PSOکا رمضان المبارک میں عطیات مہم شروع کرنے کا اعلان
اشاعت کی تاریخ: 12th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
کراچی (کامرس رپورٹر) پاکستان اسٹیٹ آئل نے رمضان المبارک کے دوران ملک بھر میںاپنے منتخب آؤٹ لیٹس پر شراکت داروںکے ساتھ مل کر عطیات جمع کرنے کی مہم کا اعلان کیا ہے ۔اس اہم اقدام کو باضابطہ شکل پی ایس او ہاؤس میں مفاہمتی یادداشت (ایم او یو) پر دستخط کی تقریب کے دوران دی گئی۔ تقریب کی قیادت پی ایس او سی ایس آر ٹرسٹ کے چیئرمین رضوان احمد نے کی۔ اس موقع پر ملک کی پانچ نمایاں اور باوقار غیر سرکاری تنظیموں، ایل آر بی ٹی (LRBT)، پیشنٹس ایڈ فاؤنڈیشن ، انڈس اسپتال اینڈ ہیلتھ نیٹ ورک، ہینڈز اور دی سٹیزنز فاؤنڈیشن کی اعلیٰ قیادت بھی موجود تھی۔اس اقدام کے تحت کراچی، لاہور، اسلام آباد، ملتان، سکھر، راولپنڈی اور پشاور سمیت ملک کے بڑے شہروں میں قائم پی ایس او کے 130 سے زائد فلیگ شپ پمپس کو سماجی تبدیلی کے عملی مراکز میں تبدیل کیا جا رہا ہے۔ یہ اسٹیشنز اب نہ صرف ایندھن کی فراہمی کا ذریعہ ہوں گے بلکہ انسانی خدمت اور فلاحی سرگرمیوں میں شرکت کا بھی مؤثر پلیٹ فارم فراہم کریں گے۔پی ایس او نے اس امر کو یقینی بنانے کے لیے کہ زکوٰۃ اور صدقات کی ہر رقم فوری طور پر مستحقین تک پہنچے، تمام شریک ریٹیل مقامات پر جدید اور سہل ڈیجیٹل ادائیگیوں کے نظام کو مربوط کر دیا ہے۔ خصوصی پیغامات اور کیو آر کوڈز کے ذریعے صارفین اب اپنے معمول کے ایندھن اسٹاپ کو نیکی اور عبادت کے ایک بامعنی عمل میں تبدیل کر سکتے ہیں۔ اس طریقہ کار سے عطیات کی ادائیگی نہایت آسان، شفاف اور فوری ہو گئی ہے۔کارپوریٹ سماجی ذمہ داری کی حقیقی مثال قائم کرتے ہوئے پی ایس او اس پورے پلیٹ فارم اور اپنے نمایاں اشتہاری مقامات کو بلا معاوضہ فراہم کر رہی ہے۔
ذریعہ
ذریعہ: Jasarat News
کلیدی لفظ: پی ایس او
پڑھیں:
کراچی کے سرکاری کالجز میں انٹرسال اول کیلیے داخلے شروع نہ ہوسکے، سوا لاکھ طلبا منتظر
محکمہ کالج ایجوکیشن سندھ واضح اعلان کے باوجود کراچی میں سرکاری کالجوں میں داخلہ شروع نہیں کرسکا ہے اور کم از کم سوا لاکھ طلبہ انٹر سال اول میں داخلوں کے منتظر ہیں۔
تفصیلات کے مطابق انٹر سال اول میں داخلہ یکم جون سے شروع ہونے تھے اس سلسلے میں 23 مئی کو قومی اخبارات میں اشتہارات جاری کیے گئے تھے جس کے مطابق تمام سرکاری کالجوں میں انٹر سال اول میں نویں جماعت کے نتائج کی بنیاد پر یکم جون سے داخلہ فارم کی رجسٹریشن شروع ہوجانی تھی جبکہ داخلہ فارم رجسٹریشن کی آخری تاریخ 15 جولائی مقرر کی گئی ہے۔
انٹر سال اول میں صرف کراچی کے سرکاری کالجوں میں سوا لاکھ کے قریب طلبہ داخلہ لیتے ہیں جن کے لیے سینٹرلائزڈ ایڈمیشن پالیسی کے تحت 6 مختلف فیکیلٹیز پری انجینئرنگ، پری میڈیکل، کمپیوٹر سائنس ، کامرس ، ہیومینیٹیز اور ہوم اکنامکس میں داخلے دیے جاتے ہیں۔
اس سلسلے میں جب میٹرک کا امتحان دینے والے داخلے کے خواہشمند طلبہ نے www.seccap.dgcs..gos.pk کے پورٹل پر داخلہ رجسٹریشن فارم تک پہنچنے کی کوشش کی تو معلوم ہوا کہ یہ پورٹل ہی بند ہے۔
ادھر "ایکسپریس" نے اس سلسلے میں ڈائریکٹر جنرل کالجز سندھ پروفیسر زاہد راجپر سے جب اس سلسلے میں رابطہ کیا تو ان کا کہنا تھا کہ تکنیکی وجوہات کی بنا پر پورٹل بند ہے ہماری ٹیکنیکل ٹیم کام کررہی ہے۔
انہوں نے کہا کہ پوری امید ہے کہ بدھ کی صبح تک پورٹل کھل جائے جس کے بعد طلبہ داخلے کے لیے اپلائی کرسکیں گے۔
ڈی جی کالجز کا یہ بھی کہنا تھا کہ اس بار ہم نے تمام سرکاری کالجوں میں "ڈیس ایبل" کوٹہ مختص کیا ہے تاکہ ایسے طلبہ اس کوٹے کی بنیاد پر اپنے قرب و جوار کے کالجوں میں بھی اپلائی کرسکتے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے