ہاتھیوں سے بچنے کے لیے دریا میں کودنے والا شخص مگرمچھ کا نوالہ بن گیا
اشاعت کی تاریخ: 7th, February 2026 GMT
مشرقی زیمبیا میں ایک شخص ہاتھیوں کے جھنڈ سے بچنے کے لیے دریا میں چھلانگ لگا گیا، لیکن بدقسمتی سے مگرمچھ نے اسے اپنی لپیٹ میں لے لیا۔
العربیہ ڈاٹ نیٹ کے مطابق 52 سالہ دین نيرندا اپنے دو دوستوں کے ساتھ شکار سے واپس آ رہا تھا کہ اچانک جنگلی ہاتھیوں کے سامنے آ گئے۔ ہاتھیوں سے بچنے کے لیے وہ اور اس کے دوست محفوظ مقام کی تلاش میں بھاگے، اور اس دوران نيرندا نے دریائے لوانگوا کے قریب ایک برساتی نالے میں چھلانگ لگا دی۔
یہ بھی پڑھیں:بھارتی ریاست آسام میں ٹرین کی ٹکر سے 7 ہاتھی ہلاک
مقامی پولیس چیف روبرٹسن مویمبا نے بتایا کہ جیسے ہی نيرندا نے چھلانگ لگائی، ایک مگرمچھ نے اس پر حملہ کر دیا اور اس کی دائیں ران پر کاٹ لیا۔ نيرندا نے ہمت دکھائی اور مگرمچھ کو لاٹھی سے مار کر پیچھے ہٹنے پر مجبور کیا، جس کے بعد وہ پانی سے باہر نکلنے میں کامیاب ہو گیا۔
A huge Crocodile attacks an Elephant crossing the river pic.
— Nature is Amazing ☘️ (@AMAZlNGNATURE) December 3, 2025
دور سے صورتحال دیکھنے والے دو دوست فوراً پہنچے اور اسے دریا کے کنارے منتقل کیا، لیکن شدید خون بہنے کی وجہ سے وہ جانبر نہ ہو سکا۔
زیمبیا میں ہاتھیوں کی بڑی تعداد موجود ہے اور پچھلے برسوں میں انسان اور جنگلی جانوروں کے تصادم میں درجنوں ہلاکتیں ہو چکی ہیں۔ دریائے لوانگوا، جو جنوبی لوانگوا نیشنل پارک سے گزرتا ہے، نیل کے مگرمچھوں کی سب سے بڑی آماجگاہوں میں سے ایک ہے۔
یہ بھی پڑھیں:بھارت: ’سیریل کلر ہاتھی‘ نے ماہ رواں میں 20 افراد کو موت کے گھاٹ اتاردیا
ریسورس افریقہ کے اعداد و شمار کے مطابق 2023 میں جنگلی جانوروں کی وجہ سے ہونے والی 26 ہلاکتوں میں 15 مگرمچھوں کے حملوں کی وجہ سے ہوئی تھیں، جن میں زیادہ تر دریائے لوانگوا کے علاقے میں پیش آئیں۔
We knew it was coming!…Elephant needed his time to shin! ???? pic.twitter.com/Kia15Qx1mn
— Giggle Clips (@GiggleClips) February 7, 2026
زیمبیا کے حکام نے مقامی لوگوں اور سیاحوں پر بارہا زور دیا ہے کہ وہ ایسے علاقوں میں سفر کے دوران انتہائی احتیاط کریں جہاں جنگلی جانور کثرت سے موجود ہوں۔
یہ واقعہ اس وقت یاد دلایا گیا جب 2021 میں ایک 18 سالہ برطانوی طالبہ میڈلین امیلی اوزبورن اسمتھ پر وکٹوریہ فالز کے قریب دریائے زامبیزی میں مگرمچھ نے حملہ کیا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
افریقہ مشرقی زیمبیا مگرمچھ ہاتھی
ذریعہ
ذریعہ: WE News
کلیدی لفظ: افریقہ مشرقی زیمبیا مگرمچھ ہاتھی کے لیے اور اس
پڑھیں:
سیلابی صورتِ حال کو ہتھیار بنانا بھارت کی آبی جارحیت کا ثبوت ہے:سینیٹر شیری رحمان
اسلام آباد ( ڈیلی پاکستان آن لائن ) سینیٹر شیری رحمان نے بھارت کے دہرے آبی رویئے پر تنقید کرتے ہوئے کہا ہے کہ سیلابی صورتِ حال کو ہتھیار بنانا بھارت کی آبی جارحیت کا ثبوت ہے۔ ایک طرف بھارت سندھ طاس معاہدے کو معطل کرنے کی دھمکی دیتا ہے، دوسری طرف سیلابی پانی پاکستان کی طرف چھوڑ دیتا ہے۔
’’جنگ ‘‘ کے مطابق شیری رحمان نے اپنے بیان میں کہا ہے کہ بھارت نے سلال ڈیم کےگیٹ کھول کر لاکھوں پاکستانیوں کو سیلابی خطرے سے دو چار کر دیا، دریاؤں کے پانی کو تنازع نہیں بلکہ ذمے داری کے ساتھ چلایا جانا چاہیے، بھارت کی غیر ذمے دارانہ پالیسی خطے کے امن اور اعتماد کے لیے خطرناک ہے۔بھارت کی جانب سے پانی کے بہاؤ سے متعلق بر وقت معلومات نہ دینا چیلنج بن گیا ہے، دریائے چناب کے پانی کے بہاؤ میں غیر یقینی صورتِ حال پیدا ہو رہی ہے۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
اُنہوں نے کہا کہ بھارت کے اقدامات سے آبپاشی کے نظام اور زرعی شعبے کو خطرات ہیں، دریائے چناب میں اچانک پانی کی کمی یا زیادتی سے نہری نظام متاثر ہو سکتا ہے، دریائے چناب پنجاب کے لاکھوں ایکڑ زرعی رقبے کو سیراب کرتا ہے، پانی کے بہاؤ میں تبدیلی سے فصلیں متاثر ہونے کا خدشہ ہے۔پاکستان کے کسانوں کا روزگار دریاؤں کے منظم بہاؤ سے جڑا ہے، بھارت کی غیر یقینی آبی پالیسی زرعی خطرات میں اضافہ کر رہی ہے، آبی وسائل کو ذمے دارانہ طریقے سے استعمال کیا جانا چاہیے۔بھارت کو معاہدوں کی پاسداری کرنا ہوگی، بھارت کو مغربی دریاؤں کے پانی کو ذخیرہ کرنے یا دوسرے کیچمنٹ میں منتقل کرنے کی اجازت نہیں۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
مزید :
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار