وشال ددلانی نے بااثر سیاستدان، ابھرتے گلوکار کا نمبر بلا ک کردیا
اشاعت کی تاریخ: 10th, February 2026 GMT
بھارتی گلوکار، موسیقار اور گیت نگار وشال ددلانی نے ’سفارش کلچر‘ کی سخت مخالفت کی، انہوں نے بااثر سیاستدان اور ابھرتے ہوئے گلوکار کا نمبر بلاک کردیا۔
بھارتی میڈیا رپورٹ کے مطابق 52 سالہ وشال ددلانی جو انڈین آئیڈل کے جج بھی ہیں، نے سفارش اور اثر و رسوخ کے کلچر کے خلاف کھل کر آواز بلند کی ہے۔
انہوں نے سماجی رابطے کی ویب سائٹ پر ایک سخت اور واضح پیغام میں دیا، پوسٹ بے باک اور دوٹوک انداز رکھنے کی وجہ سے وائرل ہوگئی ہے۔
پوسٹ میں اُن کا کہنا تھا کہ وہ کسی بھی ایسے گلوکار کے ساتھ کام نہیں کرنا چاہتے جو اپنی صلاحیت کے بجائے سیاسی یا ذاتی تعلقات کا سہارا لے۔
وشال ددلانی نے مزید کہا کہ حال ہی میں ایک سیاستدان نے ایک ابھرتے ہوئے گلوکار کے لیے سفارش کی، جس پر انہوں نے نہ صرف سیاستدان بلکہ گلوکار کو بھی بلاک کر دیا۔
انہوں نے یہ بھی کہا کہ سفارش نہ صرف ایک فرسودہ طریقہ ہے بلکہ یہ اس بات کی علامت بھی ہے کہ فنکار کو خود اپنی صلاحیت پر یقین نہیں، آگے بڑھنا ہے تو کسی منتری جی کو فون مت کرو، یہ مجھ سے کبھی نہ ملنے کا پکا طریقہ ہے۔
بھارتی موسیقار کا کہنا تھا کہ میرے پاس اُن لوگوں کے کوئی عزت نہیں جو ’تعلقات‘ کے ذریعے آگے بڑھنے کی کوشش کرتے ہیں، اب تم کتنے ہی اچھے گلوکار کیوں نہ ہو، اس عمل کے بعد مجھے تمہارے ساتھ کام کرنے میں کوئی دلچسپی نہیں ہے، معذرت۔
وشال ددلانی نے کسی سیاستدان یا گلوکار کا نام ظاہر نہیں کیا لیکن اس معاملے میں نئے گلوکاروں کو مشورہ دیا کہ وہ محنت، صبر اور اپنی صلاحیت پر اعتماد کے ساتھ آگے بڑھیں۔
.
ذریعہ
ذریعہ: Daily Mumtaz
کلیدی لفظ: وشال ددلانی نے انہوں نے
پڑھیں:
وزیر ریلوے کی اطالوی قومی دن کے موقع پر اٹلی کی حکومت اور عوام کو مبارکباد
اسلام آباد(اُردو پوائنٹ اخبارتازہ ترین - این این آئی۔ 02 جون2026ء) وزیر ریلوے محمد حنیف عباسی نے اطالوی قومی دن کے موقع پر اٹلی کی حکومت اور عوام کو مبارکباد پیش کرتے ہوئے کہا ہے کہ پاکستان اور اٹلی کے درمیان دیرینہ دوستانہ تعلقات باہمی احترام، اعتماد اور تعاون پر مبنی ہیں۔منگل کو اپنے بیان میں انہوں نے کہا کہ اٹلی پاکستان کا ایک اہم یورپی شراکت دار ہے اور دونوں ممالک کے تعلقات وقت کے ساتھ مزید مستحکم ہوئے ہیں۔ وزیر ریلوے نے کہا کہ پاکستان اٹلی کے ساتھ تجارت، سرمایہ کاری، تعلیم اور ثقافتی روابط کے فروغ کو خصوصی اہمیت دیتا ہے۔انہوں نے کہا کہ اطالوی قومی دن دونوں ممالک کے درمیان دوستی اور تعاون کے مزید فروغ کے عزم کی تجدید کا موقع فراہم کرتا ہے۔ انہوں نے اٹلی میں مقیم پاکستانی برادری کے کردار کو سراہتے ہوئے کہا کہ یہ برادری دونوں ممالک کے درمیان تعلقات کو مضبوط بنانے میں اہم کردار ادا کر رہی ہے۔(جاری ہے)
وزیر ریلوے نے کہا کہ پاکستان اٹلی کے ساتھ اقتصادی، تجارتی اور عوامی سطح کے روابط کو مزید وسعت دینے کا خواہاں ہے ،دونوں ممالک کے درمیان مختلف شعبوں میں تعاون کے وسیع امکانات موجود ہیں جو مشترکہ ترقی اور خوشحالی کا ذریعہ بن سکتے ہیں۔انہوں نے کہا کہ پاکستان اور اٹلی کے مضبوط تعلقات باہمی مفادات کے تحفظ اور بین الاقوامی تعاون کے فروغ میں اہم کردار ادا کر رہے ہیں اور یہ دیرینہ دوستی مستقبل میں مزید مضبوط اور نتیجہ خیز شراکت داری میں تبدیل ہوگی۔ انہوں نے اطالوی قومی دن پر پاکستان اور اٹلی کے عوام کے لیے امن، ترقی اور خوشحالی کی نیک تمناں کا اظہار کیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ