بہاولنگر میں 3 سالہ بچہ گندے پانی کے گڑھے میں گرکر جاں کی بازی ہار گیا
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
بہاول نگر: 3 سال کا بچہ گندے پانی کے گڑھے میں گرکر جاں کی بازی ہار گیا۔
نجی ٹی وی کی رپورٹ کے مطابق بہاول نگر میں اڈا سونڈھا روڈ پر ایک دلخراش واقعے میں تین سالہ بچہ گندے پانی کے کھمبے میں گر کر جاں بحق ہو گیا، واقعے کے وقت بچے کا والدین کی نظروں سے کچھ دیر کے لیے دور رہنا اس المناک حادثے کا سبب بنا۔ اہل محلہ نے فوری طور پر بچے کی لاش گڑھے سے نکال کر قریبی اسپتال منتقل کی، جہاں اسے مردہ قرار دیا گیا۔
یہ واقعہ چند روز قبل لاہور کے بھاٹی گیٹ کے قریب پیش آنے والے حادثے کی یاد دلاتا ہے، جہاں گٹر میں گرنے کے نتیجے میں ایک ماں اور اس کے بیٹے کی جان چلی گئی تھی۔ اس پر وزیراعلیٰ پنجاب نے سخت اقدامات کا حکم دیا تھا اور گٹر کے ڈھکن چوری، خرید و فروخت پر سخت قانونی کارروائی کی یقین دہانی کرائی تھی، تاہم بدقسمتی سے حفاظتی اقدامات ناکافی ثابت ہوئے۔
پولیس اور مقامی حکام کے مطابق اس قسم کے حادثات شہری علاقوں میں ناقص سیوریج نظام اور حفاظتی ضابطوں کی خلاف ورزی کا نتیجہ ہیں۔ قصور میں بھی ایک شادی ہال کے مین ہول میں گرنے کے واقعے کے بعد تین سالہ بچے کی موت اسی سنگین مسئلے کی نشاندہی کرتی ہے۔
ماہرین شہری منصوبہ بندی اور عوامی تحفظ کے شعبے میں بار بار متنبہ کر چکے ہیں کہ ناقص ڈھکن، کھلے گٹر اور سیوریج کے خراب نظام بچوں کے لیے انتہائی خطرناک ہیں اور فوری اصلاحات کے بغیر ایسے واقعات کا سلسلہ رکنا مشکل ہے۔ شہری حلقوں نے بھی حکام سے مطالبہ کیا ہے کہ گٹر ڈھکن کی تنصیب اور نگرانی کے عمل کو موثر بنایا جائے تاکہ مزید انسانی جانوں کے ضیاع سے بچا جا سکے۔
ذریعہ
ذریعہ: Jasarat News
پڑھیں:
بارشوں سے پنجاب میں اب تک 21 شہری جاں بحق اور 154 زخمی ہوئے، پی ڈی ایم اے
تصویر سوشل میڈیا۔پراونشل ڈیزاسٹر منیجمنٹ اتھارٹی (پی ڈی ایم اے) پنجاب نے مون سون بارشوں کے باعث نقصانات سے متعلق رپورٹ جاری کر دی۔
لاہور ترجمان پی ڈی ایم اے کے مطابق مون سون بارشوں کے باعث پنجاب میں اب تک 21 شہری جاں بحق اور 154 زخمی ہوئے، بارشوں میں چھتیں گرنے سے 15 افراد جاں بحق ہوئے۔
بارش رکنے کے بعد ایم ڈی واسا نے تمام انڈر پاس کلیئر کر دینے کا دعویٰ کیا، بارش کے باعث نناوے فیڈرز بھی متاثر ہوئے، بحالی کا کام جاری ہے، ڈیفنس میں بارش کے پانی میں ایک منچلا کشتی لے آیا۔
ترجمان پی ڈی ایم اے کے مطابق بارشوں میں کرنٹ لگنے سے 3 اور آسمانی بجلی گرنے سے 2 افرادجاں بحق ہوئے۔ بارش کے پانی میں ڈوبنے سے ایک شخص جاں بحق ہوا، بارشوں کے باعث 38 مکانات جزوی طور پر متاثر ہوئے۔
ڈی جی پی ڈی ایم اے نے کہا کہ جاں بحق افراد کے خاندانوں کو 10 سے 50 لاکھ روپے تک امداد فراہم کی جا رہی ہے۔
انھوں نے کہا کہ شہریوں سے گزارش ہے موسم برسات میں احتیاطی تدابیر اختیار کریں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار