امریکا اور چین کے لڑاکا طیارے جنوبی کوریا کے قریب آمنے سامنے
اشاعت کی تاریخ: 20th, February 2026 GMT
رپورٹ کے مطابق امریکی فوج کے تقریباً 10 ایف-16 لڑاکا طیارے یو ایس فورسز کوریا کے تحت اوسان ایئر بیس سے پرواز کر کے بین الاقوامی فضائی حدود میں داخل ہوئے۔ یہ اڈہ دارالحکومت سیول سے تقریباً 60 کلومیٹر جنوب میں واقع ہے۔ طیاروں نے بحیرۂ زرد کے اوپر اس علاقے میں پرواز کی جو جنوبی کوریا اور چین کے فضائی دفاعی شناختی زون کے درمیان واقع ہے۔
یہ بھی پڑھیں: امریکا کے ساتھ تصادم خطے میں ناقابل برداشت تباہی لا سکتا ہے، چینی وزیر دفاع
رپورٹ کے مطابق جیسے ہی امریکی طیارے چین کے ساحل کے قریب پہنچے تو چین نے بھی فوری طور پر اپنے لڑاکا طیارے روانہ کر دیے۔ دونوں ممالک کے طیارے مختصر وقت کے لیے ایک دوسرے کے سامنے رہے، تاہم کسی قسم کی خلاف ورزی یا جھڑپ پیش نہیں آئی۔
یہ خبر سب سے پہلے کوریا ہیرالڈ نے متعدد ذرائع کے حوالے سے دی، جس میں کہا گیا کہ اس مشن میں امریکی طیاروں کی غیر معمولی تعداد شامل تھی، جس کا مقصد چین کو طاقت کا پیغام دینا ہو سکتا ہے۔
دوسری جانب یونہاپ نیوز ایجنسی کے مطابق امریکا نے اس مشن کے بارے میں جنوبی کوریا کو پہلے سے آگاہ کر دیا تھا۔ جبکہ چینی اخبار گلوبل ٹائمز نے تصدیق کی کہ چینی فوج نے سمندری اور فضائی نگرانی کے ذریعے صورتحال کا مؤثر جواب دیا۔
یہ بھی پڑھیں: امریکا نے چینی دباؤ سے نکلنے کے لیے میانمار کی نایاب معدنیات پر نظریں گاڑھ لیں
یہ واقعہ ایسے وقت میں سامنے آیا ہے جب امریکا نے حال ہی میں اپنی نئی دفاعی حکمت عملی جاری کی ہے، جس میں جنوبی کوریا کو شمالی کوریا کے خلاف دفاع میں مرکزی کردار دینے اور امریکی فوج کی توجہ چین کی جانب منتقل کرنے کا عندیہ دیا گیا ہے۔
امریکا اور چین کے درمیان کشیدگی بدستور برقرار ہے، خاص طور پر تائیوان کے معاملے پر، جسے چین اپنا حصہ قرار دیتا ہے اور اس پر کنٹرول حاصل کرنے کے لیے طاقت کے استعمال کو بھی خارج از امکان قرار نہیں دیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news yellow sea امریکا آمنے سامنے چین کشیدگی لڑاکا طیارے.
ذریعہ
ذریعہ: WE News
کلیدی لفظ: امریکا چین کشیدگی لڑاکا طیارے جنوبی کوریا لڑاکا طیارے چین کے کے لیے
پڑھیں:
پاسداران انقلاب کی برطانیہ کو امریکا کی مدد پر فوجی بیسز نشانہ بنانے کی دھمکی
ایرانی پاسداران انقلاب نے برطانیہ کو دھکمی دی ہے کہ اگر ایران پر امریکا اور اسرائیل کے حملوں میں ملوث ہوئے تو جارحیت کے استعمال ہونے والے کسی بھی بیس پر ہمارے حملے جائز ہوں گے اور برطانیہ کو اپنے ماضی کو مزید خراب نہ کرے۔
ایرانی میڈیا کی رپورٹ کے مطابق پاسداران انقلاب نے بیان میں کہا کہ برطانیہ نے ایران پر حالیہ امریکا اور اسرائیل کے حملوں میں بڑا کردار ادا کیا ہے لہٰذا ہم برطانوی حکومت جو ہمارے خطے کے لوگوں کی تقدیر خراب کرنے کی بنیادی وجہ ہے، کو تنبیہ کر رہے ہیں کہ وہ اپنے ماضی پر مزید بوجھ مت ڈالیں۔
پاسداران انقلاب نے کہا کہ امریکی بحری فورسز بحیریہ ہند میں فعال ہے مگر ان کے کروز میزائل کا ذخیرہ ختم ہوگیا ہے اور اسی لیے وہ انگلینڈ آر اے ایف فیئرفورڈ سے بی ون بمبار استعمال کرنا شروع کردیا ہے۔
بیان میں کہا گیا کہ حملہ آور امریکی فوج جنگ کے آغاز کے بعد بحر ہند میں موجود اپنے بحری جہازوں سے کروز میزائل داغنے پر انحصار کر رہی تھی مگر ان جہازوں کے میزائلوں کا ذخیرہ ختم ہونے کے بعد کل برطانیہ کے فیرفورڈ فضائی اڈے سے پرواز کرنے والے بی ون طیاروں کے استعمال پر مجبور ہو گئی ہے۔
پاسداران انقلاب نے زور دیتے ہوئے کہا کہ جیسا کہ وزارت خارجہ کے عہدیداروں نے بھی واضح کیا ہے کہ ایرانی سرزمین کے خلاف استعمال ہونے والا کوئی بھی بیس ہمارے لیے نشانہ بنانے کے جائز ہدف ہوگا۔
مزید کہا گیا کہ برطانیہ کا اسلامی ممالک کی تقسیم، ان ممالک میں بڑے پیمانے پر قتل عام، آمرانہ حکومتوں کے قیام اور سب سے بڑھ کر فلسطین پر قبضے کو منظم کرنے اور اس کی سرپرستی کرتے ہوئے اسرائیل کے قیام جیسے سانحے کو جنم دینے کا ایک سیاہ ریکارڈ ہے۔
خیال رہے کہ پاسداران انقلاب کی جانب سے برطانیہ کو دھمکی ایک ایسے وقت میں دی گئی ہے جب ایران اور امریکا کے درمیان لڑائی اپنے عروج پر ہے دونوں اطراف سے ایک دوسرے کی تنصیبات پر حملے کیے جا رہے ہیں۔
برطانیہ پہلے ہی نئے قانون کے تحت پاسداران انقلاب کو قومی سلامتی کے لیے خطرہ قرار دے چکا ہے جبکہ ایران نے اس اقدام کو جارحانہ قرار دیتے ہوئے جواب میں اسی طرح کا اقدام کرنے کا عزم ظاہر کر دیا ہے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا