کینیڈا کے اسکول فائرنگ واقعے میں نوجوان خاتون ملوث قرار
اشاعت کی تاریخ: 12th, February 2026 GMT
گزشتہ منگل کو مغربی کینیڈا میں ایک ہولناک اسکول فائرنگ کے واقعے میں ملوث مشتبہ حملہ آور 18 سالہ خاتون تھی جو ذہنی صحت کے مسائل کا شکار تھی۔
پولیس کے مطابق اس نے اپنے سابقہ اسکول پر حملہ کرنے سے قبل اپنی والدہ اور سوتیلے بھائی کو قتل کیا۔
یہ بھی پڑھیں: کینیڈا: برٹش کولمبیا کے اسکول میں فائرنگ، 10 افراد ہلاک؛ مشتبہ حملہ آور بھی مارا گیا
تاہم حکام نے اس اندوہناک سانحے کے محرکات کے بارے میں کوئی وضاحت نہیں کی، یہ واقعہ کینیڈا کی تاریخ کے بدترین اجتماعی قتل عام میں شمار کیا جا رہا ہے۔
پولیس کے مطابق حملہ آور خاتون کی شناخت جیسی وین روٹسیلار کے نام سے ہوئی ہے۔
10 dead,25 injured after shootout in Tumbler Ridge, Canada.
— Global Watch (@Globalwatchh) February 12, 2026
منگل کے روز برٹش کولمبیا کے دور دراز قصبے ٹمبلر رج میں فائرنگ کے بعد خودکشی کر لی۔ اس قصبے کی آبادی تقریباً 2,400 افراد پر مشتمل ہے۔
پولیس نے ابتدائی طور پر ہلاکتوں کی تعداد دس بتائی تھی، تاہم بعد ازاں اسے کم کر کے نو کر دیا گیا، جن میں خود حملہ آور بھی شامل ہے۔
رائل کینیڈین ماؤنٹڈ پولیس کے برٹش کولمبیا میں کمانڈر ڈپٹی کمشنر ڈوین میکڈونلڈ کے مطابق ملزمہ کو ماضی میں ایک سے زائد مرتبہ صوبائی ذہنی صحت ایکٹ کے تحت حراست میں لے کر معائنہ کیا گیا تھا۔
مزید پڑھیں: مغربی تعلیم زوال پذیر کیوں ہے؟
وہ اسی اسکول کی طالبہ رہ چکی تھی لیکن 4 سال قبل تعلیم چھوڑ دی تھی۔
میکڈونلڈ نے بتایا کہ گزشتہ کئی برسوں کے دوران پولیس کو متعدد بار اس کے گھر جانا پڑا، جہاں ذہنی صحت سے متعلق خدشات سامنے آئے تھے۔
امریکا کے برعکس کینیڈا میں اسکول فائرنگ کے واقعات نہایت کم ہوتے ہیں، اور اس سانحے کے بعد وفاقی سیاستدان بھی شدید صدمے کا شکار دکھائی دیے۔
مزید پڑھیں:
وزیر اعظم مارک کارنی نے آبدیدہ انداز میں صحافیوں سے گفتگو کرتے ہوئے کہا کہ ہم اس صدمے سے نکل آئیں گے اور اس سے سبق سیکھیں گے۔
انہوں نے اپنا یورپ کا دورہ ملتوی کر دیا اور سرکاری عمارتوں پر قومی پرچم 7 روز تک سرنگوں رکھنے کا حکم دیا۔
بعد ازاں ہاؤس آف کامنز میں ارکان نے ایک منٹ کی خاموشی اختیار کی، جہاں وزیر اعظم نے کہا کہ یہ قتل و غارت پورے ملک کو صدمے اور سوگ میں مبتلا کر گئی ہے۔
مزید پڑھیں: ہائی اسکول تعلیم کے لیے دنیا کا مہنگا ترین ملک کونسا ہے؟
پولیس کے مطابق وین روٹسیلار نے، جو پیدائشی طور پر مرد تھی لیکن 6 سال قبل خود کو خاتون کے طور پر شناخت کرنے لگی تھی، سب سے پہلے اپنی 39 سالہ والدہ اور 11 سالہ سوتیلے بھائی کو گھر میں قتل کیا۔
بعد ازاں وہ اسکول پہنچی جہاں اس نے 39 سالہ خاتون ٹیچر، تین 12 سالہ طالبات، اور 2 طلبا کو گولی مار کر ہلاک کیا۔
پولیس نے جائے وقوعہ سے ایک رائفل اور ایک ترمیم شدہ پستول برآمد کی۔
مزید پڑھیں: کینیڈا کی معروف اداکارہ کیتھرین او ہارا 71 برس کی عمر میں چل بسیں
فائرنگ کے اس واقعہ میں درجنوں افراد زخمی ہوئے، جبکہ 12 اور 19 سال کی عمر کے 2 شدید زخمی طلبا بدستور اسپتال میں زیر علاج ہیں۔
حکام کے مطابق پولیس کو ابتدائی کال کے 2 منٹ بعد موقع پر پہنچنے پر فائرنگ کا سامنا کرنا پڑا، حتیٰ کہ اہلکاروں پر بھی گولیاں چلائی گئیں۔ بعد ازاں حملہ آور کو مردہ پایا گیا۔
پولیس کا کہنا ہے کہ بظاہر ملزمہ نے اکیلے کارروائی کی اور ابھی تک کسی مخصوص شخص کو نشانہ بنانے کے شواہد نہیں ملے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس فائرنگ کینیڈا نووا اسکاٹیا ہائی اسکول وردی
ذریعہ
ذریعہ: WE News
کلیدی لفظ: پولیس فائرنگ کینیڈا ہائی اسکول فائرنگ کے پولیس کے حملہ آور کے مطابق
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
وزارت آئی ٹی نے 1.67 ارب روپے سے زاید کے فنڈز طلب کرلیے