خیبر پختونخوا: نجی اسکولوں کی ریگولیٹری اتھارٹی کے ساتھ رجسٹریشن لازمی قرار
اشاعت کی تاریخ: 10th, February 2026 GMT
فائل فوٹو
محکمہ تعلیم خیبرپختونخوا نے صوبے کے تمام غیر رجسٹرڈ نجی اسکولوں کے لیے پرائیوٹ اسکولز ریگولیٹری اتھارٹی میں رجسٹریشن لازمی قرار دے دی۔
محکمہ تعلیم خیبرپختونخوا نے تمام تعلیمی بورڈز کے چیئرمینز کو مراسلہ جاری کیا ہے، جس میں کہا گیا کہ غیر رجسٹرڈ نجی اسکولوں کو بورڈ امتحانات میں داخلہ نہیں ملے گا۔
نوٹیفکیشن کے مطابق معطل کیے گئے عملے میں ڈی اِی او اور ڈپٹی ڈی اِی او سمیت 6 افسران شامل ہیں۔
مراسلہ میں کہا گیا کہ خیبر پختونخوا میں بغیر رجسٹریشن کوئی نجی اسکول نہیں چل سکے گا، غیر رجسٹرڈ نجی اسکولوں کے طلبہ کو بورڈ امتحانات میں داخلہ بھی نہیں ملے گا۔
مراسلہ میں کہا گیا کہ خیبر پختونخوا پرائیویٹ اسکولز ریگولیٹری اتھارٹی ایکٹ کے تحت اسکولوں کی رجسٹریشن لازمی ہے، صوبے میں 11 ہزار 887 نجی اسکول رجسٹرڈ ہیں۔
مراسلے میں کہا گیا کہ غیر رجسٹرڈ اسکولوں کی وجہ سے اسکول سے باہر بچوں کا درست اندازہ مشکل ہو رہا ہے، ایکٹ کے مطابق رجسٹریشن کے بغیر اسکول نہ کھولا جا سکتا نہ چلایا جا سکتا ہے۔
.
ذریعہ
ذریعہ: Jang News
کلیدی لفظ: میں کہا گیا کہ نجی اسکولوں نجی اسکول
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار