پاکستان سمیت 8 اسلامی ممالک کی اسرائیلی خلاف ورزیوں کی شدید مذمت
اشاعت کی تاریخ: 9th, February 2026 GMT
پاکستان، مصر، اردن، متحدہ عرب امارات، انڈونیشیا، ترکیہ، سعودی عرب اور قطر کے وزرائے خارجہ نے غزہ میں جنگ بندی کی بار بار خلاف ورزیوں اور مقبوضہ فلسطینی علاقوں میں اسرائیل کے غیرقانونی اقدامات کی شدید الفاظ میں مذمت کی ہے۔
وزارتِ خارجہ پاکستان کے ترجمان کے دفتر سے جاری مشترکہ بیان میں کہا گیا ہے کہ اسرائیل کے حالیہ فیصلے اور اقدامات بین الاقوامی قانون کی صریح خلاف ورزی ہیں۔
’ان کا مقصد مقبوضہ مغربی کنارے میں غیرقانونی اسرائیلی خودمختاری مسلط کرنا، یہودی بستیوں کو مضبوط بنانا اور ایک نیا قانونی و انتظامی ڈھانچہ نافذ کرنا ہے، جو عملی طور پر فلسطینی علاقوں کے غیرقانونی الحاق اور فلسطینی عوام کی بے دخلی کی کوششوں کو تیز کر رہا ہے۔‘
مزید پڑھیں:
مشترکہ بیان میں وزرائے خارجہ نے واضح کیا کہ اسرائیل کو مقبوضہ فلسطینی علاقوں پر کسی قسم کی خودمختاری حاصل نہیں اور مغربی کنارے میں توسیع پسندانہ پالیسیاں اور غیرقانونی اقدامات خطے میں تشدد اور عدم استحکام کو فروغ دے رہے ہیں۔
وزرا نے ان اقدامات کو مکمل طور پر مسترد کرتے ہوئے کہا کہ یہ نہ صرف دو ریاستی حل کو کمزور کرتے ہیں بلکہ فلسطینی عوام کے اس ناقابلِ تنسیخ حق پر بھی حملہ ہیں جس کے تحت وہ 4 جون 1967 کی سرحدوں کے مطابق، مقبوضہ القدس کو دارالحکومت بنا کر ایک آزاد اور خودمختار ریاست کے قیام کے حقدار ہیں۔
بیان میں اس امر پر زور دیا گیا کہ مقبوضہ مغربی کنارے میں اسرائیل کے تمام غیرقانونی اقدامات کالعدم ہیں اور یہ اقوام متحدہ کی سلامتی کونسل کی قراردادوں، بالخصوص قرارداد 2334، کی کھلی خلاف ورزی ہیں، جس میں 1967 کے بعد مقبوضہ فلسطینی علاقوں بشمول مشرقی القدس کی آبادیاتی ساخت، حیثیت اور کردار کو تبدیل کرنے کے تمام اسرائیلی اقدامات کی مذمت کی گئی ہے۔
مزید پڑھیں:
وزرائے خارجہ نے بین الاقوامی عدالتِ انصاف کی 2024 کی مشاورتی رائے کا بھی حوالہ دیا، جس میں مقبوضہ فلسطینی علاقوں میں اسرائیل کی پالیسیوں اور مسلسل موجودگی کو غیرقانونی قرار دیا گیا اور اسرائیلی قبضے کے خاتمے اور مقبوضہ فلسطینی زمینوں کے الحاق کو باطل قرار دیا گیا۔
مشترکہ بیان میں عالمی برادری سے مطالبہ کیا گیا کہ وہ اپنی قانونی اور اخلاقی ذمہ داریاں پوری کرتے ہوئے اسرائیل کو مقبوضہ مغربی کنارے میں خطرناک کشیدگی، غیرقانونی اقدامات اور اسرائیلی حکام کے اشتعال انگیز بیانات روکنے پر مجبور کرے۔
مزید پڑھیں:
وزرائے خارجہ نے اس بات پر زور دیا کہ فلسطینی عوام کے حقِ خودارادیت اور ریاست کے قیام کو تسلیم کیے بغیر خطے میں پائیدار امن ممکن نہیں۔
بیان کے اختتام پر کہا گیا کہ بین الاقوامی قانونی قراردادوں اور عرب امن منصوبے کے مطابق 2 ریاستی حل ہی وہ واحد راستہ ہے جو خطے میں منصفانہ، جامع اور دیرپا امن، سلامتی اور استحکام کو یقینی بنا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اردن اسرائیل اقوام متحدہ انڈونیشیا پاکستان ترکیہ جنگ بندی خلاف ورزیوں خودمختار ریاست سعودی عرب سلامتی کونسل غزہ فلسطینی قطر متحدہ عرب امارات مصر وزرائے خارجہ.
ذریعہ
ذریعہ: WE News
کلیدی لفظ: اسرائیل اقوام متحدہ انڈونیشیا پاکستان ترکیہ خلاف ورزیوں خودمختار ریاست سلامتی کونسل فلسطینی متحدہ عرب امارات مقبوضہ فلسطینی علاقوں غیرقانونی اقدامات
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
وزارت آئی ٹی نے 1.67 ارب روپے سے زاید کے فنڈز طلب کرلیے