اصغریہ آرگنائزیشن کا سالانہ مرکزی کنونشن، سینگار علی و دعاءِ سیدہ مہر مرکزی صدور منتخب، ویڈیو
اشاعت کی تاریخ: 18th, February 2026 GMT
اسلام ٹائمز: تین روزہ مرکزی کنونشن کے دوران شبِ شہداء، تنظیمی کارکردگی رپورٹس، تنظیمی کارکنان کی فکری رہنمائی اور قابلیت میں اضافے کی خاطر اجتماعی مباحثہ، موضوعاتی دروس سمیت مختلف تنظیمی، علمی اور فکری پروگرامز منعقد کیے گئے۔ متعلقہ فائیلیںرپورٹ: سید ظفر جعفری
اصغریہ آرگنائزیشن پاکستان اور اصغریہ آرگنائزیشن پاکستان خواتین کا 38واں سالانہ مرکزی کنونشن و یومِ امام حسین علیہ السلام سیہون شریف میں منعقد کیا گیا، جس میں سندھ بھر سے کارکنان و عہدیداران سمیت سابقین اصغریہ نے بھرپور شرکت کی۔ تین روزہ مرکزی کنونشن کے دوران شبِ شہداء، تنظیمی کارکردگی رپورٹس، تنظیمی کارکنان کی فکری رہنمائی اور قابلیت میں اضافے کی خاطر اجتماعی مباحثہ، موضوعاتی دروس سمیت مختلف تنظیمی، علمی اور فکری پروگرامز منعقد کیے گئے۔
مرکزی کنونشن کے آخری روز مولانا حیدر علی جوادی کی صدارت میں جلسہ عام بعنوان یومِ امام حسین علیہ السلام کا انعقاد کیا گیا، جس میں مقررین نے سید الشہداء امام حسین علیہ السّلام کی سیرت، شجاعت، علم اور مزاحمت کے پہلوؤں پر گفتگو کی۔ اس دوران عہدیداران و کارکنان کو تنظیمی خدمات پر حسنِ کارکردگی ایوارڈز پیش کئے گئے۔ بعد ازاں اصغریہ آرگنائزیشن اور اصغریہ خواتین کے موجودہ مرکزی صدور نے الوداعی خطاب کئے اور اپنی کابینہ سمیت استعفیٰ کا اعلان کیا، جس کے بعد نئے مرکزی صدر کے ناموں کا اعلان کیا۔
اکثریت رائے سے سینگار علی حسینی اصغریہ آرگنائزیشن پاکستان کے نئے میر کاروان اور دعاءِ سیدہ مہر اصغریہ آرگنائزیشن پاکستان خواتین کی نئی مرکزی صدر منتخب ہوئیں، جنہوں نے عہدے کا حلف اٹھایا۔ شرکاء کنونشن نے پُرجوش نعروں اور مکمل اعتماد کے اظہار کے ساتھ نئے مرکزی صدور کا خیر مقدم کیا اور مشنِ اصغریہ کی جدوجہد کو مزید فعال بنانے کے عزم کا اعادہ کیا۔ کنونشن کے اختتام پر ملک و ملت کی سلامتی، شہداء ترلائی سمیت تمام شہدائے ملتِ اسلامیہ کے درجات کی بلندی اور تحریکِ اصغریہ کے استحکام و ترقی کیلئے خصوصی دعا کی گئی۔
ذریعہ
ذریعہ: Islam Times
کلیدی لفظ: اصغریہ آرگنائزیشن کنونشن کے
پڑھیں:
سوات: گھر کی چھت اور ہوٹل کا کمرہ گرنے سے بچیوں سمیت 3 افراد جاں بحق
سوات (ڈیلی پاکستان آن لائن) سوات کے مختلف علاقوں میں چھتیں منہدم ہونے کے دو الگ الگ واقعات میں بچیوں سمیت 3 افراد جاں بحق جبکہ 3 زخمی ہوگئے۔
نجی ٹی وی چینل ایکسپریس نیوز کے مطابق چارباغ کے علاقے گنڈھیرئی میں ایک گھر کی چھت اچانک گر گئی، جس کے نتیجے میں 8 سالہ شیما اور 6 سالہ مناہل جاں بحق ہوگئیں، جبکہ حورین اور ان کی والدہ زخمی ہوئیں۔
واقعے کی اطلاع ملتے ہی ریسکیو 1122 سوات کی ڈیزاسٹر ریسپانس اور میڈیکل ٹیمیں موقع پر پہنچ گئیں۔
مقامی افراد نے ملبے تلے دبے چار افراد کو نکال لیا تھا، جنہیں ریسکیو اہلکاروں نے طبی امداد فراہم کی۔ زخمیوں کو مزید علاج کے لیے تحصیل ہیڈکوارٹر اسپتال منگلور منتقل کر دیا گیا جبکہ جاں بحق بچیوں کی لاشیں بھی اسپتال منتقل کر دی گئیں۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
دوسری جانب کالام کے علاقے بلوگا میں ایک کچے ہوٹل کے کمرے کی چھت گرنے سے 32 سالہ وقاص جاں بحق جبکہ دو افراد زخمی ہوگئے۔ جاں بحق ہونے والے شخص کا تعلق ملاکنڈ سے بتایا جاتا ہے۔
ریسکیو 1122 کی ٹیمیں فوری طور پر موقع پر پہنچیں اور زخمیوں کو ابتدائی طبی امداد فراہم کرنے کے بعد تحصیل ہیڈکوارٹر اسپتال کالام منتقل کر دیا۔
ریسکیو حکام کے مطابق دونوں واقعات کی مزید تحقیقات جاری ہیں۔
اس سے قبل، شانگلہ کے علاقے کوزہ الپوری، رحیم آباد میں ایک گھر میں کمرے کی چھت گرنے سے 6 بچے جاں بحق جبکہ ایک بچی زخمی ہوگئی تھی۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے