شاہد آفریدی کی اسلام آباد خودکش دھماکے کی شدید مذمت، دہشتگردی کیخلاف عملی اقدامات کا مطالبہ
اشاعت کی تاریخ: 7th, February 2026 GMT
پاکستان کرکٹ ٹیم کے سابق کپتان شاہد خان آفریدی نے اسلام آباد کے علاقے ترلائی میں ہونے والے خودکش دھماکے کی سخت الفاظ میں مذمت کرتے ہوئے دہشتگردی کے خاتمے کیلئے فوری اور مؤثر اقدامات کا مطالبہ کیا ہے۔
انہوں نے کہا کہ معصوم شہریوں کو نشانہ بنانا بدترین بربریت ہے جس پر خاموشی مزید نقصان دہ ثابت ہو سکتی ہے۔
سوشل میڈیا پر جاری اپنے بیان میں شاہد آفریدی نے کہا کہ بلوچستان میں حالیہ دہشتگرد حملوں کے بعد اب اسلام آباد میں بھی دہشتگردوں نے اپنی وحشیانہ کارروائی سے نہتے اور بے گناہ شہریوں کو نشانہ بنایا، جو اس بات کا ثبوت ہے کہ دہشتگردی کی لہر مسلسل شدت اختیار کر رہی ہے۔
شاہد آفریدی نے سوال اٹھایا کہ آخر کب تک قوم صرف مذمتی بیانات اور ٹوئٹس پر اکتفا کرتی رہے گی، اور یہ سلسلہ مزید کب تک برداشت کیا جائے گا۔ ان کا کہنا تھا کہ اب وقت آ گیا ہے کہ عملی اور فیصلہ کن اقدامات کیے جائیں تاکہ اس ناسور کا مستقل خاتمہ ممکن ہو سکے۔
انہوں نے مطالبہ کیا کہ بیرونی مداخلت کے جن شواہد کا بارہا ذکر کیا جاتا ہے انہیں قوم کے سامنے لایا جائے، عوام کو اعتماد میں لیا جائے اور دہشتگردی کے خاتمے کیلئے جو بھی سخت فیصلے ضروری ہوں وہ فوری طور پر کیے جائیں۔
واضح رہے کہ اسلام آباد کے علاقے ترلائی میں واقع امام بارگاہ و مسجد خدیجۃ الکبریٰ میں ہونے والے خودکش دھماکے کے نتیجے میں 32 افراد شہید جبکہ 150 سے زائد زخمی ہو گئے ہیں، جس کے بعد ملک بھر میں شدید غم و غصے کی فضا پائی جاتی ہے۔
.
ذریعہ
ذریعہ: Al Qamar Online
کلیدی لفظ: پاکستان کھیل اسلام آباد
پڑھیں:
کراچی: احسن آباد میں نجی نرسنگ انسٹیٹیوٹ سے لڑکی کی لاش برآمد
فائل فوٹوکراچی کے علاقے احسن آباد میں نجی نرسنگ انسٹیٹیوٹ سے لڑکی کی لاش ملی ہے۔
پولیس کا کہنا ہے کہ لڑکی کی موت بظاہر طبعی لگتی ہے، مزید تحقیقات کر رہے ہیں، :لڑکی کی رات گئے طبعیت خراب ہوئی تھی، انسٹیٹیوٹ میں اسپتال بھی ہے۔
پولیس کا کہنا ہے کہ لڑکی نجی نرسنگ انسٹیٹیوٹ کے ہاسٹل میں رہائش پذیر تھی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ