پاکستان اور ازبکستان کی تجارت 2029 تک 2 ارب ڈالر تک لے جائیں گے، وزیر اعظم کا عزم
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد:وزیر اعظم شہباز شریف نے پاکستان اور ازبکستان کے درمیان تجارتی تعلقات کو 2029 تک 2 ارب ڈالر تک پہنچانے کا عزم ظاہر کیا ہے۔
وزیر اعظم نے پاکستان اورازبکستان بزنس فورم سے خطاب کرتے ہوئے ازبک سرمایہ کاروں کو پاکستان میں سرمایہ کاری کی دعوت دیتے ہوئے کہا کہ گزشتہ بزنس فورم کے نتیجے میں دو طرفہ تجارتی حجم 45 کروڑ ڈالر تک پہنچ چکا ہے، مگر اس میں مزید اضافہ ممکن ہے۔
وزیر اعظم نے کہا کہ ازبکستان میں چاول اور آلو کی بہت زیادہ طلب موجود ہے جسے پاکستان کی پیداوار پورا کر سکتی ہے، اور دونوں ممالک کے نجی شعبے کے درمیان 3 ارب ڈالر سے زائد کے سمجھوتوں کو بھی اہم پیشرفت قرار دیا۔
ازبکستان کے صدر شوکت مرزا یوف نے بھی دونوں ملکوں کے درمیان کیے گئے باہمی سمجھوتوں پر مؤثر اور بروقت عمل درآمد کے عزم کا اظہار کیا۔
دوسری جانب دفتر خارجہ نے پاکستان اور ازبکستان کا مشترکہ اعلامیہ بھی جاری کیا، پاکستان نے ازبکستان کو اپنی بندرگاہوں اور سڑکوں کے ذریعے ٹرانزٹ کارگو کی سہولت فراہم کرنے کی پیشکش کی جبکہ ازبکستان نے افغانستان اور پاکستان کے درمیان ریلوے منصوبے کو متفقہ طور پر منظور کیا۔
اس موقع پر ایوان صدر میں ازبکستان کے صدر شوکت مرزا یوف کو پاکستان کے اعلیٰ اعزاز “نشان پاکستان” سے بھی نوازا گیا، جس سے دونوں ممالک کے باہمی تعلقات کو مزید مضبوط کرنے کا پیغام ملا۔
وزیر اعظم شہباز شریف نے کہا کہ پاکستان اور ازبکستان کے درمیان اقتصادی، تجارتی اور سرمایہ کاری کے تعلقات کو فروغ دینا خطے میں ترقی اور خوشحالی کے لیے کلیدی اہمیت رکھتا ہے اور حکومت اس سلسلے میں تمام ضروری اقدامات کر رہی ہے۔
ذریعہ
ذریعہ: Jasarat News
کلیدی لفظ: پاکستان اور ازبکستان ازبکستان کے کے درمیان
پڑھیں:
پاکستان میں ڈالر مستحکم، پاؤنڈ اور یورو سمیت بڑی کرنسیوں کے تازہ ریٹس جاری
کراچی: اسٹیٹ بینک آف پاکستان نے 2 جون 2026 کے لیے مختلف عالمی کرنسیوں کے پاکستانی روپے کے مقابلے میں تازہ ریٹس جاری کر دیے ہیں۔ جاری کردہ اعداد و شمار کے مطابق امریکی ڈالر اپنی سابقہ سطح کے قریب برقرار ہے جبکہ برطانوی پاؤنڈ، یورو اور خلیجی ممالک کی کرنسیاں بھی مستحکم رجحان دکھا رہی ہیں۔
امریکی ڈالر کی قیمت
اسٹیٹ بینک کے مطابق امریکی ڈالر کی انٹربینک شرح 278.46 روپے رہی۔ مالیاتی ماہرین کے مطابق ڈالر کی قیمت گزشتہ کئی ماہ سے 278 سے 280 روپے کے درمیان گردش کر رہی ہے، جس سے زرمبادلہ مارکیٹ میں استحکام کا تاثر مل رہا ہے۔
سعودی ریال اور اماراتی درہم
سعودی ریال 74.19 روپے جبکہ متحدہ عرب امارات کا درہم 75.82 روپے پر برقرار رہا۔ خلیجی ممالک میں مقیم پاکستانیوں کی جانب سے بھیجی جانے والی ترسیلات زر کے باعث ان کرنسیوں کی اہمیت پاکستانی معیشت کے لیے بہت زیادہ ہے۔
یورو اور برطانوی پاؤنڈ
یورو کی قیمت 324.40 روپے جبکہ برطانوی پاؤنڈ 375.18 روپے ریکارڈ کیا گیا۔ یورپ اور برطانیہ میں زیر تعلیم پاکستانی طلبہ اور وہاں مقیم پاکستانی خاندانوں کے لیے ان کرنسیوں کی قیمتیں خصوصی اہمیت رکھتی ہیں۔
دیگر اہم کرنسیاں
کینیڈین ڈالر 201.19 روپے، آسٹریلوی ڈالر 200.03 روپے، قطری ریال 76.39 روپے، بحرینی دینار 738.61 روپے اور کویتی دینار 907.63 روپے کی سطح پر رہا، جو بدستور پاکستانی روپے کے مقابلے میں سب سے مہنگی کرنسیوں میں شامل ہے۔
آج کے نمایاں کرنسی ریٹس
امریکی ڈالر: 278.46 روپے
سعودی ریال: 74.19 روپے
اماراتی درہم: 75.82 روپے
قطری ریال: 76.39 روپے
یورو: 324.40 روپے
برطانوی پاؤنڈ: 375.18 روپے
کینیڈین ڈالر: 201.19 روپے
آسٹریلوی ڈالر: 200.03 روپے
کویتی دینار: 907.63 روپے
بحرینی دینار: 738.61 روپے
عمانی ریال: 723.26 روپے
ماہرین کے مطابق آئندہ دنوں میں روپے کی قدر کا انحصار ترسیلات زر، زرمبادلہ ذخائر، درآمدی ادائیگیوں اور عالمی مالیاتی رجحانات پر ہوگا۔
وزارت آئی ٹی نے 1.67 ارب روپے سے زاید کے فنڈز طلب کرلیے