بے روزگاری سے تنگ نوجوان نے جیل جانے کے لیے بم کی جھوٹی دھمکی دے دی
اشاعت کی تاریخ: 20th, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
ماسکو: روس میں معاشی مشکلات اور بے روزگاری کے دباؤ نے ایک نوجوان کو ایسا قدم اٹھانے پر مجبور کر دیا جس نے سب کو حیران کر دیا۔
غیر ملکی میڈیا رپورٹس کے مطابق بشکورتستان کے علاقے سے تعلق رکھنے والے 20 سالہ نوجوان نے صرف رہائش اور خوراک کی بنیادی سہولت حاصل کرنے کے لیے خود کو گرفتار کروانے کی غرض سے بم کی جھوٹی اطلاع دی، جس پر عدالت نے اسے تین سال دو ماہ قید کی سزا سنا دی۔
روسی میڈیا رپورٹس کے مطابق نوجوان نے ہائی اسکول سے تعلیم مکمل کرنے کے بعد فوج میں خدمات انجام دیں، ملازمت کے حصول کے لیے متعدد کوششوں کے باوجود اسے کامیابی نہ مل سکی۔ حال ہی میں وہ روزگار کی تلاش میں اوفا شہر پہنچا جہاں تین دن تک نوکری کی تلاش کے باوجود اسے کوئی موقع نہ ملا۔ مالی مشکلات اس قدر بڑھ گئیں کہ اس کے پاس نہ رہنے کی جگہ رہی اور نہ ہی کھانے کے لیے پیسے۔
رپورٹس کے مطابق نوجوان نے صورتحال سے نکلنے کے لیے ایک غیرمعمولی منصوبہ بنایا۔ پہلے اس نے ایک ہوٹل میں جا کر عملے کو دھمکی دی کہ اس کے بیگ میں بم ہے اور وہ عمارت کو اڑا دے گا، ہوٹل انتظامیہ نے اس دھمکی کو سنجیدہ نہیں لیا۔ اس کے بعد وہ وہاں سے نکل کر ایئرپورٹ پہنچ گیا اور ٹرمینل کے درمیان کھڑے ہو کر چیخنے لگا کہ اس کے پاس بم موجود ہے۔
ایئرپورٹ سیکیورٹی اہلکاروں نے فوری کارروائی کرتے ہوئے اسے قابو کر لیا۔ تلاشی کے دوران اس کے بیگ سے کوئی دھماکا خیز مواد یا مشکوک آلہ برآمد نہ ہوا۔ پوچھ گچھ میں نوجوان نے اعتراف کیا کہ اس نے دانستہ طور پر ایسا کیا تاکہ اسے گرفتار کر لیا جائے اور جیل میں کم از کم رہائش اور کھانے کی سہولت میسر آ سکے۔
حکام کے مطابق نفسیاتی معائنے میں وہ ذہنی طور پر مکمل صحت مند پایا گیا، جس کے بعد عدالت نے اسے جھوٹی دہشت گردی کی اطلاع دینے کے جرم میں سزا سنائی۔
ذریعہ
ذریعہ: Jasarat News
کلیدی لفظ: نوجوان نے کے مطابق کے لیے
پڑھیں:
سٹیٹ بینک کے زرمبادلہ ذخائر میں 3 کروڑ 30 لاکھ ڈالر کا اضافہ
سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ اسلام ٹائمز۔ گزشتہ ہفتے کے دوران زرمبادلہ کے ذخائر میں 3 کروڑ 30 لاکھ ڈالر کا اضافہ ریکارڈ کیا گیا۔ سٹیٹ بینک کی جانب سے جاری اعداد و شمار کے مطابق سٹیٹ بینک کے پاس موجود ذخائر 17 ارب 25 کروڑ 80 لاکھ ڈالر تک پہنچ گئے جبکہ ملک کے مجموعی زرمبادلہ ذخائر 60 لاکھ ڈالر کم ہو کر 22 ارب 66 کروڑ ڈالر کی سطح پر آ گئے ہیں۔ مرکزی بینک کے مطابق کمرشل بینکوں کے زرمبادلہ ذخائر میں 3 کروڑ 80 لاکھ ڈالر کی کمی ہوئی، جس کے بعد ان کے ذخائر 5 ارب 41 کروڑ ڈالر رہ گئے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار