گم شدہ انگوٹھی کے 44 سال بعد ملنے کی دلچسپ کہانی
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
امریکا میں ایک حیران کن واقعہ سامنے آیا ہے جہاں ایک شخص کو اپنی گمشدہ انگوٹھی 44 برس بعد واپس مل گئی۔
یہ انگوٹھی نہ صرف ایک قیمتی زیور تھی بلکہ مالک کے لیے یادوں اور ماضی سے جڑی ایک اہم علامت بھی تھی، جس کی واپسی نے سب کو حیرت میں ڈال دیا۔
مسیسپی سے تعلق رکھنے والے ڈیریئن لیڈنر کے مطابق یہ واقعہ 1982 کا ہے جب وہ پاس کرسچین کے ساحل پر منعقد ہونے والی ایک پارٹی میں شریک ہوئے تھے۔ اسی دوران ان کی پاس کرسچین ہائی اسکول کی کلاس رِنگ کہیں گم ہو گئی۔ انہوں نے فوری طور پر انگوٹھی تلاش کرنے کی کوشش کی، تاہم تمام کوششیں ناکام ثابت ہوئیں۔
ڈیریئن لیڈنر کا کہنا ہے کہ انگوٹھی کی تلاش کے لیے انہوں نے اسسٹنٹ پرنسپل کے ساتھ مل کر میٹل ڈیٹیکٹر کا استعمال بھی کیا، لیکن اس کے باوجود انگوٹھی کا کوئی سراغ نہ مل سکا۔ وقت کے ساتھ یہ واقعہ ایک یاد بن کر رہ گیا اور انہیں امید بھی نہیں رہی کہ وہ انگوٹھی کبھی دوبارہ دیکھ سکیں گے۔
44 برس بعد ایک غیر متوقع موڑ اس وقت آیا جب انہیں سوشل میڈیا پلیٹ فارم فیس بک پر سیمی جیویل نامی شخص کا پیغام موصول ہوا۔ پیغام میں بتایا گیا کہ انہیں ساحل کے قریب وہی انگوٹھی ملی ہے جو برسوں پہلے کھو گئی تھی۔ انگوٹھی پر کندہ نشانات نے اس کی شناخت ممکن بنا دی۔
ڈیریئن لیڈنر کے مطابق جب انہیں یہ پیغام ملا تو وہ یقین ہی نہیں کر پا رہے تھے کہ اتنے طویل عرصے بعد ان کی انگوٹھی واپس مل سکتی ہے۔ انہیں اس بات پر مزید حیرت ہوئی کہ انگوٹھی بالکل اسی جگہ سے ملی جہاں وہ برسوں قبل گم ہوئی تھی۔
اس واقعے کو سوشل میڈیا صارفین قسمت اور اتفاق کا عجیب امتزاج قرار دے رہے ہیں۔ کئی افراد کا کہنا ہے کہ یہ کہانی اس بات کا ثبوت ہے کہ بعض اوقات کھوئی ہوئی چیزیں وقت کے طویل فاصلے کے بعد بھی لوٹ آتی ہیں۔
.
ذریعہ
ذریعہ: Jasarat News
پڑھیں:
اسلام آباد کچہری میں سموسے کیساتھ چٹنی نہ ملنے پر ہنگامہ
اسلام آباد کچہری میں سموسے پر چٹنی نہ ڈالنے کے معاملے پر ویٹر اور پولیس اہلکار کے درمیان تلخ جملوں کا تبادلہ ہوگیا جس کے بعد صورتحال کشیدہ ہوگئی۔
ذرائع کے مطابق کچہری میں ڈیوٹی پر موجود ایک پولیس اہلکار نے سموسے کے ساتھ چٹنی ڈالنے کا کہا، تاہم ویٹر نے انکار کرتے ہوئے مؤقف اختیار کیا کہ سموسہ پلیٹ 120 روپے کی ہے جبکہ چٹنی شامل کرنے پر قیمت 150 روپے ہوگی۔
ویٹر کے انکار پر دونوں کے درمیان تکرار شروع ہوگئی، جس کے باعث موقع پر موجود افراد کی توجہ بھی اس جانب مبذول ہوگئی۔
واقعے کے بعد وکلاء نے کیفے ٹیریا بند کرنے کا مطالبہ کرتے ہوئے مؤقف اپنایا کہ پولیس اہلکار اور سائلین کھانے کے لیے کچہری آتے ہیں، لیکن کیفے ٹیریا انتظامیہ اپنی مرضی کے نرخ وصول کر رہی ہے جس کا نوٹس لیا جانا چاہیے۔
بھارت سے جنگ اور افغانستان میں کارروائی خارج ازامکان نہیں، وزیردفاع