حافظ آباد: ٹرک کی ٹکر، موٹرسائیکل سوار ماں بیٹا جاں بحق
اشاعت کی تاریخ: 13th, February 2026 GMT
حافظ آباد؍ نوشہرہ ورکاں (نمائندہ نوائے وقت) ٹرک کی ٹکر سے موٹرسائیکل سوار ماں اور بیٹا جاں بحق ہو گئے۔ تفصیلات کے مطابق قلعہ دیدار سنگھ کا جاوید ملک اپنی تیس سالہ اہلیہ پروین اور چار سالہ بیٹے حسن کے ساتھ موٹرسائیکل پر جا رہا تھا کہ بھڑی موڑ کے قریب تیز رفتار ٹرک سے ٹکر ہو گئی۔ ماں اور بیٹا موقع پر ہی دم توڑ گئے۔ جبکہ جاوید ملک زخمی ہو گیا۔ کوٹ لدھا پولیس اور ریسکیو 1122 کی ٹیموں نے زخمی شخص اور نعشیں ہسپتال منتقل کیں۔
.
ذریعہ
ذریعہ: Nawaiwaqt
پڑھیں:
کراچی میں گیس سلینڈر دھماکے سے تباہی، 1 جاں بحق
شہر قائد کے علاقے صفورا چورنگی سندھ گرین ہوٹل واٹر ہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکے کے نتیجے میں ایک شخص جاں بحق اور5 افراد زخمی ہو گئے۔
تفصیلات کے مطابق ملیر کینٹ تھانے کے علاقے صفورا چورنگی سندھ گرین ہوٹل واٹرہائیڈرنٹ کے قریب واقع ٹائر پنکچر اورگیس ویلڈنگ کی مشترکہ دکان میں دھماکےمیں 6 افراد جھلس کر زخمی ہو گئے جنہیں فوری طور پرجناح اسپتال منتقل کیا گیا۔
اسپتال منتقلی کے بعد جھلس کر زخمی ہونے والا ایک شخص دوران علاج دم توڑ گیا، جس کی شناخت 35 سالہ وقاص کے نام سے ہوئی۔
حادثے میں زخمی ہونے والے دیگر افراد میں 10 سالہ سکندر، 40 سالہ اویس اور 30 سالہ عبدالحنان اورعابد شامل ہیں جبکہ ایک زخمی کی شناخت تاحال نہیں ہوسکی۔
ایس ایچ او ملیر کینٹ آغا عبدالرشید کے مطابق دھماکے میں جاں بحق ہونے والا وقاص پنکچرکی دکان کا مالک تھا۔ انہوں نے مزید بتایا کہ پنکچر کی دکان سے متصل گاڑیوں کے سینسر گیس ویلڈنگ کے ذریعے مرمت کاکام بھی ہوتا تھا جہاں ایک چھوٹا سلنڈر موجود تھا جوروز داردھماکے سے پھٹ گیا جس کے نتیجے میں ایک شخص جاں بحق اور 5 افراد زخمی ہوئے جنہیں فوری طورپراسپتال منتقل کردیا گیا۔
عینی شاہدین کے مطابق دھماکہ اتنا شدید تھا کہ دکان مکمل طور پرتباہ ہوگئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ