سیہون میں حضرت لعل شہباز قلندر ؒ کا 774واں عرس مبارک شروع
اشاعت کی تاریخ: 7th, February 2026 GMT
ویب ڈیسک:سیہون شریف میں حضرت لعل شہباز قلندر ؒ کا سالانہ 774واں عرس مبارک شروع ہوگیا۔
عرس کی تین روزہ تقریبات کا افتتاح گورنر سندھ کامران ٹیسوری مزار قلندر پر حاضری دیکر کریں گے،پنجاب سمیت چاروں صوبوں سے لاکھوں زائرین سیہون پہنچ گئے ہیں اورسیہون کی گلیوں میں دمادم مست قلندر کے نعروں کی گونج سنائی دے رہی ہے۔
زائرین چادریں لیکر دھمالیں ڈال کر مزار قلندر پر حاضری دیکر عقیدت و محبت کا اظہار کر رہے ہیں،سیہون میں زائرین کی سہولت کیلئے پانی کی سبیلیں اور میڈیکل کیمپس بھی قائم کئے گئے ہیں۔
آج شام سندھ کی روایتی ثقافت ملاکھڑے کے دلچسپ مقابلے بھی منعقد ہونگے،رات کو شہباز آڈیٹوریم ہال میں سگھڑن جی کچہری کا زبردست پروگرام منعقد ہوگا۔
بھارت: عام آدمی پارٹی کے رہنما لکی اوبرائے جالندھر میں فائرنگ سے ہلاک
عرس کے موقع پرسیکیورٹی کے انتہائی سخت انتظامات کئے گئے ہیں اور 6 ہزار پولیس، 300 رینجرز اہلکار تعینات کئے گئے ہیں،مزار قلندر اور سیہون شہر کی سی سی ٹی وی،اور ڈرون کیمروں کے ذریعے بھی نگرانی جاری ہے۔
.
ذریعہ
ذریعہ: City 42
پڑھیں:
پشاور سمیت مختلف اضلاع میں بجلی کا طویل بریک ڈاؤن، شہریوں کو مشکلات کا سامنا
پشاور:خیبرپختونخوا کے دارالحکومت پشاور سمیت صوبے کے متعدد اضلاع میں بجلی کا طویل اور غیر معمولی بریک ڈاؤن شہریوں کے لیے عذاب بن گیا۔
شدید آندھی اور طوفان کے بعد شام تقریباً 6 بجے اچانک بجلی کی فراہمی معطل ہوئی جو کئی گھنٹے گزرنے کے باوجود مکمل طور پر بحال نہ ہو سکی۔
بجلی کی بندش کے باعث پشاور، مردان، چارسدہ، نوشہرہ اور دیگر متاثرہ علاقوں میں شہری شدید مشکلات کا شکار ہیں۔
گرمی اور حبس کے باعث گھروں میں موجود بچوں، بزرگوں اور مریضوں کو سخت پریشانی کا سامنا کرنا پڑا جبکہ کاروباری سرگرمیاں بھی متاثر ہوئیں۔
مزید پڑھیںپشاور سے کراچی تک نئی عوام ایکپریس ٹرین سروس شروع
شہریوں کا کہنا ہے کہ آندھی شروع ہوتے ہی بجلی غائب ہوگئی تاہم طوفان کے خاتمے کے کئی گھنٹے بعد بھی بجلی بحال نہ ہونا متعلقہ اداروں کی کارکردگی پر سوالیہ نشان ہے۔ متعدد علاقوں میں لوگ رات گئے تک بجلی کی واپسی کے منتظر رہے۔
دوسری جانب پیسکو حکام کے مطابق طوفانی موسم کے باعث بجلی کے ترسیلی نظام میں فنی خرابی پیدا ہوئی ہے جس کے باعث مختلف فیڈرز متاثر ہوئے۔
حکام کا کہنا ہے کہ تکنیکی ٹیمیں بحالی کے لیے کام کر رہی ہیں اور مرحلہ وار بجلی کی فراہمی بحال کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ