گھر آئے مہمان کو عزت دی جاتی ہے، آئی سی سی سے رابطے جاری ہیں: چیئرمین پی سی بی
اشاعت کی تاریخ: 9th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
لاہور:چیئرمین پاکستان کرکٹ بورڈ (پی سی بی) محسن نقوی نے کہا ہے کہ جب مہمان گھر آ جائے تو بہت سی باتیں بھلا دی جاتی ہیں اور آئی سی سی کے ساتھ جاری بات چیت میں بھی یہی نقطہ نظر اپنایا جا رہا ہے۔
محسن نقوی نے بتایا کہ آئی سی سی اور بنگلا دیش کے درمیان مذاکرات جاری ہیں اور جیسے ہی کوئی حتمی جواب آئے گا، وہ شائقین کرکٹ سے شیئر کیا جائے گا، آئی سی سی کے ساتھ چیزیں چل رہی ہیں، میں بھی انتظار کر رہا ہوں، اطلاع آتی تو شیئر کریں گے، ابھی کچھ کہنا قبل ازوقت ہوگا۔ جب کوئی خود چل کر آجائے تو بہت سی باتیں بھول جانا چاہیے۔
چیئرمین پی سی بی نے مزید کہا کہ کئی دوست ممالک نے رابطہ کیا ہے اور پاکستان نے اپنا نقطہ نظر بھی واضح کر دیا ہے، نہ وہ کسی سے ڈرتے ہیں، نہ حکومت سے اور نہ ہی فیلڈ مارشل سے، چیئرمین پی سی بی آج وزیراعظم شہباز شریف سے ملاقات کر سکتے ہیں، جس میں انہیں آئی سی سی کے وفد سے ہونے والی ملاقات کے نتائج سے آگاہ کیا جائے گا۔ گزشتہ روز آئی سی سی کے ڈپٹی چیئرمین لاہور آئے اور انہوں نے ٹی ٹوئنٹی ورلڈ کپ میں پاکستان-بھارت میچ کے حوالے سے فارمولا پیش کیا، جس میں پاکستان اور بنگلا دیش کے مابین معاملات کو مدنظر رکھا گیا۔
خیال رہے کہ پاکستان نے بھارت سے 15 فروری کو شیڈول میچ کھیلنے سے انکار کیا تھا، جبکہ بنگلا دیش نے سکیورٹی خدشات کے پیشِ نظر اپنے میچز سری لنکا منتقل کرنے کی درخواست دی تھی، جسے آئی سی سی نے مسترد کر دیا اور بنگلا دیش کی جگہ اسکاٹ لینڈ کو شامل کیا۔ پاکستان کے جواب میں بھارت سے میچ نہ کھیلنے کے فیصلے سے آئی سی سی کو بھاری مالی نقصان ہونے کا خدشہ ہے۔
محسن نقوی کے مطابق حتمی فیصلہ وزیراعظم کے دستخط سے ہوگا اور پی سی بی آئی سی سی کے ساتھ تعلقات میں تعمیری موقف اختیار کرتا رہے گا تاکہ شائقین کرکٹ کے لیے سب سے مناسب حل نکالا جا سکے۔
ذریعہ
ذریعہ: Jasarat News
کلیدی لفظ: آئی سی سی کے بنگلا دیش پی سی بی
پڑھیں:
بیوٹی انفلوئنسر کاسمیٹک سرجری کے دوران چل بسی
میکسیکو کی معروف بیوٹی انفلوئنسر اور سوشل میڈیا کانٹینٹ کریئٹر 30 سالہ ایڈریانا گارشیا (Adriana Garcia)کاسمیٹک سرجری کے دوران پیش آنے والی پیچیدگیوں کے باعث چل بسی۔
رپورٹس کے مطابق ایڈریانا گارشیا کا منگل کے روز ریاست سینالووا کے ایک نجی کلینک میں کاسمیٹک آپریشن کیا جا رہا تھا، جہاں دورانِ سرجری پیچیدگیاں پیدا ہونے کے بعد ان کی موت واقع ہوگئی،مقامی حکام نے تاحال موت کی سرکاری وجہ جاری نہیں کی، جبکہ واقعے کی تحقیقات جاری ہیں۔
مزیدپڑھیں:عالمی منڈی میں خام تیل کی قیمتوں میں بڑا اضافہ
واقعے کے بعد حکام نے سرجری کے دوران پیش آنے والے حالات اور ممکنہ طبی غفلت کے پہلوؤں کا جائزہ لینے کے لیے تحقیقات شروع کر دی ہیں۔ ایڈریانا گارشیا کے انسٹاگرام اور دیگر سوشل میڈیا پلیٹ فارمز پر 90 ہزار سے زائد فالوورز تھے، ان کے انتقال کی تصدیق میکسیکو کی کمپنی نے بھی کی، جس کے ساتھ وہ بطور انفلوئنسر کام کرتی تھی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار