پنکی، گوگی، کپتان نحوست ختم ہوچکی، اب ملک ترقی کرےگا، عطااللہ تارڑ
اشاعت کی تاریخ: 2nd, February 2025 GMT
وفاقی وزیرِ اطلاعات عطا اللّٰہ تارڑ نے کہا ہے کہ ہم کہتے تھے کہ بانی پی ٹی آئی کے ہاتھ کرپشن سے رنگے ہوئے ہیں، ملک سے پنکی، گوگی اور کپتان کی نخوست کا سایہ چھٹ چکا ہے۔
اتوار کو لاہور میں پریس کانفرنس سے خطاب کرتے ہوئے وفاقی وزیر اطلاعات و نشریات عطا اللہ تارڑ نے کہا کہ پاکستان تحریک انصاف کی کرپشن اب چھپائی نہیں جا سکتی، ان کی تمام تر کرپشن سامنے آچکی ہے، توشہ خانہ سے گھڑیاں تک ان لوگوں نے چوری کی ہیں۔
عطااللہ تارڑ نے کہا کہ قوم نے دیکھا کہ 190 ملین پاؤنڈز کی تاریخی کرپشن سامنے آئی جو تاریخ کا سب سے بڑا ڈاکا ہے۔ یہ لوگ تو قومی خزانے سے چوریاں ہی کرتے رہے ہیں جبکہ تمام تر ترقی تو مسلم لیگ ن کے دور حکومت میں ہی ہوئی ہے۔
وزیراطلاعات و نشریات نے کہا کہ دُنیا میں شہہ سرخیاں لگیں کہ 190 ملین پاؤنڈز کیس میں ایک ایسے وزیراعظم کو سزا ہوئی ہے، جو تحفے میں ملی گھڑیاں بیچ کر کھا گیا تھا۔
بعد ازاں لاہور میں اپنے حلقہ انتخاب میں جلسہ سے خطاب کرتے ہوئے عطا اللہ تارڑ نے کہا کہ ایک وزیر اعظم ایسا بھی تھا جو ملک کے خزانے سے چیزیں بیچتا تھا اور ایک موجودہ وزیر اعظم ہے جو شفافیت سے کام کر رہا ہے۔
انہوں نے کہا کہ اس وقت آئے روز ملک اور معیشت میں بہتری کی خبریں آ رہی ہیں، پی ٹی آئی کو تو عوامی مسائل سے کوئی دلچسپی تھی نہ ہے، پی ٹی آئی اپنے دور میں لوٹ مار اور صرف پیسہ کمانے میں لگی رہی ہے۔
عطا اللہ تارڑ نے مزید کہا کہ ہم آپ لوگوں کے نمائندے ہیں آپ کے مسائل حل کرنا ہمارا فرض ہے۔ معیشت تیزی کے ساتھ بہتری کی جانب گامزن ہے، ن لیگ کا تعمیری مشن جاری ہے، سڑکوں کی تعمیر، صاف، پانی اور گیس کے مسائل جلد حل ہوں گے۔
وفاقی وزیر اطلاعات نے کہا کہ وہ وقت دور نہیں کہ مہنگائی کم ہوگی اور ملک کی معیشت کا شمار دنیا کی بہترین معیشت میں ہوگا۔ اسٹاک مارکیٹ تاریخ کی بلندیاں چھو رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان تحریک انصاف پریس کانفرنس پنکی پی ٹی آئی تارڑ توشہ خانہ ختم خطاب عطا اللہ کپتان گھڑیاں گوگی معیشت مہنگائی نحوست وزیر اطلاعات و نشریات وزیر اعظم وی نیوز.ذریعہ: WE News
کلیدی لفظ: پاکستان تحریک انصاف پریس کانفرنس پنکی پی ٹی ا ئی تارڑ توشہ خانہ عطا اللہ کپتان گوگی مہنگائی وزیر اطلاعات و نشریات وی نیوز اللہ تارڑ نے تارڑ نے کہا پی ٹی ا ئی نے کہا کہ عطا اللہ
پڑھیں:
دہشت گردی کے خلاف پاکستان کی جنگ دنیا کو محفوظ بنانے کے لیے ہے، وفاقی وزیر اطلاعات
data-id="863a0a8" data-element_type="widget" data-widget_type="theme-post-content.default">
وفاقی وزیر اطلاعات عطا اللہ تارڑ نے کہا ہے کہ دہشت گردی کے خلاف پاکستان کی جنگ دنیا کو محفوظ بنانے کے لیے ہے۔
تقریب سے خطاب کرتے ہوئے انہوں نے واضح الفاظ میں کہا کہ پاکستان کی جاری کارروائیاں اور دہشت گردی کے خلاف جنگ محض قومی فریضہ نہیں بلکہ ایک بین الاقوامی ذمہ داری بھی ہے جس کا ہدف عالمی امن و استحکام کو برقرار رکھنا ہے۔
انہوں نے اس موقع پر زور دیا کہ جو اقدامات پاکستان نے خطے میں عدم استحکام کے خاتمے اور تحفظِ عامہ کے لیے اٹھائے، وہ نہ صرف ملک کے مفاد میں تھے بلکہ دنیا کو درپیش بڑے خطرات کو بھی کم کرنے میں مددگار ثابت ہوئے ہیں۔
مقررین کو مخاطب کر کے عطا تارڑ نے کہا کہ تازہ واقعات نے بین الاقوامی سطح پر غلط فہمی پھیلانے والوں کو بےنقاب کر دیا ہے اور پاکستان نے حقائق کی بنیاد پر اپنی پالیسی کو مؤثر انداز میں پیش کیا ہے۔
انہوں نے دعویٰ کیا کہ حالیہ کشیدگی کے دوران بھارت کے پراپیگنڈے کو عالمی اداروں اور مبصرین کے سامنے بےنقاب کیا گیا، جس کے باعث بھارتی موقف کمزور پڑ گیا اور جارحیت کی اصل تصویر عوام کے سامنے آئی۔ پہلگام واقعے جیسے تنازعات کی حقیقت عوامی سطح پر واضح کی گئی اور پاکستان نے شفاف انداز میں حل کے لیے کھلے دل سے تعاون کی پیشکش بھی کی۔
وفاقی وزیر نے 4 روزہ جھڑپوں کے تناظر میں کہا کہ پاکستان نے دفاعی محاذ پر مؤثر کارکردگی دکھائی اور قومی دفاعی قوت کی صلاحیتوں کو منوانے میں کامیاب رہا۔ انہوں نے اس کامیابی کو نہ صرف فوجی پہلو سے بلکہ حکمتِ عملی اور سیاسی سطح پر بھی ایک نمایاں کامیابی قرار دیا، جس کا مقصد خطے میں پائیدار امن کی راہ ہموار کرنا تھا۔
عطا اللہ تارڑ نے اس عزم کا اعادہ کیا کہ پاکستان ہمیشہ امن کو اولین ترجیح دے گا مگر اپنی سرحدوں اور خودمختاری کے تحفظ کے لیے ہر ممکن اقدام کرنے سے گریز نہیں کرے گا۔
وزیر اطلاعات نے اس بات پر بھی زور دیا کہ خطے میں امن کے قیام کے لیے بین الاقوامی شراکت داری اور قانونِ بین الاقوامی کے اصولوں کی پاسداری ضروری ہے۔ انہوں نے کہا کہ پاکستان نے ہمیشہ اقوامِ عالم کے ساتھ قریبی تعلقات قائم رکھنے کی کوشش کی ہے اور بین الاقوامی اداروں کو موثر کردار ادا کرنے کی دعوت دی ہے تاکہ تنازعات کا پائیدار حل ممکن ہو سکے۔
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ