گلگت، عیسائی برادری کے وفد کا مرکزی انجمن امامیہ کا دورہ، سانحہ ترلائی پر اظہار تعزیت
اشاعت کی تاریخ: 10th, February 2026 GMT
اس موقع پر گفتگو کرتے ہوئے وفد کے نمائندوں نے کہا کہ دکھ اور غم کی اس گھڑی میں وہ اپنے شیعہ مسلمان بھائیوں کے ساتھ کھڑے ہیں اور امن، بھائی چارے اور باہمی احترام کے فروغ کے لیے ہر ممکن تعاون جاری رکھیں گے۔ اسلام ٹائمز۔ بین المذاہب رواداری، امن اور باہمی احترام کے فروغ کے سلسلے میں آج عیسائی مذہب کے ایک وفد نے مرکزی امامیہ جامع مسجد گلگت کا دورہ کیا۔ اس موقع پر مرکزی انجمن امامیہ گلگت بلتستان کے عہدیداران و اراکین نے وفد کا پُرتپاک استقبال کیا۔ دورے کے دوران عیسائی وفد نے گزشتہ دنوں اسلام آباد میں پیش آنے والے افسوسناک اور ناخوشگوار واقعے پر دلی رنج و غم کا اظہار کرتے ہوئے اس واقعے کو انسانیت کے خلاف ایک سنگین جرم قرار دیا۔ وفد کے اراکین نے شہداء کے بلندی درجات اور لواحقین کے لیے صبر جمیل کی دعا کی اور اس عزم کا اظہار کیا کہ وہ ہر قسم کی دہشت گردی اور انتہاپسندی کے خلاف ہیں۔ اس موقع پر گفتگو کرتے ہوئے وفد کے نمائندوں نے کہا کہ دکھ اور غم کی اس گھڑی میں وہ اپنے شیعہ مسلمان بھائیوں کے ساتھ کھڑے ہیں اور امن، بھائی چارے اور باہمی احترام کے فروغ کے لیے ہر ممکن تعاون جاری رکھیں گے۔
مرکزی انجمن امامیہ گلگت بلتستان کے عہدیداران نے عیسائی وفد کے اس خلوص بھرے اقدام کو سراہتے ہوئے ان کا شکریہ ادا کیا اور کہا کہ اس طرح کے دورے معاشرے میں بین المسالک ہم آہنگی، رواداری اور اتحاد کو مضبوط بنانے میں اہم کردار ادا کرتے ہیں۔ انجمن کے رہنماؤں نے اس بات پر زور دیا کہ پاکستان ایک پُرامن ملک ہے جہاں تمام مذاہب کے ماننے والے ایک دوسرے کے دکھ سکھ میں شریک ہیں۔ دونوں جانب سے اس عزم کا اعادہ کیا گیا کہ مستقبل میں بھی بین المذاہب ہم آہنگی، امن و امان کے قیام اور نفرت و تشدد کے خاتمے کے لیے مشترکہ کاوشیں جاری رکھی جائیں گی، تاکہ ایک پُرامن، مستحکم اور باہمی احترام پر مبنی معاشرہ تشکیل دیا جا سکے۔
ذریعہ
ذریعہ: Islam Times
کلیدی لفظ: اور باہمی احترام کے لیے وفد کے
پڑھیں:
کراچی، محسن نقوی کا صفورا میں واقع نادرا میگا سینٹر کا اچانک دورہ
وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ متعلقہ فائیلیںاسلام ٹائمز۔ وفاقی وزیر داخلہ محسن نقوی نے یونیورسٹی روڈ صفورا میں واقع نادرا میگا سینٹرکا اچانک دورہ کیا۔ وزیر داخلہ نے شہر قائد کے نادرا میگا سینٹر میں شہریوں کے لئے سہولتوں کا جائزہ لیا، محسن نقوی شناختی کارڈز اور دیگر دستاویزات بنانے کے لیے آئے شہریوں سے ملے۔ وفاقی وزیر داخلہ محسن نقوی نے شہریوں سے سینٹر میں فراہم کردہ سہولتوں کے بارے میں دریافت کیا، شہریوں سے شناختی کارڈز اور دیگر دستاویزات بنوانے کے عمل بارے پوچھا۔ نادرا میگا سینٹر میں موجود شہریوں نے مہیا کردہ سہولیات پر اطمینان کا اظہار کیا۔ شہریوں کا کہنا تھا کہ شناختی کارڈز اور دیگر دستاویزات بنوانے میں انتظار نہیں کرنا پڑتا، وقت پر باری آ جاتی ہے اور عملہ بھی مکمل تعاون کرتا ہے۔ محسن نقوی مختلف کاؤنٹرز پر گئے اور خصوصا بزرگ شہریوں سے گفتگو کی اور ان کے ایشوز پوچھے، بزرگ شہریوں اور خواتین کے کام ترجیحی بنیادوں پر کرنے کے احکامات جاری کئے۔ وزیر داخلہ محسن نقوی نے نادرا سینٹر کے انچارج اور عملے کی کارکردگی کی تعریف کی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ