’اپنی زمین اپنا گھر‘ پروگرام: 2 ہزار مفت پلاٹس کی بیلٹنگ مکمل
اشاعت کی تاریخ: 13th, February 2026 GMT
لاہور(نیوزڈیسک)وزیراعلیٰ پنجاب کے ’’اپنی زمین اپنا گھر‘‘ پروگرام کے تحت دو ہزار مستحق خاندانوں کے لیے مفت پلاٹس کی بیلٹنگ مکمل کر لی گئی۔ صوبے کے 19 اضلاع میں خوش نصیب افراد کو بلاکس اور پلاٹس نمبر الاٹ کر دیے گئے۔
وزیر ہاؤسنگ پنجاب بلال یاسین نے جہلم اور قصور سے تعلق رکھنے والے مستحق افراد کو بذاتِ خود فون کر کے پلاٹ نمبر، سائز اور بلاک کی تفصیلات سے آگاہ کیا اور انہیں مبارکباد دی۔ اس موقع پر خوش نصیب افراد نے حکومت پنجاب کا شکریہ ادا کرتے ہوئے اپنی خوشی کا اظہار کیا۔
حکام کے مطابق پلاٹس حاصل کرنے والے افراد ’’اپنی چھت، اپنا گھر‘‘ اسکیم کے تحت بلاسود قرض بھی حاصل کر سکیں گے تاکہ وہ اپنے گھر کی تعمیر مکمل کر سکیں۔
وزیر ہاؤسنگ بلال یاسین کا کہنا تھا کہ پروگرام کا مقصد بے گھر اور مستحق خاندانوں کو اپنی چھت فراہم کرنا ہے۔ انہوں نے کہا کہ عرصہ دراز سے ویران پڑی سرکاری ہاؤسنگ اسکیموں کی زمین کو کارآمد بنا کر مستحق خاندانوں کو پلاٹس کی صورت میں دیا جا رہا ہے تاکہ وہ باعزت طریقے سے اپنے گھروں کی تعمیر کر سکیں۔
.
ذریعہ
ذریعہ: Daily Mumtaz
پڑھیں:
سونے کی قیمت میں اضافہ، فی تولہ سونا 4 لاکھ 33 ہزار 836 روپے ہوگیا
کراچی: پاکستان میں سونے کی قیمت میں اضافہ مسلسل دوسرے روز بھی جاری رہا، جس کے بعد مقامی صرافہ بازاروں میں فی تولہ سونا 4 ہزار 600 روپے مہنگا ہو گیا۔
آل پاکستان صرافہ جیمز اینڈ جیولرز ایسوسی ایشن کے مطابق اضافے کے بعد 24 قیراط فی تولہ سونے کی نئی قیمت 4 لاکھ 33 ہزار 836 روپے مقرر کی گئی ہے۔
ایسوسی ایشن کے مطابق 10 گرام سونے کی قیمت میں بھی 3 ہزار 944 روپے کا اضافہ ریکارڈ کیا گیا، جس کے بعد نئی قیمت 3 لاکھ 71 ہزار 944 روپے ہو گئی۔
دوسری جانب چاندی کی قیمت میں بھی معمولی اضافہ دیکھا گیا۔ فی تولہ چاندی 7 روپے اضافے کے بعد 6 ہزار 403 روپے جبکہ 10 گرام چاندی 6 روپے مہنگی ہو کر 5 ہزار 489 روپے کی سطح پر پہنچ گئی۔
یاد رہے کہ گزشتہ روز بھی سونے کی قیمت میں نمایاں اضافہ ہوا تھا، جب فی تولہ سونا 4 ہزار 700 روپے مہنگا ہو کر 4 لاکھ 29 ہزار 236 روپے تک پہنچ گیا تھا، جبکہ 10 گرام سونے کی قیمت 4 ہزار 29 روپے اضافے کے بعد 3 لاکھ 68 ہزار روپے ہوگئی تھی۔
عالمی مارکیٹ میں بھی قیمتی دھاتوں کے نرخ بڑھنے کا رجحان برقرار ہے۔ بین الاقوامی مارکیٹ میں فی اونس سونے کی قیمت 46 ڈالر اضافے کے بعد 4 ہزار 114 ڈالر ریکارڈ کی گئی، جبکہ چاندی کی عالمی قیمت 0.07 ڈالر اضافے سے 59.24 ڈالر فی اونس تک پہنچ گئی۔
ماہرین کا کہنا ہے کہ عالمی منڈی میں سونے کی قیمتوں میں اضافے، امریکی ڈالر کی نقل و حرکت، شرح سود اور جغرافیائی کشیدگی جیسے عوامل مقامی مارکیٹ پر بھی براہِ راست اثر انداز ہوتے ہیں، جس کے باعث پاکستان میں سونے کی قیمتوں میں مسلسل اتار چڑھاؤ دیکھا جا رہا ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار