پاکستان کی میزائل ٹیکنالوجی ناقابل تسخیر ہے،سیدناصرحسین شاہ
اشاعت کی تاریخ: 3rd, May 2025 GMT
کراچی(اُردو پوائنٹ اخبارتازہ ترین - این این آئی۔ 03 مئی2025ء)وزیر توانائی سندھ سیدناصرحسین شاہ نے ابدالی ویپن سسٹم کے میزائل کا کامیاب تجربے پر مبارکباد پیش کرتے ہوئے کہا ہے کہ ابدالی میزائل کے کامیاب تجربے پر پوری قوم اور پاک فوج کو مبارکباد دیتے ہیں۔
(جاری ہے)
انہوں نے کہاکہ ابدالی میزائل اپنے ہدف کو 450 کلومیٹر تک درست نشانہ بنانے کی صلاحیت رکھتا ہے،پاکستان کی میزائل ٹیکنالوجی ناقابل تسخیر ہے۔۔سیدناصرحسین شاہ نے کہا کہ میزائل سسٹم پاک فوج کی بہترین پیشہ ورانہ صلاحیتوں کا منہ بولتا ثبوت ہے،پوری قوم ملک کی سلامتی اور حفاظت کے لئے پاک فوج کے شانہ با شانہ کھڑی ہے۔انہوں نے کہاکہ اسی قابلیت اور مہارت کی وجہ سے پاک فوج دنیا کی بہترین افواج میں شمار ہوتی ہے۔
.ذریعہ: UrduPoint
کلیدی لفظ: تلاش کیجئے پاک فوج
پڑھیں:
ایران کے خلاف جارحیت ناقابل قبول، حکومت کا مؤقف حق پر مبنی ہے، نواز شریف
پاکستان مسلم لیگ (ن) کے صدر اور سابق وزیراعظم نواز شریف نے کہا ہے کہ ایران کے معاملے پر حکومتِ پاکستان کا مؤقف مکمل طور پر درست اور حق پر مبنی ہے۔ ایران کے خلاف کھلی جارحیت کی جا رہی ہے، جس کی مخالفت پاکستان کا اخلاقی اور سفارتی فرض ہے۔
لندن میں اپنے اعزاز میں دیے گئے ظہرانے سے خطاب کرتے ہوئے نواز شریف نے کہاکہ ایران کے ساتھ پاکستان کے تاریخی، مذہبی، جغرافیائی اور ثقافتی رشتے ہیں، اور ان رشتوں کی بنیاد پر ہمیں ایران کے خلاف جارحیت پر واضح اور دو ٹوک مؤقف اپنانا چاہیے، جو حکومت نے اختیار کیا ہے۔
’پاکستان نے ہمیشہ اپنا دفاع کیا، ہماری فوج دفاعی صلاحیت رکھتی ہے‘
نواز شریف نے کہاکہ پاکستان نے ماضی میں بھارتی جارحیت کا بھرپور جواب دیا، اور آئندہ بھی اگر ملکی خودمختاری کو چیلنج کیا گیا تو پاکستان دفاع کا حق رکھتا ہے۔ پاکستان کی عسکری طاقت دفاع کے لیے ہے، جارحیت کے لیے نہیں۔
’وزیراعظم شہباز شریف سے کوئی اختلاف نہیں، ہم ایک ہیں‘
انہوں نے اس تاثر کو رد کیاکہ ان کے اور وزیراعظم شہباز شریف کے درمیان کوئی فرق ہے۔ نواز شریف نے کہا کہ ہم دونوں ایک ہیں، وزیراعظم کوئی بھی ہو، ہماری سوچ، وژن اور پالیسی ایک ہی ہے، اور ہم متحد ہو کر ملک کی بہتری کے لیے کام کر رہے ہیں۔
’اوورسیز کارکنوں کو متحد ہو کر کام کرنے کی تلقین‘
سابق وزیراعظم نے مسلم لیگ (ن) کے بیرونِ ملک کارکنان کو پارٹی کا قیمتی سرمایہ قرار دیتے ہوئے کہاکہ موجودہ نازک حالات میں ہر محب وطن پاکستانی کو اپنا کردار ادا کرنا ہوگا۔
انہوں نے کہاکہ اوورسیز پاکستانی نہ صرف سفارتی سطح پر اہم کردار ادا کرتے ہیں بلکہ ملکی معیشت کے لیے بھی ریڑھ کی ہڈی کی حیثیت رکھتے ہیں۔
’نواز شریف کل وطن واپس روانہ ہوں گے‘
میڈیا رپورٹس کے مطابق نواز شریف نے لندن میں اپنا دورہ مکمل کر لیا ہے اور وہ کل پاکستان واپسی کے لیے روانہ ہوں گے، جہاں وہ ملکی سیاسی معاملات میں مزید فعال کردار ادا کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل ایران تنازع ایران جارحیت حکومت پاکستان مسلم لیگ ن نواز شریف وی نیوز
پشاور میں زلزلے کے جھٹکے، شدت 4.7 ریکارڈ