گداگروں کی بڑھتی تعداد پر پولیس کا ایکشن ، 100سے زائد گرفتار
اشاعت کی تاریخ: 23rd, February 2026 GMT
data-id="863a0a8" data-element_type="widget" data-e-type="widget" data-widget_type="theme-post-content.default">
حیدرآباد(اسٹاف رپورٹر)وزیرداخلہ سندھ ضیاء الحسن لنجارکے احکامات پر رمضان المبارک میں شہریوں کی جانب سے گداگروں کی بڑھتی تعداد کی شکایات پر ایکشن ایس ایس پی حیدرآباد شاہزیب چاچڑ اور ڈپٹی کمشنر حیدرآباد زین العابدین میمن کی خصوصی ہدایات پر ڈسٹرکٹ پولیس اور ضلعی انتظامیہ کا پیشہ ور گداگروں کے خلاف سخت ایکشن، 100 سے زائد گداگر گرفتار*حیدرآباد میں پولیس نے پیشہ ور گداگروں کے خلاف بڑے پیمانے پر کریک ڈاؤن کرتے ہوئے 100 سے زائد افراد کو گرفتار کرلیا پولیس کارروائیاں انچارج وومین اینڈ چائلڈ فیسیلیٹیشن سیل ماریہ ساریو کی قیادت میں مختلف علاقوں میں عمل میں لائی گئی جن میں لطیف آباد، آٹو بھان روڈ اور قاسم چوک سمیت شہر کے مختلف علاقوں بازاروں، شاہراہِوں، مارٹس و مالز کے اطراف سے کارروائیوں میں 100 سے زائد پیشہ ور گداگروں کو پولیس تحویل میں لیا گیا گرفتار افراد میں مرد، خواتین، بچے اور خواجہ سرا افراد کی بڑی تعداد شامل ہے ایسں ایس پی حیدرآباد کی ہدایت پر جاری کارروائی کے دوران انچارج وومین اینڈ چائلڈ فیسیلیٹیشن سیل کا کہنا ہے کہ پیشہ ور گداگروں کے خلاف آپریشن کا مقصد شہریوں کو ہراسانی/پریشانی سے بچانا ہے۔ انہوں نے بتایا کہ شہریوں کی شکایات پر مختلف مقامات پر کارروائیوں کا عمل جاری ہے، اس سے قبل بھی پیشہ ور گداگروں کو حراست میں لے کر سمجھایا گیا، تاہم وہ شہریوں سے زبردستی بھیک مانگنے سے باز نہیں آئے، جس کے بعد اب ان کے خلاف باقاعدہ مقدمات درج کیے جا رہے ہیں۔حیدرآباد پولیس اور ضلعی انتظامیہ کی جانب سے پیشہ ور گداگروں کے خلاف آپریشن کا سلسلہ آئندہ بھی جاری رہے گا
ذریعہ
ذریعہ: Jasarat News
کلیدی لفظ: پیشہ ور گداگروں کے خلاف
پڑھیں:
سندھ کی جیلوں میں گنجائش سے زائد قیدی موجود
فائل فوٹوسندھ کی تمام جیلوں میں گنجائش سے زیادہ قیدی ہونے کا انکشاف ہوا ہے۔ صوبائی جیلوں میں 14 ہزار قیدیوں کی گنجائش ہے لیکن 27 ہزار قیدی موجود ہیں۔
دستاویز کے مطابق کراچی کی سینٹرل جیل میں بھی قیدیوں کی تعداد بلند ترین سطح پر پہنچ گئی، جہاں گنجائش 2400 قیدیوں کی ہے مگر 8 ہزار قیدی رہ رہے ہیں۔
اسی طرح ملیر جیل کی گنجائش 2200 قیدیوں کی ہے لیکن وہاں ساڑھے 5 ہزار قیدی موجود ہیں۔
جیو نیوز کو حاصل دستاویز کے مطابق صوبہ سندھ میں 23 جیلیں ہیں، جو نہ صرف بھری ہوئی ہیں بلکہ اب اوور پاپولیٹڈ ہوگئی ہیں۔
حیدرآباد سینٹرل جیل میں قیدیوں کی گنجائش ڈیڑھ ہزار کی ہے، جہاں 3 ہزار افراد قید کاٹ رہے ہیں۔
لاڑکانہ سینٹرل جیل ساڑھے 6 سو افراد کے لیے بنائی گئی لیکن یہاں 1 ہزار افراد قید ہیں، ٹھٹھہ کی جیل ڈھائی سو افراد کے لیے ڈیزائن کی گئی لیکن قیدی ساڑھے 9 سو ہیں۔
صوبے میں خواتین کی 3 جیلیں کراچی، حیدرآباد اور سکھر میں قائم ہیں، جہاں موجود خواتین قیدیوں کی تعداد 438 تک پہنچ چکی ہے جبکہ ان میں سے صرف 68 خواتین سزا یافتہ ہیں۔
صوبے بھر کی جیلوں میں 27 ہزار قیدیوں میں سب سے زیادہ 22 ہزار 600 ایسے قیدی ہیں، جن کے کیسز عدالتوں میں زیر سماعت ہیں جبکہ سزا یافتہ قیدیوں کی تعداد محض ساڑھے 3 ہزار ہے۔
جیلوں میں سزائے موت کے 459 افراد بھی اپنی زندگی کے دن گن رہے ہیں۔
وزارت آئی ٹی نے 1.67 ارب روپے سے زاید کے فنڈز طلب کرلیے