اس طرح کے میچز سے ثابت ہوتا ہے اب کوئی چھوٹی بڑی ٹیم نہیں رہی: سلمان مرزا
اشاعت کی تاریخ: 9th, February 2026 GMT
پاکستان کے فاسٹ بولر سلمان مرزا نے کہا ہے کہ جس طرح کے میچز ہو رہے ہیں اس سے یہ بات ثابت ہوتی ہے کہ اب کوئی چھوٹی بڑی ٹیم نہیں رہی۔
کولمبو میں پریس کانفرنس کرتے ہوئے سلمان مرزا کا کہنا تھا کہ یو ایس اے سے شکست ماضی کا حصہ ہے۔ ہماری توجہ کل کے میچ پر ہے جس کی بھرپور تیاری کر رہے ہیں۔ ورلڈکپ کے تمام میچز اہم ہوتے ہیں۔
نیدرلینڈز کے خلاف میچ سے متعلق سوال پر قومی ٹیم کے فاسٹ بولر کا کہنا تھا کہ فہیم اشرف نے اچھی اننگز کھیلی، کسی نہ کسی نے آگے بڑھ کر پرفارم کرنا ہوتا ہے۔
آج کے میچ کے لیے پاکستان ٹیم میں صاحبزادہ فرحان، صائم ایوب، سلمان علی آغا، بابر اعظم، عثمان خان، شاداب خان، محمد نواز، فہیم اشرف، شاہین آفریدی، سلمان مرزا اور ابرار احمد شامل ہیں۔
انہوں نے ایونٹ میں شامل ایسوسی ایٹ ممبرا ٹیموں سے متعلق کہا کہ جس طرح کے میچز ہو رہے ہیں اس سے یہ بات ثابت ہوتی ہے کہ اب کوئی چھوٹی بڑی ٹیم نہیں رہی۔
ان کا کہنا تھا کہ کسی بھی ٹیم کا ایک بولنگ اسپیل اور بیٹنگ میچ جتا سکتا ہے۔ چھوٹی بڑی ٹیم کا فرق ختم ہوچکا ہے۔
بھارت کے خلاف میچ کھیلنے سے متعلق پوچھے گئے سوال پر سلمان مرزا کا کہنا تھا کہ 15 فروری کے میچ کا فیصلہ حکومت کا ہے، جو فیصلہ ہوگا وہی ان کا ہے۔
.
ذریعہ
ذریعہ: Jang News
کلیدی لفظ: کا کہنا تھا کہ کے میچ
پڑھیں:
شانگلہ: مکان کی چھت گرگئی، 6بچے جاں بحق
( ملک رحمان)صوبہ خیبر پختونخوا کے پہاڑی ضلع شانگلہ میں ایک نہایت افسوس ناک واقعہ پیش آیا ہے جس میں ایک مکان کی چھت گرنے سے 6 بچے جاں بحق ہو گئے ہیں۔
یہ واقعہ ضلع شانگلہ کی تحصیل الپورئی میں پیش آیا، جس میں گزشتہ رات مکان کی چھت اچانک ڈھہ گئی اور گھر میں موجود بچے ملبے تلے دب گئے، واقعے میں ایک بچہ زخمی بھی ہو گیا ہے، جسے طبی امداد دی جا رہی ہے۔
مقامی پولیس کا کہنا ہے کہ لوگوں نے اپنی مدد آپ کے تحت ملبے سے تمام لاشیں اور زخمی بچی کو نکال لیا ہے، جاں بحق بچوں میں ناظرہ، سمیرا، رضوان، نایاب، حیا نور اور عمیرہ بی بی شامل ہیں، جن کی عمریں 5 سے 14 سال کے درمیان ہیں۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
پولیس کا کہنا ہے کہ جاں بحق ہونے والے بچوں کے والد جہان بشر کا کچھ ہی عرصہ قبل انتقال ہوا تھا، اور ان کا مکان کچا تھا۔ مرنے والوں میں پانچ لڑکیاں اور ایک لڑکا شامل ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے