غیر یقینی صورتحال معیشت کی راہ میں رکاوٹ، اسد عمر
اشاعت کی تاریخ: 7th, February 2026 GMT
سابق وفاقی وزیر اسد عمر نے کہا ہے کہ ملک کی معیشت اس وقت ترقی نہیں کر سکتی جب حکومت اور اداروں میں غیر یقینی صورتحال برقرار ہو۔ انہوں نے زور دیا کہ توانائی کے شعبے میں کوئی بھی قدم حکومت کی منظوری کے بغیر نہیں اٹھایا جا سکتا، اور گیس و بجلی میں کسی ایک کمپنی یا ادارے کی اجارہ داری معیشت کے لیے نقصان دہ ہے۔
اسد عمر نے کے الیکٹرک کی مثال دیتے ہوئے کہا کہ اس کی نجکاری 20 سال قبل ہوئی تھی، لیکن اس کے باوجود اربوں روپے کی سبسڈی دی جاتی رہی۔ ان کا کہنا تھا کہ اگر صنعتی ڈھانچے کو جدید نہیں بنایا گیا تو ملک ترقی نہیں کر سکتا۔
انہوں نے مزید کہا کہ مختلف خیالات رکھنے والے افراد جہاں موجود ہوں، وہاں جمہوری نظام کے بغیر ملک کا نظام قائم نہیں رہ سکتا۔ اسد عمر نے ایکسپورٹ کی اہمیت پر بھی زور دیتے ہوئے کہا کہ صرف گارمنٹس کی مصنوعات برآمد کر کے ملک آگے نہیں بڑھ سکتا، بلکہ پاکستان کو دنیا کی بدلتی ہوئی ضروریات کے مطابق پروڈکشن کی سمت اختیار کرنی ہوگی۔
انہوں نے خبردار کیا کہ 1960 کی صنعتی بنیادوں کے ساتھ 2025 میں ملک کی ترقی ممکن نہیں، اور موجودہ پیداوار دنیا کی طلب کے مطابق نہیں ہے، جس کی وجہ سے معیشت ترقی کی رفتار پکڑ نہیں سکتی۔
ذریعہ
ذریعہ: Daily Mumtaz
پڑھیں:
مصر کے وزیرِ خارجہ کا اسحاق ڈار کو ٹیلیفون، خطے کی تازہ ترین صورتحال پر تبادلہ خیال
سٹی 42 : نائب وزیرِ اعظم و وزیرِ خارجہ اسحاق ڈار سے مصر کے وزیرِ خارجہ بدر عبدالعاطی کا ٹیلیفونک رابطہ ہوا ۔
ترجمان دفتر خارجہ کے مطابق دونوں رہنماؤں نے خطے کی تازہ ترین صورتحال پر تبادلہ خیال کیا ۔ اسحاق ڈار اور مصر کے وزیرِ خارجہ بدر عبدالعاطی کی جانب سے امن اور استحکام کے فروغ کے لیے مسلسل سفارتی روابط کی ضرورت پر زور دیا گیا ۔
ترجمان دفتر خارجہ کا کہنا ہے کہ دونوں فریقین نے قریبی رابطے میں رہنے پر اتفاق کیا ۔
لاہور بورڈ کا بڑا فیصلہ، داخلہ فارم مکمل طور پر آن لائن کرنے کی تجویز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ