انڈونیشیا میں چیٹ بوٹ گروک کی سروس بحال کرنے کا اعلان
اشاعت کی تاریخ: 6th, February 2026 GMT
انڈونیشیا نے ایلون مسک کے مصنوعی ذہانت پر مبنی چیٹ بوٹ گروک تک رسائی بحال کرنے کا اعلان کردیا۔
یہ بھی پڑھیں: امریکی سول سوسائٹی گروپس کا ایکس اور گروک کو ایپ اور پلے اسٹور سے ہٹانے کا مطالبہ
اے ایف پی کے مطابق یہ اعلان ایلون مسک سوشل میڈیا پلیٹ فارم ایکس کی جانب سے ملک کے قوانین پر عمل درآمد کی یقین دہانی کے بعد کیا گیا۔
انڈونیشیا کی وزارت مواصلات و ڈیجیٹل امور کے ایک اعلیٰ عہدیدار نے اتوار کو بتایا کہ گروک تک رسائی مشروط طور پر بحال کی جا رہی ہے کیونکہ ایکس کارپوریشن نے سروس میں بہتری اور اس کے غلط استعمال کی روک تھام کے لیے عملی اقدامات پر مشتمل تحریری عہد نامہ جمع کرایا ہے۔
گروک کو عالمی سطح پر شدید تنقید کا سامنا کرنا پڑا تھا جب یہ سامنے آیا کہ اس کی امیج جنریشن فیچر کے ذریعے صارفین سادہ ٹیکسٹ ہدایات استعمال کرتے ہوئے خواتین اور بچوں کی تصاویر کو جنسی نوعیت کا بنا سکتے ہیں۔
انہی خدشات کے باعث ملائیشیا اور فلپائن نے بھی انڈونیشیا کے بعد اس ٹول تک رسائی عارضی طور پر معطل کر دی تھی۔
مزید پڑھیے: چیٹ جی پی ٹی ایلون مسک کے ’گروکی پیڈیا‘ سے استفادہ کرنے لگا
انڈونیشیا کی وزارت مواصلات کے سینیئر اہلکار الیگزینڈر صابر نے ایک بیان میں کہا کہ وزارت گروک کی سرگرمیوں کی نگرانی اور مسلسل جائزہ لیتی رہے گی اور اگر کسی قسم کی خلاف ورزی سامنے آئی تو اصلاحی اقدامات کیے جائیں گے، جن میں دوبارہ پابندی بھی شامل ہو سکتی ہے۔
گروک کو تیار کرنے والی ایلون مسک کی ملکیت میں کام کرنے والی ایکس اے آئی نے فوری طور پر خبر رساں ادارے اے ایف پی کی جانب سے تبصرے کی درخواست کا جواب نہیں دیا۔
تاہم گزشتہ ماہ کمپنی نے فلپائن کو یقین دہانی کرائی تھی کہ گروک کو مقامی قوانین کے مطابق ڈھالا جائے گا جس میں فحش مواد، خصوصاً بچوں کے جنسی استحصال سے متعلق مواد کے مکمل اخراج کو یقینی بنایا جائے گا۔
دوسری جانب ملائیشیا نے بھی ایکس کی جانب سے اضافی حفاظتی اور روک تھام کے اقدامات کی یقین دہانی کے بعد گروک تک رسائی بحال کر دی ہے۔
یورپی یونین نے جنوری کے اواخر میں اعلان کیا تھا کہ اس نے گروک کے ذریعے خواتین اور نابالغ افراد کی جنسی نوعیت کی ڈیپ فیک تصاویر بنانے کے معاملے کی تحقیقات شروع کر دی ہیں۔
مزید پڑھیں: ایلون مسک کی ایکس اے آئی نے گروک سے ویڈیو جنریشن اپ ڈیٹ کردی
گروک کی جانب سے ردعمل میں کہا گیا ہے کہ اب امیج بنانے اور اس میں ترمیم کی سہولت صرف ادائیگی کرنے والے صارفین تک محدود کر دی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈونیشیا گروک گروک کی سروس بحال.
ذریعہ
ذریعہ: WE News
کلیدی لفظ: انڈونیشیا گروک گروک کی سروس بحال کی جانب سے ایلون مسک تک رسائی گروک کو گروک کی
پڑھیں:
مودی کا امتحانی پرچے لیک کرنے والوں کے خلاف فاسٹ ٹریک عدالتیں قائم کرنے کا اعلان
بھارتی وزیراعظم نریندر مودی نے امتحانی پرچوں کے لیک ہونے کے بڑھتے ہوئے واقعات کے خلاف سخت اقدامات کا اعلان کرتے ہوئے کہا ہے کہ ایسے جرائم میں ملوث افراد کو جلد انصاف کے کٹہرے میں لانے کے لیےفاسٹ ٹریک عدالتیںقائم کی جائیں گی۔ انہوں نے واضح کیا کہ طلبہ کے مستقبل سے کھیلنے والوں کے ساتھ کسی قسم کی رعایت نہیں برتی جائے گی۔
سوشل میڈیا پلیٹ فارم ایکس (X) پر جاری اپنے بیان میں وزیراعظم مودی نے کہا کہ نوجوانوں کا مستقبل حکومت کی اولین ترجیح ہے اور امتحانی نظام میں بدعنوانی یا پرچے لیک کرنے جیسے جرائم میں ملوث عناصر کو سخت اور فوری سزا دی جائے گی۔
یہ امتحانی پرچوں کے لیک ہونے کے معاملے پر وزیراعظم مودی کا پہلا عوامی بیان ہے۔ تاہم ان کے ردعمل کے بعد بھی ملک بھر میں جاری طلبہ احتجاج میں کمی نہیں آئی۔ متعدد طلبہ اور سماجی حلقوں نے سوال اٹھایا کہ حکومت نے اس حساس معاملے پر ردعمل دینے میں اتنی تاخیر کیوں کی۔
دوسری جانب لوک سبھا میں قائد حزب اختلاف راہل گاندھی نے وزیراعظم کے بیان کو تنقید کا نشانہ بناتے ہوئے حکومت پر تعلیمی نظام کو کمزور کرنے کا الزام عائد کیا۔
راہل گاندھی نے ایکس پر اپنی پوسٹ میں لکھا کہ نوجوانوں کے مستقبل کو سب سے زیادہ نقصان موجودہ حکومت نے پہنچایا ہے۔ ان کے مطابق حکومت نے نہ صرف تعلیمی نظام کو تباہ ہونے دیا بلکہ ذمہ دار افراد کو بھی تحفظ فراہم کیا۔
انہوں نے کہا کہ احتجاج کرنے والے طلبہ کے تین بنیادی مطالبات ہیں، جن میں وزیر تعلیم دھرمندر پردھان کو عہدے سے ہٹانا، طلبہ سے باضابطہ معافی مانگنا اور احتجاج کے دوران طلبہ پر مبینہ تشدد میں ملوث افراد کے خلاف کارروائی شامل ہے۔
واضح رہے کہ ملک میں تعلیمی اصلاحات اور امتحانی نظام میں شفافیت کے مطالبات کے حوالے سے احتجاجی تحریک جاری ہے۔ حالیہ دنوں میں طلبہ اور پولیس کے درمیان جھڑپوں کے بعد یہ معاملہ مزید شدت اختیار کر گیا ہے، جبکہ امتحانی پرچے لیک ہونے کے واقعات نے بھارت کے تعلیمی نظام پر سنجیدہ سوالات کھڑے کر دیے ہیں۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا