دبئی میں نیو مسٹر اولمپیا این بی بی یو آئی 2026 مقابلوں کا اعلان
اشاعت کی تاریخ: 10th, February 2026 GMT
دبئی (نیوز ڈیسک) دبئی میں عالمی سطح کے باڈی بلڈنگ مقابلے نیو مسٹر اولمپیا این بی بی یو آئی 2026 کے انعقاد کا باضابطہ اعلان پریس کانفرنس کے ذریعے کر دیا گیا۔
کھلاڑیوں، منتظمین اور شائقینِ کھیل نے اس ایونٹ کو پہلے ہی کامیاب قرار دینا شروع کر دیا ہے، تقریب میں دنیا بھر سے آئے ایتھلیٹس نے اپنی تیاریوں اور صلاحیتوں کا مظاہرہ بھی کیا۔
منتظمین کے مطابق 3 روزہ مقابلوں میں مختلف کیٹیگریز کے عالمی سطح کے باڈی بلڈرز شرکت کریں گے، جس سے نہ صرف کھیلوں کے شعبے کو فروغ ملے گا بلکہ دبئی کی حیثیت ایک بین الاقوامی اسپورٹس حب کے طور پر مزید مستحکم ہوگی۔
انہوں نے کہا کہ اس طرح کے ایونٹس نوجوان نسل کو صحت مند سرگرمیوں کی جانب راغب کرنے میں بھی اہم کردار ادا کرتے ہیں۔
دنیا نیوز سے گفتگو کرتے ہوئے جنرل سیکرٹری سردار اسلم سرکانی، چیف آرگنائزر عمران بھٹی، فیصل امین اور دیگر منتظمین نے کہا کہ اس مقابلے کے کامیاب انعقاد سے پاکستان سمیت خطے کے کھلاڑیوں کو عالمی سطح پر اپنی صلاحیتیں دکھانے کا اہم موقع ملے گا، جبکہ مستقبل میں اس ایونٹ کو مزید بڑے پیمانے پر منعقد کرنے کا بھی ارادہ ہے۔
تقریب کے اختتام پر کھلاڑیوں اور شائقین نے دبئی میں سپورٹس سرگرمیوں کے تسلسل کو خوش آئند قرار دیتے ہوئے امید ظاہر کی کہ ایسے عالمی مقابلے نہ صرف کھیل بلکہ سیاحت اور کاروباری سرگرمیوں کو بھی فروغ دیں گے، جس سے خطے میں کھیلوں کے نئے مواقع پیدا ہوں گے۔
.
ذریعہ
ذریعہ: Daily Mumtaz
پڑھیں:
پاکستان میں سریے کی قیمت آج 23 جولائی 2026، تازہ ریٹس جاری
اسلام آباد: پاکستان میں سریے کی قیمت جمعرات 23 جولائی 2026 کو مجموعی طور پر مستحکم رہی، تاہم مختلف برانڈز اور گریڈز کے لحاظ سے معمولی فرق دیکھا گیا۔ تعمیراتی شعبے سے وابستہ افراد کے لیے جاری کردہ تازہ مارکیٹ اپ ڈیٹ کے مطابق ملک بھر میں سریے کی قیمت 258 روپے سے 265 روپے فی کلوگرام کے درمیان برقرار ہے۔
تعمیراتی ماہرین کے مطابق رہائشی اور کمرشل منصوبوں میں سب سے زیادہ گریڈ 40 اور گریڈ 60 سریا استعمال کیا جاتا ہے، کیونکہ یہ مضبوطی اور معیار کے لحاظ سے موزوں تصور کیے جاتے ہیں۔
پاکستان میں سریے کے تازہ ریٹس
سریے کا گریڈ قیمت (روپے فی کلوگرام)
گریڈ 40 260 روپے
گریڈ 60 265 روپے
مارکیٹ ریٹ 258 سے 265 روپے
ماہرین کا کہنا ہے کہ پاکستان میں سریے کی قیمتوں میں اتار چڑھاؤ کئی عوامل سے متاثر ہوتا ہے، جن میں خام مال کی قیمت، بجلی اور گیس کے نرخ، ٹرانسپورٹ کے اخراجات اور تعمیراتی شعبے کی مجموعی طلب شامل ہیں۔
انہوں نے خریداروں اور بلڈرز کو مشورہ دیا ہے کہ بڑی مقدار میں سریا خریدنے سے قبل مقامی ڈیلرز سے تازہ نرخ ضرور معلوم کریں، کیونکہ مختلف شہروں، برانڈز اور مینوفیکچررز کے لحاظ سے قیمتوں میں معمولی فرق ہو سکتا ہے۔
تعمیراتی صنعت سے وابستہ ماہرین کے مطابق اگر خام مال یا توانائی کی قیمتوں میں نمایاں تبدیلی آتی ہے تو آئندہ دنوں میں پاکستان میں سریے کی قیمت بھی متاثر ہو سکتی ہے، اس لیے مارکیٹ کی صورتحال پر نظر رکھنا ضروری ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار