جوہر پارک میں شاندار فلاور شو کا افتتاح، جماعت اسلامی کی شہری ترقی کے عزم کا مظاہرہ
اشاعت کی تاریخ: 11th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی کے جوہر پارک یوسی 8 میں فلاور شو کا شاندار افتتاح ہو گیا، جس میں امیر جماعت اسلامی کراچی منعم ظفر خان نے امیر ضلع قائدین انجینئر عبد العزیز اور ٹی ایم سی جناح ٹاؤن کے تحت ٹاؤن چیئرمین رضوان عبد السمیع اور یوسی چیئرمین جنید مکاتی کے ہمراہ شرکت کی۔
افتتاحی تقریب کے دوران منعم ظفر خان نے منتظمین کو شاندار فلاور شو کے انعقاد پر خراج تحسین پیش کیا اور علاقہ مکینوں نے جماعت اسلامی کی کوششوں کو سراہا۔ اس موقع پر میڈیا سے گفتگو کرتے ہوئے منعم ظفر خان نے کہا کہ جماعت اسلامی اپنی نو ٹاؤنز میں تعمیر و ترقی کے ساتھ ساتھ کراچی کے حقوق کی بھی جنگ لڑ رہی ہے اور اپنے وعدے کے مطابق اختیارات سے بڑھ کر کام کر رہی ہے، جوہر پارک کو اجتماعی جدوجہد کے ذریعے بحال کیا گیا، بالکل اسی طرح شہر کے دیگر مسائل بھی حل کرائے جائیں گے۔
منعم ظفر خان نے مزید کہا کہ کراچی نے گزشتہ سال 3256 ارب روپے کا ٹیکس دیا، لہٰذا اس کا حق ہے کہ اسے ترقیاتی بجٹ دیا جائے اور عوام کے مسائل حل کیے جائیں، کراچی کے ساڑھے تین کروڑ عوام کے جائز اور قانونی حقوق، مسائل کے حل اور بااختیار شہری حکومت کے لیے 14 فروری کو سندھ اسمبلی کے سامنے دھرنا دیا جائے گا۔ انہوں نے کہا کہ قابض میئر کام نہیں کرنا چاہتے اور وسائل پر قبضہ کیے ہوئے ہیں۔
چیئرمین جناح ٹاؤن رضوان عبد السمیع نے کہا کہ جناح ٹاؤن کے تحت بتدریج چالیس پارکوں کو بحال کیا جائے گا اور بوہری کمیونٹی اور پارک ڈیپارٹمنٹ کے شکر گزار ہیں جنہوں نے دن رات محنت کر کے پارک کی بحالی میں اپنا کردار ادا کیا۔
ذریعہ
ذریعہ: Jasarat News
کلیدی لفظ: جماعت اسلامی
پڑھیں:
وزیراعظم کی زیر صدارت اجلاس، معیشت کی مجموعی ترقی اور پالیسی اقدامات پر جائزہ
اسلام آباد (ڈیلی پاکستان آن لائن) وزیراعظم محمد شہباز شریف کی زیر صدارت سرمایہ کاری میں اضافہ اور معیشت کی مجموعی ترقی کے لئے شعبہ جاتی اصلاحات اور پالیسی اقدامات پر جائزہ اجلاس ہوا۔
نجی ٹی وی چینل دنیا نیوز کے مطابق وزیراعظم شہباز شریف نے اجلاس کی صدارت کرتے ہوئے کہا کہ ملکی معیشت کی پائیدار ترقی کے لئے صنعت وحرفت کا فروغ اور بیرونی سرمایہ کاری میں اضافہ ناگزیر ہے۔
انہوں نے کہا کہ صنعتی مصنوعات کی ملکی پیداور اضافے کے ساتھ ساتھ برآمدات بڑھانے کے لیے موٴثر پالیسی اقدامات حکومتی ترجیحات کا حصہ ہیں، صنعت و تجارت اور معیشت کے مختلف شعبہ جات میں اصلاحات کا مقصد طویل المدتی معاشی افادیت اور عوامی فلاح ہونا چاہئے۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وزیراعظم نے کہا کہ مستقبل کی توانائی کی ضروریات کو متبادل توانائی کے ذرائع سے پورا کرنے کے لیے جامع حکمت عملی پر بھرپور انداز میں کام ہو رہا ہے، توانائی کی بچت اور سستی ٹرانسپورٹ کی ملکی ضروریات پوری کرنے کے لئے جامع اور موثر الیکٹرک وہیکلز پالیسی وقت کی اہم ضرورت ہے۔
انہوں نے کہا کہ جدید ٹیکنالوجی کی مختلف شعبوں میں شمولیت کے لئے تمام وزارتیں اور ماہرین کی بامعنی مشاورت کو یقینی بنائیں، موثر ترقیاتی پالیسیز کی تشکیل و نفاذ کے لیۓ تمام وزراتیں باہمی تعاون اور ہم آہنگی سے کام کریں، تمام اصلاحات اور اقدامات میں انتظامی شفافیت اور بہترین کارکردگی حکومت کی اولین ترجیح ہے۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
اجلاس میں متعلقہ وزارتوں کی جانب سی مختلف زیر غور پالیسی تجاویز پر بریفنگ دی گئی۔
اجلاس میں نائب وزیراعظم محمد اسحاق ڈار، وفاقی وزیر خزانہ محمد اورنگزیب، وفاقی وزیر اقتصادی امور احد خان چیمہ، وفاقی وزیر اطلاعات عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر پاور ڈیویژن سردار اویس لغاری، وفاقی وزیر پٹرولیم علی پرویز ملک، کے معاون خصوصی ہارون اختر اور ڈائریکٹر جنرل ایس آئی ایف سی میجر جنرل اسد الرحمن چیمہ اور متعلقہ اداروں کے عہدے داران نے شرکت کی۔
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے