جان لیوا ٹریفک حادثے میں ملوث جج کے بیٹے کی معافی، تحقیقات کے لیے درخواست دائر
اشاعت کی تاریخ: 19th, February 2026 GMT
اسلام آباد ہائیکورٹ میں دائر ایک درخواست میں مؤقف اختیار کیا ہے کہ 2 دسمبر 2025 کو پیش آنے والے جان لیوا ٹریفک حادثے میں ملوث جج کے بیٹے کو فراہم کی گئی معافی بیرونی دباؤ اور سرکاری اداروں کی بے عملی کا نتیجہ تھی۔
معروف وکیل کرنل (ریٹائرڈ) انعام الرحیم خواجہ کی جانب سے دائر اس درخواست میں عدالت سے استدعا کی گئی ہے کہ وزارتِ داخلہ، آئی جی اسلام آباد، وزارتِ خزانہ، ایف بی آر، ڈی جی ایکسائز اینڈ ٹیکسیشن، ایس ایچ او تھانہ سیکرٹیریٹ اور علاقہ مجسٹریٹ سے جواب طلب کیا جائے کہ حادثے میں قانونی عمل کو کس طرح روکا گیا اور ملزم کو کس طرح سہولت دی گئی۔
یہ بھی پڑھیں:
درخواست گزار نے بتایا کہ حادثے میں کم عمر ڈرائیور نے نان کسٹم پیڈ گاڑی تیز رفتاری اور جعلی نمبر پلیٹ کے ساتھ چلاتے ہوئے 2 لڑکیوں کو ٹکر مار کر ہلاک کر دیا، تاہم متاثرین کو فوری طبی امداد فراہم نہیں کی گئی اور ایف آئی آر درج ہونے کے باوجود ملزم کو مشکوک انداز میں ضمانت اور نامکمل راضی نامہ حاصل کیا گیا۔
درخواست گزار کا کہنا ہے کہ ٹکر مارنے والی گاڑی کی رجسٹریشن کے حوالے سے انہون نے بذریعہ رجسٹرڈ ڈاک کلکٹر کسٹمز، ڈائریکٹر جنرل ایکسائز اینڈ ٹیکسیشن اور ڈائریکٹر ایکسائز اینڈ ٹیکسیشن کو تحریری درخواستیں اور شکایات جمع کروائیں۔
مزید پڑھیں:
تاہم مذکورہ درخواست میں قابلِ دست اندازیِ پولیس جرائم اور قانون کی سنگین خلاف ورزیوں کی نشاندہی کے باوجود کوئی کارروائی عمل میں نہیں لائی گئی۔
درخواست میں استدعا کی گئی ہے کہ کلکٹر کسٹمز، ڈائریکٹر جنرل ایکسائز اینڈ ٹیکسیشن اور ڈائریکٹر ایکسائز اینڈ ٹیکسیشن کو ہدایات جاری کی جائیں کہ قانونی پر عمل درآمد کرتے ہوئے بغیر کسی بیرونی دباؤ کے اپنی عمل درآمد رپورٹ پیش کریں۔
مزید پڑھیں:
وکیل نے مؤقف اپنایا کہ نامزد فریقین کی بے عملی اور امتیازی طرز عمل آئینی حقوق کی خلاف ورزی ہے اور عوامی اعتماد کو مجروح کرتی ہے۔
درخواست میں یہ بھی واضح کیا گیا کہ قانون کے مطابق سب برابر ہیں، اور کسی بھی شخص کو عدالتی اور قانونی عمل سے بالاتر حیثیت حاصل نہیں۔
عدالت سے استدعا کی گئی ہے کہ مقدمے کی شفاف تحقیقات کے ذریعے انصاف یقینی بنایا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد ہائیکورٹ انعام الرحیم ٹکر جان لیوا جج.
ذریعہ
ذریعہ: WE News
کلیدی لفظ: اسلام ا باد ہائیکورٹ انعام الرحیم ٹکر جان لیوا ایکسائز اینڈ ٹیکسیشن درخواست میں کی گئی
پڑھیں:
وفاقی کابینہ کا جعلی دواؤں کے خاتمے کیلئے ٹریک اینڈ ٹریس سسٹم کے نفاذ کی منظوری
اسلام آباد (ڈیلی پاکستان آن لائن) ملک بھر میں جعلی دواؤں کا خاتمہ یقینی بنانےکے لیے وفاقی کابینہ نے دواؤں کے ٹریک اینڈ ٹریس سسٹم کے نفاذ کی باضابطہ منظوری دیدی۔
نجی ٹی وی چینل جیو نیوز کے مطابق وفاقی وزیر صحت مصطفیٰ کمال نے اس حوالے سے کہا کہ ڈرگ لیبلنگ اینڈ پیکنگ رولز 1978 میں ضروری ترامیم کی منظوری دے دی گئی ہے، یہ فیصلہ پاکستان میں جعلی دواؤں کے خاتمے کی جانب ایک بڑا اور تاریخی قدم ہے۔
انہوں نے کہا کہ پہلی بار ہر دوا کو ڈیجیٹل طریقے سے ٹریک اور ویریفائی کیا جا سکے گا، اس نظام کے تحت جعلی، غیرمعیاری اور نقلی دواؤں کی نشاندہی اور ان کا خاتمہ ممکن ہوگا، نظام کے نفاذ سے عام صارف بآسانی دوا کی میعاد اور قیمت کی مستند معلومات لے سکےگا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
وفاقی وزیر نے کہا کہ ڈرگ ریگولیٹری اتھارٹی آف پاکستان اس جدید نظام کو ملک بھر میں نافذ کرے گی، نئے قواعد کے تحت تمام دوا ساز کمپنیوں اور درآمد کنندگان کے لیے لازم ہوگا کہ وہ ہر دوا کے پیک پر معیاری ٹو ڈی بارکوڈ اور سیریلائزیشن ڈیٹا درج کریں، یہ اہم فیصلہ دواوں کی سپلائی چین کو محفوظ اور معیاری بنانے کیلئے کیا ہے۔
مصطفیٰ کمال کا کہنا تھا پاکستان میں دواؤں کے نظام کو جدید خطوط پر استوار کیا جا رہا ہے، ٹریک اینڈ ٹریس سسٹم کے نفاذ سے جعلی دواؤں کے خلاف مضبوط اور مؤثر دیوار قائم ہوگی، پاکستان خطے میں جدید ٹیکنالوجی اپنانے والا نمایاں ملک بن کر سامنے آئے گا، اس نظام کے ذریعے نگرانی کے روایتی طریقوں کی جگہ جدید ڈیجیٹل نظام لے گا۔
پنجاب میں آندھی اور طوفان سے تباہی ، ایک شہری جاں بحق، 46 گھر متاثر
مزید :
وزارت آئی ٹی نے 1.67 ارب روپے سے زاید کے فنڈز طلب کرلیے