عوام نے احتجاجی سیاست کو مسترد کردیا، اپوزیشن پارلیمانی فورمز کا رخ کرے،وزیراعلیٰ سندھ
اشاعت کی تاریخ: 8th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی : وزیراعلیٰ سندھ مراد علی شاہ نے اپوزیشن جماعتوں پر زور دیا ہے کہ وہ احتجاجی سیاست ترک کر کے پارلیمانی فورمز کا رخ کریں، کیونکہ ملک ہڑتالوں اور پہیہ جام جیسی سرگرمیوں کا بوجھ برداشت کرنے کی پوزیشن میں نہیں۔ ان کا کہنا تھا کہ عوام نے پہیہ جام کی کال کو یکسر مسترد کر دیا، جس کا ثبوت یہ ہے کہ اتوار کے روز بھی کاروباری سرگرمیاں معمول کے مطابق جاری رہیں۔
کراچی ایکسپو سینٹر میں منعقدہ ’’مائی کراچی‘‘ نمائش کی اختتامی تقریب سے خطاب کرتے ہوئے وزیراعلیٰ سندھ نے مختلف اسٹالز کا دورہ بھی کیا۔ انہوں نے کہا کہ ملک بھر میں پہیہ جام کی اپیل کو پذیرائی نہیں ملی ۔
مراد علی شاہ نے نمائش میں غیر ملکی شراکت داری کا حوالہ دیتے ہوئے بتایا کہ کئی دوست ممالک نے بھی اپنی مصنوعات پیش کیں۔ انہوں نے کہا کہ کراچی میں عمارتوں کے سروے کا عمل مکمل کیا جا چکا ہے تاکہ شہری منصوبہ بندی کو بہتر بنایا جا سکے۔
وزیراعلیٰ سندھ نے کے فور منصوبے پر بات کرتے ہوئے کہا کہ اس منصوبے کا آغاز ایک دہائی سے زائد عرصہ قبل ہوا تھا اور اس میں تاخیر کی ذمہ داری وہ کسی اور پر ڈالنے کے بجائے خود قبول کرتے ہیں۔ ان کے مطابق وفاقی حکومت نے مین لائن کا کام خود کرنے کا فیصلہ کیا تھا، تاہم ایک عرصے تک منصوبے پر کام رکا رہا، جس سے اس کی رفتار متاثر ہوئی، انہوں نے بتایا کہ ایک صاحب نے 3، 4 سال کےلیے کے فور پر کام رکوا دیا۔
ذریعہ
ذریعہ: Jasarat News
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے