے جالندھر میں فائرنگ سے ہلاک
انھوں نے ملاقات میں پاکستان اور یو اے ای کے تعلقات کو تاریخی اور برادرانہ قرار دیتے ہوئے کہا کہ دونوں ممالک کے درمیان تعاون مختلف شعبوں میں جاری ہے، اور افرادی قوت کی فراہمی اس تعلق کا اہم حصہ ہے۔ انہوں نے پاکستانی محنت کشوں کی خدمات کو سراہتے ہوئے کہا کہ پاکستانی افرادی قوت نے یو اے ای کی ترقی میں اہم کردار ادا کیا ہے۔
سفیر نے مزید کہا کہ ورک ویزوں کے اجرا کا عمل جلد شروع ہونے والا ہے، جس سے پاکستانیوں کو روزگار کے نئے مواقع ملیں گے۔
دنیا بھر میں فیس بک کی سروسز متاثر، صارفین پریشان
پوئپا کے چیئرمین سید رحمت علی شاہ نے یو اے ای کے سفیر کی کاوشوں کی تعریف کرتے ہوئے کہا کہ پاکستانی ہنر مند افرادی قوت یو اے ای کی ترقی میں اہم کردار ادا کر رہی ہے، اور مستقبل میں بھی یہ تعاون جاری رہے گا۔ انہوں نے امید ظاہر کی کہ ورک ویزوں کی بحالی سے دونوں ممالک کے درمیان اقتصادی تعلقات مزید مضبوط ہوں گے، اور پاکستانی نوجوانوں کے لیے بیرون ملک روزگار کے نئے مواقع پیدا ہوں گے۔
.
ذریعہ
ذریعہ: City 42
کلیدی لفظ: افرادی قوت یو اے ای
پڑھیں:
موبائل کمپنیوں کو 4 برسوں میں 3 ارب 41 کروڑ جرمانہ، سروس اور کوریج کی بہتری کیلئے مہلت
پاکستان ٹیلی کمیونیکیشن اتھارٹی(پی ٹی اے)نے موبائل کمپنیوں کو غیرمعیاری سروس اور کوریج پر خامیاں دور کرنے کے لیے 30دن کی مہلت دے دی اور بتایا کہ مذکورہ کمپنیوں کو گزشتہ چار برس میں 3 ارب 41 کروڑ روپے جرمانے عائد کیے گئے ہیں۔
پی ٹی اے کے مطابق ملک بھر میں موبائل سروس کے معیار اور کوریج میں بہتری کے لیے ریگولیٹری کارروائیاں تیز کردی گئی ہیں۔
پی ٹی اے نے سروس میں خامیوں پر موبائل آپریٹرز کو 30 روز میں ضروری اقدامات کرنے اور خرابیوں کی وجوہات کا تعین کرکے اصلاحی پلان جمع کرانے کی ہدایت کردی ہے۔
موبائل کمپنیوں کو خبردار کرتے ہوئے پی ٹی اے نے کہا ہے کہ خامیاں دور نہ کرنے والے آپریٹرز کے خلاف مزید سخت کارروائی کی جائے گی۔
پی ٹی اے کے مطابق گزشتہ چار برس کے دوران موبائل کمپنیوں کو 3 ارب 41کروڑ روپے جرمانے عائد کیے گئے ہیں اور کوالٹی آف سروس اور کوریج کی خلاف ورزیوں پر 20وارننگ لیٹرز اور 86 شوکاز نوٹسز بھی جاری کیے جاچکے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار