تھانہ اقبال مارکیٹ کی سرپرستی میں منشیات و گٹکا ماوا کی فروخت جاری
اشاعت کی تاریخ: 18th, February 2026 GMT
ایس ایچ او شہباز یوسف، بیٹر پولیس کانسٹیبل ممتاز علی نے علاقہ جرائم پیشہ افراد سے ہاتھ ملا لیا
یاسین درانی، ثاقب، احسان ذیشان، روشو، کاشف اور ہیرا کو کانسٹیبل ممتاز علی نے مؤکل فراہم کردیں
(رپورٹ؍ ایم جے کے)ضلع ویسٹ’ اورنگی ٹاؤن تھانہ اقبال مارکیٹ کی سرپرستی میں منشیات و گٹکا ماوا کی فروخت جاری، ایس ایچ او شہباز یوسف اور بیٹر پولیس کانسٹیبل ممتاز علی نے علاقہ جرائم پیشہ افراد سے ہاتھ ملا لیا، یاسین پٹھان عرف یاسین درانی، احسان ذیشان، ثاقب، روشو، کاشف اور ہیرا کو پولیس کانسٹیبل ممتاز علی نے مؤکل فراہم کر دیں۔ علاقہ ذرائع کے مطابق منشیات و گٹکا ماوا فروشی سمیت متعدد جرائم میں ملوث عناصر کے خلاف زیرو ٹالرنس پالیسی نظر انداز کرتے ہوئے تھانہ اقبال مارکیٹ میں تعینات ایس ایچ او شہباز یوسف اور پولیس کانسٹیبل 13725 ممتاز علی نے علاقے میں جرائم پیشہ افراد سے ہفتہ 16 لاکھ کے عوض ہاتھ ملا لیا جبکہ کچھ ماہ قبل ایس ایس پی ویسٹ طارق الٰہی مستوئی نے متعدد جرائم کی سہولت کاری میں ملوث ضلع ویسٹ میں تعینات 11 کالی بھیڑوں کو مُعطل کیا تھا پر ایس ایچ او اقبال مارکیٹ شہباز یوسف کی فرمائش پر کماؤ پوت بیٹر پولیس کانسٹیبل 13725 ممتاز علی کو بحال کر کے ایک مرتبہ پھر تھانہ اقبال مارکیٹ میں بیٹر کے طور پر تعینات کر دیا گیا جہاں اس نے کرمنل ریکارڈ یافتہ مشہور گٹکا ماوا ڈیلر یاسین پٹھان عرف یاسین درانی، احسان ذیشان، ثاقب، روشو، کاشف اور ہیرا کو مؤکل فراہم کر دی، منصور نگر کٹ ہوٹل والی گلی میں کاشف دھڑلے سے گٹکا ماوا منشیات فروشی کا کاروبار کر رہا، منصور نگر مارکیٹ کے سامنے سیاسی دفتر اور جانوروں کے باڑے کی آڑ میں ہیرا گٹکا ماوا چلانے میں سرگرم، منصور نگر کیفے تسکین کے اطراف چند پولیس اہکاروں نے بھی گٹکا ماوا فروخت کرنے کے لیے کیبن لگا لیے ہیں، فٹبال چورنگی کے سامنے تھانہ اقبال مارکیٹ منشی کاشف کا چھوٹا بھائی ثاقب نے بھی بیٹر ممتاز علی سے مؤکل حاصل کر لی، یاسین پٹھان عرف یاسین درانی نے گٹکا ماوا کے 5 کیبن کی مؤکل ڈھائی لاکھ روپے میں حاصل کر لی، بیٹر پولیس کانسٹبل 13725 ممتاز علی فی کیبن 35 سے 40 ہزار فکس کر رکھا ہے، انٹیلیجنس ذرائع کے مطابق ایس ایچ او سب انسپکٹر شہباز یوسف کا دست راز بیٹر پولیس کانسٹبل 13725 ممتاز علی نے 40 ہزار مؤکل والی کیبن کو میڈیا پیکچ دے دیا جبکہ 35 ہزار ہفتہ والے کیبن خود میڈیا رپورٹر کے معاملات دیکھے گے، انتظامیہ کی گٹھ جوڑ نے تھانہ اقبال مارکیٹ سے چھالیہ اسمگلروں منشیات فروشوں اور گٹکا ماوا ڈیلروں کو کُھلی چھوٹ دے دی، ایس ایچ او اقبال مارکیٹ کا چھیتا بیٹر پولیس کانسٹبل 13725 ممتاز علی کا کہنا ہے کہ ہم اپنے افسران بالا کے دفاتر میں لفافے پہنچاتے ہیں تھانہ اقبال مارکیٹ کی حدود میں ماوا گٹکا سسٹم کے ساتھ چلایا جارہا جسے خبریں چلانی ہے چلاؤ ہمیں کوئی فرق نہیں پڑتا اوپر سے جب کال آئے گی تو 2 کیبنوں میں بیٹھے مزدوروں کو اٹھا کر ایف آئی آر درج کر دیں گے اور "اوکے” کی رپورٹ بالا افسران کو دے دیں گے، علاقہ مکین نے سندھ رینجرز آئی جی سندھ، ایڈیشنل آئی جی کراچی، ڈی آئی جی ویسٹ زون، ایس ایس پی ویسٹ سے مطالبہ کیا ہے کہ تھانہ اقبال مارکیٹ کی حدود میں مشہور بدنام زمانہ منشیات و گٹکا ماوا ڈیلر یاسین پٹھان عرف یاسین درانی، احسان زیشان، ثاقب، روشو، کاشف اور ہیرا کے خلاف قانونی کارروائی کا آغاز کیا جائے اور ان جرائم پیشہ گروہوں کا اعلیٰ سہولت کار ایس ایچ او شہباز یوسف اور اس کا خاص بیٹر پولیس کانسٹبل 13725 ممتاز علی کے خلاف فی الفور محکمہ کارروائی عمل میں لائی جائے۔
.
ذریعہ
ذریعہ: Juraat
کلیدی لفظ: یاسین پٹھان عرف یاسین درانی تھانہ اقبال مارکیٹ کی کانسٹیبل ممتاز علی نے ایس ایچ او شہباز یوسف منشیات و گٹکا ماوا پولیس کانسٹیبل کاشف اور ہیرا جرائم پیشہ
پڑھیں:
نرس نے نومولود بچی کے ہاتھ کا انگوٹھا کاٹ دیا، والد نے پولیس میں درخواست دے دی
راولپنڈی:ہولی فیملی ہسپتال راولپنڈی کی گائنی وارڈ کی نرسری میں زیرِ علاج 23 روزہ نومولود بچی کے دائیں ہاتھ کا انگوٹھا پراسرار طور پر کٹ جانے کا انکشاف سامنے آیا ہے، جبکہ متاثرہ بچی کے والد نے واقعے پر پولیس کو درخواست دے دی ہے۔
متاثرہ بچی کے والد قیصر محمود نے بتایا کہ وہ ضلع اٹک کے رہائشی اور پیشے کے لحاظ سے کارپینٹر ہیں۔ ان کے مطابق ان کی بیٹی کی پیدائش ہولی فیملی ہسپتال میں ہوئی تھی اور پیدائش کے بعد سے بچی کو نرسری میں رکھا گیا ہے۔
والد کا کہنا ہے کہ جب وہ آج اپنی 23 روزہ بیٹی سے ملنے ہسپتال پہنچے تو دیکھا کہ اس کے دائیں ہاتھ کا انگوٹھا کٹا ہوا تھا۔ انہوں نے فوری طور پر ڈاکٹروں سے اس بارے میں استفسار کیا۔
قیصر محمود کے مطابق ڈاکٹرز نے انہیں بتایا کہ انگوٹھا نرس سے غلطی سے کٹ گیا۔ تاہم ان کے بقول ہسپتال انتظامیہ نے صرف انکوائری کی یقین دہانی کرائی نہ واقعے کی وجہ واضح کی گئی اور نہ ہی اب تک کسی ذمہ دار کے خلاف کارروائی کی گئی۔
متاثرہ والد نے انصاف کے لیے پولیس کو درخواست دے دی ہے۔ پولیس کا کہنا ہے کہ درخواست موصول ہونے کے بعد ابتدائی چھان بین مکمل کر لی گئی ہے اور قانون کے مطابق کارروائی کا آغاز کر دیا گیا ہے۔
دوسری جانب اس سنگین واقعے پر ہولی فیملی ہسپتال کی انتظامیہ کی جانب سے تاحال کوئی باضابطہ مؤقف سامنے نہیں آیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا