پی ایس ایل 11 کے لیے 879 کھلاڑیوں کی رجسٹریشن مکمل، کونسے اہم کھلاڑی شامل؟
اشاعت کی تاریخ: 9th, February 2026 GMT
پاکستان کرکٹ بورڈ (پی سی بی) نے پاکستان سپر لیگ (پی ایس ایل) کے 11ویں ایڈیشن کے لیے رجسٹرڈ کھلاڑیوں کی فہرست جاری کر دی ہے، جبکہ تاریخی پلیئر ڈرافٹ 11 فروری کو منعقد ہوگا۔
پی سی بی کے مطابق ایونٹ کے لیے مجموعی طور پر 879 مقامی اور غیر ملکی کرکٹرز نے رجسٹریشن کرائی ہے، جن میں افغانستان کے کھلاڑی بھی شامل ہیں۔ فہرست میں افغانستان، آسٹریلیا، نیوزی لینڈ، جنوبی افریقہ، انگلینڈ اور سری لنکا سمیت مختلف ممالک کے نمایاں نام موجود ہیں۔ تمام کھلاڑیوں نے ڈرافٹ کے لیے مقررہ بیس پرائس کیٹیگریز میں اپنی رجسٹریشن مکمل کی۔
یہ بھی پڑھیے: افغان کرکٹر رحمان اللہ گرباز پی ایس ایل سے کیوں دستبردار ہوئے؟ پشاور زلمی کا وضاحتی بیان جاری
4 کروڑ 20 لاکھ روپے کی اعلیٰ ترین بیس پرائس کیٹیگری میں افغانستان کے فضل حق فاروقی اور مجیب الرحمٰن، آسٹریلیا کے ڈیوڈ وارنر، نیوزی لینڈ کے ڈیرل مچل اور مائیکل بریسویل شامل ہیں۔
اسی کیٹیگری میں جنوبی افریقا کے رائیلی روسو، انگلینڈ کے جیمز ونس اور سری لنکا کے داسن شناکا نے بھی رجسٹریشن کرائی ہے۔
نمایاں پاکستانی کھلاڑیوں میں فہیم اشرف، فخر زمان، حارث رؤف، عماد وسیم، محمد عامر، محمد رضوان، نسیم شاہ، صاحبزادہ فرحان اور سلمان علی آغا شامل ہیں، جن کی بیس پرائس 60 لاکھ سے 2 کروڑ 20 لاکھ روپے کے درمیان مقرر کی گئی ہے۔
دوسری جانب حیدرآباد اور سیالکوٹ اسٹالینز نے براہِ راست سائننگ کے ذریعے غیر ملکی اسٹار کھلاڑیوں کو اپنی ٹیموں میں شامل کر لیا ہے۔ حیدرآباد نے مارنس لبوشین جبکہ سیالکوٹ اسٹالینز نے اسٹیو اسمتھ کو سائن کیا ہے۔
یہ بھی پڑھیے: پی ایس ایل 11 میں سب سے مہنگا سائن ہونے والا کم عمر ترین کھلاڑی کون ہے؟
پی ایس ایل کے 11ویں ایڈیشن میں بڑی توسیع بھی دیکھنے میں آئے گی، کیونکہ لیگ 6 سے بڑھ کر 8 ٹیموں تک پہنچ گئی ہے۔ حیدرآباد اور سیالکوٹ اسٹالینز نئی فرنچائزز کے طور پر اپنے ڈیبیو سیزن میں حصہ لیں گی۔
حیدرآباد فرنچائز فواد سرور نے 1 ارب 75 کروڑ روپے (تقریباً 6.
پاکستان سپر لیگ کا 11واں ایڈیشن 26 مارچ سے شروع ہو کر 3 مئی تک جاری رہے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایچ بی ایل پی ایس ایل پی ایس ایل کرکٹ
ذریعہ
ذریعہ: WE News
کلیدی لفظ: ایچ بی ایل پی ایس ایل پی ایس ایل کرکٹ سیالکوٹ اسٹالینز پی ایس ایل کے لیے
پڑھیں:
اسٹیٹ بینک کے زرمبادلہ ذخائر میں اضافہ، مرکزی بینک کے ذخائر 17.25 ارب ڈالر سے تجاوز کر گئے
اسٹیٹ بینک آف پاکستان کے زرمبادلہ ذخائر میں گزشتہ ہفتے کے دوران اضافہ ریکارڈ کیا گیا ہے، جس کے بعد مرکزی بینک کے پاس موجود غیر ملکی زرمبادلہ کے ذخائر 17 ارب 25 کروڑ 86 لاکھ ڈالر تک پہنچ گئے ہیں۔ ماہرین نے اس پیش رفت کو ملکی مالیاتی استحکام اور بیرونی ادائیگیوں کی صلاحیت کے لیے مثبت اشارہ قرار دیا ہے۔
اسٹیٹ بینک کے ترجمان کی جانب سے جاری اعداد و شمار کے مطابق 18 جولائی کو ختم ہونے والے ہفتے کے دوران مرکزی بینک کے زرمبادلہ ذخائر میں3 کروڑ 30 لاکھ ڈالر کا اضافہ ہوا۔ ترجمان کے مطابق یہ اضافہ بیرونی ادائیگیوں کے مؤثر انتظام اور مالیاتی استحکام کے تناظر میں اہم پیش رفت ہے۔
اگرچہ اسٹیٹ بینک کے ذخائر میں اضافہ ہوا، تاہم ملک کے مجموعی زرمبادلہ ذخائر معمولی کمی کے بعد 22 ارب 66 کروڑ 96 لاکھ ڈالر کی سطح پر آ گئے ہیں۔
اعداد و شمار کے مطابق کمرشل بینکوں کے پاس موجود غیر ملکی زرمبادلہ کے ذخائر 5 ارب 41 کروڑ 10 لاکھ ڈالر ریکارڈ کیے گئے، جس کے باعث مجموعی ذخائر میں معمولی کمی دیکھنے میں آئی۔
معاشی ماہرین کا کہنا ہے کہ اسٹیٹ بینک کے ذخائر میں مسلسل اضافہ اس بات کی علامت ہے کہ پاکستان کی بیرونی ادائیگیوں کی صلاحیت بہتر ہو رہی ہے، جبکہ درآمدی بل کی ادائیگی اور روپے کے استحکام کے لیے بھی یہ مثبت پیش رفت سمجھی جا رہی ہے۔
تاہم ماہرین نے اس بات کی بھی نشاندہی کی کہ مجموعی زرمبادلہ ذخائر میں کمی ظاہر کرتی ہے کہ کمرشل بینکوں کے ذخائر میں اتار چڑھاؤ کا سلسلہ برقرار ہے، جس پر مسلسل نظر رکھنے کی ضرورت ہے۔
اقتصادی ماہرین کے مطابق اگر آنے والے ہفتوں میں ترسیلاتِ زر، بیرونی سرمایہ کاری، برآمدات اور بین الاقوامی مالی معاونت کا سلسلہ برقرار رہا تو پاکستان کے زرمبادلہ ذخائر میں مزید بہتری آنے کا امکان ہے، جس سے ملکی معیشت اور مالیاتی استحکام کو مزید تقویت مل سکتی ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار