سی ڈی اے کے زیر اہتمام شکرپڑیاں کے مقام پر بہار شجرکاری مہم 2026 کاانعقاد
اشاعت کی تاریخ: 11th, February 2026 GMT
سی ڈی اے کے زیر اہتمام شکرپڑیاں کے مقام پر بہار شجرکاری مہم 2026 کاانعقاد WhatsAppFacebookTwitter 0 11 February, 2026 سب نیوز
اسلام آباد(سب نیوز)وفاقی دارالحکومت اسلام آباد کو مزید خوبصورت اور سرسبز و شاداب بنانے کیلئے سی ڈی اے نے بدھ کے روز موسم بہار شجرکاری مہم 2026 شکرپڑیاں کے مقام پر بھرپور انعقاد کیا۔ اس موقع پر وزیراعظم کے کوآرڈینیٹر برائے امور صحت ڈاکٹر مختار احمد برتھ نے شجرکاری مہم میں بطور مہمان خصوصی شرکت کی اور پائن کا درخت لگایا۔ چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا اور ایم ڈی او جی ڈی سی ایل احمد حیات لک نے بھی اس موقع پر چیڑ کے درخت لگائے۔
شجرکاری مہم میں انوائرمنٹ کے سنئیر افسران سمیت یونیورسٹیوں، کالجوں اور سکولوں کے طلبا کی کثیر تعداد نے شرکت کی۔میڈیا سے گفتگو کرتے ہوئے وزیراعظم کے کوآرڈینیٹر برائے امور صحت ڈاکٹر مختار احمد برتھ نے کہا کہ طلبا اور سول سوسائٹی کے نمائندگان کا شکر گزار ہوں جنہوں نے سی ڈی اے کیساتھ ملکر اس خصوصی مہم میں بڑھ چڑھ کر حصہ لیا۔ انہوں نے کہا کہ او جی ڈی سی ایل کا بھی شکر گزار ہوں جو سی ایس آر کے تحت 20 ہزار درخت لگا رہے ہیں۔وزیراعظم کے کوآرڈینیٹر برائے امور صحت نے کہا کہ دارالحکومت اسلام آباد کو رہنے کے قابل بنانے کے مقصد کیلئے پولن الرجی کے درختوں کو ہٹایا گیا ہے۔ پولن الرجی کے درختوں کو ہٹانے سے دارالحکومت اسلام آباد میں پولن کانٹ میں نمایاں کمی واقع ہوئی ہے۔ انہوں نے کہا کہ شکر پڑیاں میں 8 ہزار پولن درختوں کی جگہ 30 ہزار بڑے سائز کے درخت لگائے جائیں گے۔ ڈاکٹر مختار احمد برتھ نے کہا کہ لگائے گئے درختوں کی بہتر نگہداشت کیلئے کیو آر کوڈ بھی لگائے جارہے ہیں۔ اسی طرح لگائے گئے درختوں کو نہ صرف کیو آر کوڈ بلکہ ایپ کے ذریعے بھی مانیٹر کیا جاسکے گا۔ انہوں نے مزید کہا کہ دن بدن وفاقی دارالحکومت اسلام آباد کے گرین ایریاز میں اضافہ ہوتا جارہا ہے۔
اس موقع پر میڈیا سے گفتگو کرتے ہوئے چیئرمین سی ڈی اے محمد علی رندھاوا نے کہا کہ شجرکاری مہم میں حصہ لینے والے طلبہ، سول سوسائٹی اور کارپوریٹ سیکٹر کے نمائندگان کا خصوصی طور پر شکریہ ادا کرتا ہوں۔ انہوں نے کہا کہ رواں برس شجرکاری مہم کے تحت دارالحکومت اسلام کی شاہراں، کمرشل مراکز سمیت پارکس میں ماحول دوست درخت لگانے کا سلسلہ جاری ہے۔چیئرمین سی ڈی اے نے کہا کہ لگائے جانے والے درختوں اور پودوں کا باقاعدہ ریکارڈ بھی محفوظ کیا جارہا ہے۔ اسی طرح شجرکاری مہم میں کیو آر کوڈ اور خصوصی ایپ کے ذریعے جدید ٹیکنالوجی کو استعمال میں لایا جارہا ہے اور اس سلسلے میں لگائے جانے والے پودوں کی تفصیلات کیو آر کوڈ پر محفوظ اور باقاعدہ ٹریکنگ کا نظام بھی وضع کیا گیا ہے۔ چیئرمین سی ڈی اے نے کہا کہ کیو آر کوڈ کی مدد سے درختوں کی اقسام، عمر، ساخت، انکی افزائش اور دیگر متعلقہ معلومات تک رسائی آسان ہوگی۔چیئرمین سی ڈی اے نے کہا کہ ہم سب ملکر اپنے والدین، بہن بھائیوں اور بچوں کے نام کا ایک ایک پودا لازمی لگائیں تو اسکا ماحول پر انتہائی گہرا اثر پڑتا ہے۔
انہوں نے کہا کہ ایجوکیشن ڈیپارٹمنٹ اورایچ ای سی تمام طلبا کی شجرکاری میں شرکت کو یقینی بنانے کیلئے خصوصی مارکس بھی دیں۔چیئرمین سی ڈی اے محمد علی رندھاوا نے کہا کہ آئیں،ہم سب ملکر ہم وفاقی دارالحکومت اسلام آباد کو مزید سرسبز و شاداب بناتے ہیں۔ انہوں نے کہا کہ سی ڈی اے بورڈ، وزارت صحت اور ماہرین ماحولیات کی مشاورت سے پیپر ملبری کے درختوں کو ہٹایا اور ہر پودے کی جگہ کم ازکم تین نئے ماحول دوست پودے لگائے جا رہے ہیں۔ انہوں نے کہا کہ موسم بہار شجرکاری مہم کے تحت مقامی، پھلدار اور سایہ دار درختوں کو لگایا جارہا ہے۔چیئرمین سی ڈی اے محمد علی رندھاوا نے کہا کہ شجرکاری مہم کو کامیاب بنانے کیلئے ہم سب کو ملکر اپنا بھرپور کردار ادا کرنا چاہیے۔ انہوں نے کہا کہ ماحولیاتی تحفظ کیلئے ہمارے ساتھ ساتھ تمام شہریوں کو بھی اسمیں اپنا بھرپور کردار ادا کرنا ہوگا۔ چیئرمین سی ڈی اے نے مزید کہا کہ سی ایس آر کے تحت جو بھی ادارے اس شجرکاری مہم میں شامل ہونا چاہتے ہیں انکو خوش آمدید کہتے ہیں۔ انہوں نے کہا کہ اس شجرکاری مہم کا مقصد اسلام آباد شہر کے گرین کور میں اضافہ کرنا اور ماحول کے تحفظ کو یقینی بنانا ہے۔ایم ڈی او جی ڈی ایل احمد حیات لک نے کہا کہ اسلام آباد ہم سب کا شہر ہے اور اسکی خوبصورتی کو برقرار رکھنے کیلئے سی ڈی اے کیساتھ ہرممکن تعاون کیلئے ہمہ وقت تیار ہیں۔ انہوں نے مزید کہا کہ ماحولیاتی تحفظ اور اسلام آباد کو سرسبز و شاداب رکھنے کیلئے نہ صرف سی ڈی اے بلکہ ہم سب کو ملکر اپنا بھرپور کردار ادا کرنا ہوگا۔اس موقع پر شجرکاری مہم میں شریک طلبا، اساتذہ اور سول سوسائٹی کے نمائندگان نے بڑی تعداد میں شکر پڑیاں کے مقام پر چیڑ کے ہزاروں درخت لگائے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرحکومتِ جاپان، یو این اور جائیکا کا خیبر پختونخوا میں اسکولوں کی آفات سے تحفظ کی صلاحیت بڑھانے کیلئے معاہدہ تحریک انصاف ہم خیال گروپ کے رہنماؤں کا استحکام پاکستان پارٹی میں شمولیت کا اعلان پاک فوج کی کس صوبےمیں کتنی نمائندگی ہے ؟تفصیلات و دستاویز سب نیوز پر کس صوبے سے کتنے فوجی شہید ہوئے؟ وزیر دفاع خواجہ آصف نے ایوان میں اعدادوشمار پیش کردیے پاک فوج کے بارے میں محمود خان اچکزئی کا بیان غیر ذمہ دارانہ ہے: خواجہ آصف اسحاق ڈار کا ترکیہ اور ایرانی وزرائے خارجہ سے رابطہ، ہم آہنگی جاری رکھنے پر اتفاق عافیہ صدیقی کیس: آئینی عدالت نے ہائیکورٹ کو وزیرِاعظم اور وفاقی وزرا کیخلاف کارروائی سے روک دیاCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: بہار شجرکاری مہم کے مقام پر سی ڈی اے
پڑھیں:
فیفا نے ورلڈ کپ 2026 کی ٹیم آف دی ٹورنامنٹ کا اعلان کر دیا
فیفا نے ورلڈ کپ 2026 کے اختتام پر شاندار کارکردگی دکھانے والے کھلاڑیوں پر مشتمل ٹیم آف دی ٹورنامنٹ کا اعلان کر دیا ہے، جس میں عالمی فٹبال کے کئی نامور ستاروں کو پورے ایونٹ میں بہترین کھیل کی بنیاد پر شامل کیا گیا ہے۔
غیر ملکی خبر رساں ادارے رائٹرز کے مطابق منتخب ٹیم میں ارجنٹائن کے کپتان لیونل میسی، فرانس کے کپتان کیلیان ایمباپے اور ناروے کے اسٹار اسٹرائیکر ایرلنگ ہالینڈ کو فرنٹ لائن کا حصہ بنایا گیا ہے۔
مڈفیلڈ میں ورلڈ کپ کے گولڈن بال کے فاتح اور اسپین کے کپتان روڈری ، انگلینڈ کے جوڈ بیلنگھم اور فرانس کے مائیکل اولیسے کو جگہ دی گئی ہے، جنہوں نے پورے ٹورنامنٹ میں نمایاں کارکردگی کا مظاہرہ کیا۔
دفاعی لائن میں کیپ وردے کے گول کیپر ووزینیا کو منتخب کیا گیا ہے، جبکہ اسپین کے عالمی چیمپئن مارک کوکوریلا اور پیڈرو پورو ، فرانس کے ڈایو اوپامیکانو اور ارجنٹائن کے لیساندرو مارٹینیز بھی دفاع کا حصہ ہیں۔
فیفا کے مطابق ٹیم آف دی ٹورنامنٹ کا انتخاب کھلاڑیوں کی مجموعی کارکردگی، ٹیم پر اثراندازی اور پورے ایونٹ کے دوران مستقل بہترین کھیل کو مدنظر رکھتے ہوئے کیا گیا ہے۔
دوسری جانب فیفا نے ورلڈ کپ کے اختتام پر نئی عالمی رینکنگ بھی جاری کر دی ہے۔ نئی عالمی چیمپئن اسپین ایک درجہ ترقی کے بعد دنیا کی نمبر ایک ٹیم بن گئی، جبکہ رنر اپ ارجنٹائن ایک درجہ تنزلی کے بعد دوسرے نمبر پر چلی گئی۔
رینکنگ میں فرانس تیسرے اور انگلینڈ چوتھے نمبر پر برقرار ہیں، جبکہ برازیل اور مراکش ایک، ایک درجہ ترقی کے ساتھ بالترتیب پانچویں اور چھٹے نمبر پر پہنچ گئے ہیں۔
ادھر کرسٹیانو رونالڈو کی پرتگال دو درجے تنزلی کے بعد ساتویں نمبر پر آ گئی، جبکہ میزبان میکسیکو نے ورلڈ کپ میں عمدہ کارکردگی کی بدولت چار درجے ترقی کرکے ٹاپ ٹین میں جگہ بنا لی۔
ورلڈ کپ کے کوارٹر فائنل تک رسائی حاصل کرنے والی ناروے کی ٹیم نے بھی نمایاں پیش رفت کرتے ہوئے 12 درجے ترقی کی اور عالمی رینکنگ میں 19ویں پوزیشن حاصل کر لی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار