سہراب گوٹھ میں پولیس کی کارروائی، لاپتہ لڑکی بازیاب، نقدی، زیورات اور سامان برآمد
اشاعت کی تاریخ: 9th, February 2026 GMT
نقدی، زیورات اور برآمد ہونیوالا سامان(تصویر سوشل میڈیا)۔
کراچی کے علاقے سہراب گوٹھ میں پولیس نے کارروائی کرکے لاپتہ لڑکی کو بازیاب کرالیا۔ ایس ایس پی توحید میمن کے مطابق لاکھوں روپے نقدی، طلائی زیورات اور دیگر سامان بھی برآمد کیا گیا۔
انھوں نے مزید کہا کہ لڑکی کے اغوا کا والد کی مدعیت میں تھانہ اتحاد ٹاؤن میں درج کیا گیا تھا۔
پولیس کے مطابق لڑکی گھر سے لاکھوں روپے نقدی، ڈیڑھ تولہ طلائی زیورات، گھڑیاں، موبائل فون اور ٹیبلیٹ لے کر گئی تھی۔
ایس ایس پی توحید میمن کے مطابق لڑکی اپنی تعلیم جاری رکھنے کے لیے گھر سے گئی تھی، والدین کے مزید تعلیم کے منع کرنے پر لڑکی گھر سے ناراض ہوکر گئی تھی۔
پولیس کے مطابق لڑکی نے رکشہ ڈرائیور کو لاوارث ظاہر کرکے پناہ حاصل کی۔ وہ رکشہ ڈرائیور کے گھر میں اس کے بچوں کے ساتھ رہائش پذیر تھی۔
ایس ایس پی کے مطابق لڑکی نے سہراب گوٹھ کے اسکول میں داخلہ بھی حاصل کر لیا تھا۔ بازیاب لڑکی کو عدالت میں پیش کیا جائے گا۔
.
ذریعہ
ذریعہ: Jang News
کلیدی لفظ: کے مطابق لڑکی
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ