پالک: صحت کا خزانہ، دل، خون اور نظر کے لیے قدرتی نعمت
اشاعت کی تاریخ: 6th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی:پالک کو قدرت کی جانب سے انسان کے لیے ایک مکمل اور طاقتور غذائی تحفہ قرار دیا جاتا ہے، جو نہ صرف ذائقے میں منفرد ہے بلکہ بے شمار طبی فوائد کا حامل بھی ہے، پالک میں موجود وٹامنز، معدنیات اور اینٹی آکسیڈنٹس انسانی جسم کو متعدد بیماریوں سے محفوظ رکھنے میں اہم کردار ادا کرتے ہیں۔
ماہرینِ غذائیت کے مطابق پالک میں وٹامن اے، وٹامن سی، وٹامن کے، فولک ایسڈ، آئرن، کیلشیم اور فائبر وافر مقدار میں پائے جاتے ہیں، جو مجموعی صحت کے لیے نہایت ضروری ہیں، پالک کا باقاعدہ استعمال خون کی کمی (انیمیا) کے مریضوں کے لیے خاص طور پر مفید ہے کیونکہ اس میں آئرن کی مقدار زیادہ ہوتی ہے جو خون کے سرخ خلیات بنانے میں مدد دیتی ہے۔
دل کے امراض سے بچاؤ کے لیے بھی پالک کو اہم غذا تصور کیا جاتا ہے۔ پالک میں موجود اینٹی آکسیڈنٹس اور پوٹاشیم بلڈ پریشر کو قابو میں رکھنے میں مدد دیتے ہیں اور دل کی شریانوں کو مضبوط بناتے ہیں۔ اسی طرح پالک میں موجود فائبر نظامِ ہاضمہ کو بہتر بناتا ہے، قبض سے نجات دلاتا ہے اور آنتوں کی صحت کو برقرار رکھتا ہے۔
آنکھوں کی صحت کے حوالے سے بھی پالک کو غیر معمولی اہمیت حاصل ہے۔ اس میں موجود لیوٹین اور زیگزینتھین آنکھوں کو بڑھتی عمر کے اثرات اور روشنی کے مضر اثرات سے محفوظ رکھتے ہیں، جس سے نظر کمزور ہونے کے امکانات کم ہو جاتے ہیں۔
طبی ماہرین کے مطابق پالک ذیابیطس کے مریضوں کے لیے بھی فائدہ مند ہے کیونکہ یہ خون میں شوگر کی سطح کو متوازن رکھنے میں مدد دیتا ہے۔ اس کے علاوہ پالک وزن کم کرنے کے خواہشمند افراد کے لیے بھی بہترین غذا ہے کیونکہ اس میں کیلوریز کم اور غذائیت زیادہ ہوتی ہے۔
طبی ماہرین کا کہنا ہے کہ پالک کو سالن، سوپ، سلاد یا جوس کی صورت میں استعمال کیا جا سکتا ہے، اسے زیادہ دیر تک پکانے سے اس کے غذائی اجزا ضائع ہو سکتے ہیں، اس لیے ہلکی آنچ پر کم وقت میں پکانا بہتر ہے۔
ماہرین صحت نے عوام کو مشورہ دیا ہے کہ روزمرہ خوراک میں پالک کو شامل کر کے نہ صرف بیماریوں سے بچاؤ ممکن ہے بلکہ مجموعی صحت اور توانائی میں بھی نمایاں بہتری لائی جا سکتی ہے۔
ذریعہ
ذریعہ: Jasarat News
کلیدی لفظ: پالک میں پالک کو کے لیے
پڑھیں:
عالمی مارکیٹ میں تیل کی قیمت 100 ڈالر سے تجاوز، مزید اضافے کا خدشہ
اسلام آباد: مشرق وسطیٰ میں بڑھتی ہوئی کشیدگی کے باعث عالمی مارکیٹ میں تیل کی قیمت میں نمایاں اضافہ ریکارڈ کیا گیا ہے، جہاں برینٹ کروڈ پہلی بار 100 ڈالر فی بیرل کی سطح عبور کر گیا، جبکہ امریکی خام تیل بھی 90 ڈالر فی بیرل سے اوپر پہنچ گیا۔
تازہ عالمی مارکیٹ رپورٹس کے مطابق خطے میں جاری غیر یقینی صورتحال اور سپلائی میں ممکنہ رکاوٹوں کے خدشات نے خام تیل کی قیمتوں کو نئی بلند ترین سطح پر پہنچا دیا ہے۔
ماہرین توانائی کا کہنا ہے کہ اگر مشرق وسطیٰ کی صورتحال مزید کشیدہ ہوئی اور تیل کی ترسیل متاثر ہوئی تو برینٹ کروڈ کی قیمت 120 ڈالر فی بیرل تک پہنچ سکتی ہے۔
تیل کی قیمتیں کیوں بڑھ رہی ہیں؟
تجزیہ کاروں کے مطابق ایران سے تیل کی سپلائی متاثر ہونے کے خدشات، بحیرہ احمر میں حوثیوں کی جانب سے بحری سرگرمیوں میں رکاوٹ اور اہم تجارتی راستوں پر بڑھتے ہوئے خطرات نے عالمی توانائی مارکیٹ کو شدید دباؤ میں ڈال دیا ہے۔
ماہرین کا کہنا ہے کہ ایران کے اہم آئل ٹرمینل جزیرہ خارگ کو کسی بھی ممکنہ نقصان یا تیل کی صنعت میں ہڑتال کی صورت میں عالمی سطح پر سپلائی مزید متاثر ہو سکتی ہے، جس سے قیمتوں میں مزید تیزی آنے کا امکان ہے۔
پاکستان پر کیا اثر پڑ سکتا ہے؟
توانائی ماہرین کے مطابق اگر عالمی مارکیٹ میں تیل کی قیمت اسی رفتار سے بڑھتی رہی تو پاکستان میں بھی پیٹرول، ڈیزل اور دیگر پیٹرولیم مصنوعات مزید مہنگی ہونے کا امکان ہے۔ اس کے علاوہ ٹرانسپورٹ، بجلی کی پیداوار، صنعتی لاگت اور مہنگائی پر بھی اس کے اثرات مرتب ہو سکتے ہیں۔
ماہرین نے خبردار کیا ہے کہ عالمی تیل منڈی میں جاری غیر یقینی صورتحال برقرار رہی تو نہ صرف توانائی کی قیمتیں مزید بڑھ سکتی ہیں بلکہ عالمی معیشت اور سپلائی چین بھی شدید دباؤ کا شکار ہو سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار