وزارت عظمی کیلئے اب بھی نوری المالکی ہی اہم ترین انتخاب ہیں، عراقی رکن پارلیمنٹ
اشاعت کی تاریخ: 10th, February 2026 GMT
میڈیا کیساتھ گفتگو میں معروف رکن عراقی پارلیمنٹ کا کہنا تھا کہ الاطار التنسیقی نامی اتحاد وزیر اعظم کے عہدے کیلئے اب بھی نوری المالکی کے نام پر ہی اصرار کر رہا ہے اسلام ٹائمز۔ معروف عراقی پارلیمنٹیرین علی صابر نے اعلان کیا ہے کہ الاطار التنسیقی نامی اتحاد، الدولۃ القانونیۃ کے سربراہ نوری المالکی کو ہی مستقبل کے وزیر اعظم کے لئے یقینی امیداوار قرار دیتا ہے۔ اس حوالے سے میڈیا کے ساتھ گفتگو میں علی صابر نے زور دیتے ہوئے کہا کہ اس فیصلے پر کسی بھی صورت بات چیت یا معاملہ نہیں کیا جائے گا کیونکہ الاطار التنسیقی، آئندہ مراحل کو سنبھالنے کے لئے نوری المالکی کو ہی سب سے نمایاں اور قابل اتفاق آپشن سمجھتا ہے۔ عراقی رکن پارلیمنٹ نے کہا کہ یہ فیصلہ سیاسی حالات کی پیچیدگیوں نیز ملک کو درپیش اندرونی و بیرونی چیلنجوں کا مقابلہ کرنے کے لئے کافی تجربہ رکھنے والے شخص کی ضرورت کے پیش نظر کیا گیا ہے۔ انہوں نے کہا کہ اگرچہ مستقبل کے وزیر اعظم کے انتخاب کے بارے اختلافات موجود ہیں لیکن ہم سمجھتے ہیں کہ نوری المالکی نئی حکومت کی قیادت کرنے کی مکمل صلاحیت رکھتے ہیں۔ انہوں نے مزید کہا کہ اس حوالے سے دیگر اتحادوں کے ساتھ بھی مشاورت جاری ہے تاہم ہمارے مرکزی موقف میں کوئی تبدیلی نہیں آئے گی۔
.
ذریعہ
ذریعہ: Islam Times
کلیدی لفظ: نوری المالکی
پڑھیں:
وزیراعظم کا سرمایہ کاری اور صنعتی ترقی کیلئے اصلاحات تیز کرنے کا حکم
سٹی 42: وزیراعظم شہباز شریف کی زیر صدارت سرمایہ کاری میں اضافے، صنعتی ترقی اور معیشت کی بہتری کے حوالے سے اہم جائزہ اجلاس منعقد ہوا، جس میں مختلف شعبوں میں اصلاحات اور پالیسی اقدامات پر غور کیا گیا۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
اجلاس سے خطاب کرتے ہوئے وزیراعظم شہباز شریف نے کہا کہ ملکی معیشت کی پائیدار ترقی کے لیے صنعت و حرفت کا فروغ اور بیرونی سرمایہ کاری میں اضافہ ناگزیر ہے۔ انہوں نے ہدایت کی کہ صنعتی پیداوار اور برآمدات بڑھانے کے لیے مؤثر اور دیرپا پالیسی اقدامات کو ترجیح دی جائے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
وزیراعظم نے کہا کہ صنعت، تجارت اور معیشت کے مختلف شعبوں میں اصلاحات عوامی فلاح اور طویل المدتی معاشی استحکام پر مرکوز ہونی چاہئیں۔ انہوں نے متبادل توانائی کے ذرائع کے فروغ اور مستقبل کی توانائی ضروریات پوری کرنے کے لیے جامع حکمت عملی پر تیزی سے عملدرآمد کی ضرورت پر زور دیا۔
شہباز شریف کا کہنا تھا کہ توانائی کی بچت اور سستی ٹرانسپورٹ کے فروغ کے لیے مؤثر الیکٹرک وہیکلز پالیسی وقت کی اہم ضرورت ہے، جبکہ جدید ٹیکنالوجی کو مختلف شعبوں میں متعارف کرانے کے لیے وزارتوں اور ماہرین کے درمیان مؤثر مشاورت یقینی بنائی جائے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
اجلاس میں نائب وزیراعظم و وزیر خارجہ اسحاق ڈار، وزیر خزانہ محمد اورنگزیب، وزیر اقتصادی امور احد چیمہ، وزیر اطلاعات عطاء اللہ تارڑ، وزیر موسمیاتی تبدیلی مصدق ملک، وزیر توانائی اویس لغاری، وزیر پٹرولیم علی پرویز ملک اور دیگر اعلیٰ حکام نے شرکت کی۔
وزارت آئی ٹی نے 1.67 ارب روپے سے زاید کے فنڈز طلب کرلیے