’ہمیں اب آپ پر اعتماد نہیں‘، ایئر انڈیا کی فلائٹ 5 گھنٹے تاخیر کا شکار، مسافر مشتعل
اشاعت کی تاریخ: 27th, January 2025 GMT
سوشل میڈیا پر ایک ویڈیو وائرل ہو رہی ہے جس میں دیکھا جا سکتا ہے کہ بھارت کی ممبئی سے دبئی جانے والی ایئر انڈیا کی فلائٹ تاخیر کا شکار ہو گئی جس کی وجہ سے مسافر تقریباً 5 گھنٹے تک طیارے کے اندر قید رہے۔ ایسے میں مسافروں کا غصہ بڑھتا رہا اور مشتعل افراد طیارے کے عملے سے دروازہ کھولنے کی درخواست کرتے رہے۔
مشتعل افراد طیارے کو گھونسے مارتے رہے اور کہتے رہے کہ انہیں فلائٹ سے اتار دیا جائے۔ مسافروں نے شکایت کی کہ وہ طیارے میں بغیر ائیر کنڈیشنگ کے بیٹھے رہے اور انہیں کسی قسم کی کوئی سہولت میسر نہیں کی گئی۔
ذرائع کے مطابق کپتان نے ایک بار بھی کاک پٹ سے باہر آ کر مسافروں سے بات نہیں کی تاکہ صورتحال کو کنٹرول کیا جا سکے جس سے مسافر مزید برہم ہوئے۔ ایک مسافر نے کہا کہ ’ہم آپ پر اعتماد نہیں کرتے‘ جبکہ کئی مسافروں کا کہنا تھا کہ ’براہ کرم طیارے کا دروازہ کھول دیں‘۔
سوشل میڈیا پر ویڈیو وائرل ہوئی تو صارفین کی جانب سے اس پر مختلف تبصرے کیے جا رہے ہیں۔ ایک صارف نے سوال کیا کہ بھارتی ایئرلائنز اس طرح کی مشکلات کا شکار کیوں ہیں؟ اور فضائی امور کے وزیر کون ہیں؟
Why are indian airlines in such a mess?
Who is the aviation minister? pic.
— Lavanya Ballal Jain (@LavanyaBallal) January 26, 2025
ایک ایکس صارف نے کہا کہ بیرون ملک سفر کرتے وقت ہندوستانی ائیر لائنز کے ساتھ پرواز کرنے سے گریز کریں کیونکہ وہ آپ کے بین الاقوامی سفر کے تجربے کو برباد کر سکتے ہیں۔
Avoid flying with Indian carriers when traveling abroad—they can ruin your international travel experience https://t.co/Unbw7KTpqE
— Chandrasekhar raju (@619chandru) January 26, 2025
ایک صارف نے لکھا کہ اب عوام اچھے نقل و حمل کے لیے نہیں بلکہ اس بنیاد پر ووٹ دیتے ہیں کہ کون سی پارٹی مذہبی ہے۔ سول ایوی ایشن کے وزیر کو تو شاید کمل میلہ ہی چلے گئے ہوں۔
Public now don’t vote for good transport, they vote on basis of which party is religious. The Civil Aviation minister must have gone to Kumbh Mela.
— Nishanth M (@NishanthNature) January 26, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ائیر انڈیا بھارتی صارفین فلائٹ تاخیر کا شکارذریعہ: WE News
کلیدی لفظ: ائیر انڈیا بھارتی صارفین فلائٹ تاخیر کا شکار کا شکار
پڑھیں:
تعلیمی دباؤ کا نقصان: بچے کی طبیعت مسلسل 14 گھنٹے سے ہوم ورک کرتے کرتے بگڑ گئی
data-id="863a0a8" data-element_type="widget" data-widget_type="theme-post-content.default">
چین کے شہر چانگشا میں ایک افسوسناک واقعہ سامنے آیا ہے جہاں صرف 11 سالہ بچہ مسلسل 14 گھنٹے ہوم ورک کرنے کے بعد اسپتال جا پہنچا۔
غیر ملکی میڈیا کے مطابق یہ واقعہ گزشتہ ماہ پیش آیا جب بچے نے صبح 8 بجے سے رات 10 بجے تک بغیر کسی وقفے کے ہوم ورک کیا۔ رات 11 بجے کے قریب اس کی طبیعت اچانک بگڑ گئی، اسے گھبراہٹ، تیز سانسیں، سر درد، چکر اور ہاتھ پاؤں سن ہونے کی شکایت ہونے لگی۔ گھبراہٹ میں والدین فوراً اسے اسپتال لے گئے جہاں ڈاکٹروں نے فوری طور پر آکسیجن لگائی۔
ڈاکٹرز کے مطابق بچے کی طبیعت زیادہ دباؤ اور حد سے زیادہ پڑھائی کے سبب خراب ہوئی۔ والدین بھی اس پر سختی سے ہوم ورک مکمل کرنے کا دباؤ ڈال رہے تھے جس کی وجہ سے بچہ مسلسل گھنٹوں پڑھنے پر مجبور ہوا۔ اسپتال کے ماہرین کا کہنا ہے کہ یہ صرف ایک واقعہ نہیں بلکہ اگست کے مہینے میں اسی اسپتال کے ایمرجنسی وارڈ میں 30 سے زائد بچے انہی علامات کے ساتھ لائے گئے تھے۔
ماہرین نے بتایا کہ بچوں میں یہ مسائل تعلیمی دباؤ، امتحانات میں کامیابی کے خوف اور موبائل فون کے زیادہ استعمال کے باعث بڑھ رہے ہیں۔ ایسے حالات میں بچے ذہنی و جسمانی طور پر تھکن اور دباؤ کا شکار ہو جاتے ہیں جو بعض اوقات سنگین طبی مسائل کا باعث بنتے ہیں۔
یہ واقعہ چین کے سخت تعلیمی نظام پر ایک بار پھر سوالیہ نشان کھڑا کرتا ہے، جہاں مشکل امتحانات اور بہترین کارکردگی دکھانے کی دوڑ نے بچوں کو کم عمری میں ہی ذہنی دباؤ کا شکار بنا دیا ہے۔ ماہرین کا کہنا ہے کہ اگر والدین اور تعلیمی ادارے اس دباؤ کو کم کرنے پر توجہ نہ دیں تو بچوں کی صحت اور مستقبل دونوں بری طرح متاثر ہو سکتے ہیں۔
دریائے چناب میں سیلابی صورتحال، ٹرین سروس معطل