ہماری ملاقاتوں پر پابندی ہے، لیکن کیسز مقرر ہی نہیں ہورہے: سلمان صفدر
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
اسلام آباد: بانی پاکستان تحریک انصاف (پی ٹی ائی) اور سابق وزیراعظم عمران خان کے وکیل سلمان صفدر نے کہا ہے کہ جب بھی ہم سپریم کورٹ سے رجوع کرتے ہیں، انصاف ملنے کی توقع پوری ہوتی ہے اور ماضی میں ہر مرتبہ عدالت عظمیٰ سے ریلیف حاصل ہوا، تاہم حکومت کی جانب سے ان فیصلوں کے خلاف مسلسل اپیلیں دائر کی جا رہی ہیں، سائفر کیس پاکستان کی تاریخ کا مہنگا ترین ٹرائل ثابت ہوا، جس کا انجام سب کے سامنے ہے۔
سپریم کورٹ کے باہر میڈیا سے گفتگو کرتے ہوئے بانی پی ٹی آئی کے وکیل سلمان صفدر نے عدالتی کارروائیوں میں تاخیر اور ملاقاتوں پر عائد پابندیوں پر سخت تحفظات کا اظہار کرتے ہوئے کہا کہ ایک جانب مقدمات کو مقرر نہیں کیا جا رہا اور دوسری طرف ملاقاتوں پر قدغن لگا دی گئی ہے، جو بنیادی انسانی اور قانونی حقوق کی صریح خلاف ورزی ہے، ایک ہی وقت میں چودہ مقدمات کا مقرر ہونا واضح طور پر سیاسی انتقام کی عکاسی کرتا ہے۔
سلمان صفدر نے مزید کہا کہ میں بانی پی ٹی آئی کے خلاف قائم تین سو سے زائد مقدمات میں وکالت کر رہا ہوں، مگر گزشتہ پانچ ماہ کے دوران محض ایک بار پانچ منٹ کے لیے ملاقات کی اجازت دی گئی، نہ تو کیسز باقاعدگی سے چل رہے ہیں اور نہ ہی مناسب ملاقاتوں کا انتظام کیا جا رہا ہے، جس سے دفاع کے حق کو شدید نقصان پہنچ رہا ہے۔
انہوں نے مزید کہا کہ رمضان المبارک کی آمد قریب ہے اور اس سے قبل خصوصی ضمانت کے مقدمات کا مقرر ہونا معمول کی قانونی روایت ہے، مگر ان کے کیسز کو دانستہ طور پر التوا میں رکھا جا رہا ہے، اگر ان مقدمات کو سنا جائے تو بیشتر معاملات جلد منطقی انجام تک پہنچ سکتے ہیں۔
وکیل بانی پی ٹی آئی نے زور دیا کہ انصاف کی فراہمی میں تاخیر خود ایک بڑی ناانصافی کے مترادف ہے اور عدالتی نظام کو سیاسی دباؤ سے آزاد ہو کر آئینی تقاضوں کے مطابق فیصلے کرنے چاہئیں۔
ذریعہ
ذریعہ: Jasarat News
پڑھیں:
عوامی مسائل کے حل میں تاخیر برداشت نہیں کی جائے گی، ضیاء الحسن لنجار
وزیر داخلہ سندھ نے کہا کہ عوامی خدمت، فوری انصاف، مؤثر گورننس اور شفاف احتساب کے ذریعے وزیراعلیٰ سندھ کے عوام دوست وڑن کو مزید مضبوط بنایا جائے گا، جبکہ تمام متعلقہ محکمے شہریوں کے مسائل کے بروقت، پائیدار اور مؤثر حل کے لیے اپنی ذمہ داریاں پوری دیانت داری اور پیشہ ورانہ انداز میں ادا کریں گے۔ اسلام ٹائمز۔ وزیر داخلہ سندھ ضیاء الحسن لنجار نے وزیراعلیٰ سندھ کے مرکزی شکایات سینٹر کا دورہ کیا، جہاں انہوں نے ٹیلیفون پر شہریوں کی شکایات اور مسائل براہِ راست سنے اور مختلف سرکاری محکموں سے متعلق موصول ہونے والی درخواستوں کا تفصیلی جائزہ لیا۔ اس موقع پر متعلقہ افسران کو شکایات کے فوری، شفاف اور مؤثر ازالے کے لیے ضروری ہدایات بھی جاری کی گئیں۔ وزیر داخلہ سندھ نے کہا کہ عوامی مسائل کے حل میں غیر ضروری تاخیر کسی صورت برداشت نہیں کی جائے گی اور تمام متعلقہ ادارے مقررہ مدت کے اندر شکایات کے ازالے کو یقینی بناتے ہوئے اپنی تعمیلی رپورٹس پیش کریں۔ انہوں نے واضح کیا کہ شہریوں کو بروقت ریلیف کی فراہمی حکومت سندھ کی اولین ترجیح ہے اور ہر جائز شکایت پر فوری، منصفانہ اور مؤثر کارروائی کی جائے گی۔
ضیاء الحسن لنجار نے کہا کہ شہریوں کو سرکاری دفاتر کے چکر لگانے پر مجبور کرنے کے بجائے ریاستی اداروں کی ذمہ داری ہے کہ وہ عوام کے مسائل ان کی دہلیز پر حل کریں۔ انہوں نے متعلقہ افسران کو ہدایت کی کہ درخواست گزاروں کو ہر شکایت پر ہونے والی عملی پیش رفت سے باقاعدگی سے آگاہ رکھا جائے تاکہ عوام اور سرکاری اداروں کے درمیان اعتماد کو مزید مضبوط بنایا جا سکے۔ انہوں نے خبردار کیا کہ شکایات کے ازالے میں غفلت، لاپرواہی یا غیر ذمہ دارانہ رویہ اختیار کرنے والے افسران کے خلاف قانون اور قواعد کے مطابق سخت کارروائی عمل میں لائی جائے گی۔ ان کا کہنا تھا کہ عوامی خدمت صرف ایک انتظامی ذمہ داری نہیں بلکہ حکومت کی بنیادی ترجیح ہے، جس کے لیے تمام متعلقہ محکموں کو جوابدہی اور اعلیٰ کارکردگی کا مظاہرہ کرنا ہوگا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار