سانحہ 9 مئی کے 11 مقدمات کا جیل ٹرائل آج پھر مؤخر، سماعت ملتوی
اشاعت کی تاریخ: 24th, May 2025 GMT
راولپنڈی:
سانحہ 9 مئی کے 11 مقدمات کا جیل ٹرائل آج پھر مؤخر ہوگیا، عدالت نے تمام مقدمات کی سماعت 31 مئی تک ملتوی کر دی۔
انسداد دہشت گردی کی خصوصی عدالت کے جج امجد علی شاہ نے سانحہ 9 مئی کے 11 مقدمات کا اڈیالہ جیل ٹرائل مؤخر کر کے کچہری عدالت میں سماعت 31 مئی تک ملتوی کر دی۔
سماعت کے موقع پر کچہری عدالت آنے والے ملزمان میں مقدمات کے چالان کی نقول تقسیم جاری رکھی گئی جب کہ بانی چیئرمین تحریک انصاف کو ان 11 کیسز میں چالان کی نقول کی تقسیم آئندہ تاریخ کو ہوگی۔
بانی چیئرمین پی ٹی آئی کے وکیل فیصل ملک ایڈووکیٹ نے بتایا کے عمران خان نے راولپنڈی ڈویژن کے تمام 12 مقدمات ایک جیسے قرار دیتے ہوئے سب کو یکجا کرکے سماعت کی جو درخواست دائر کی ہے اس میں ان کے دلائل مکمل ہوگئے ہیں۔ آئندہ تاریخ پراسیکیوٹر کے دلائل کے بعد پہلے اس درخواست کا کورٹ فیصلہ کرے گی اور پھر ٹرائل شروع ہو گا۔
.
ذریعہ
ذریعہ: Express News
پڑھیں:
اڈیالہ جیل میں عمران خان اور بشریٰ بی بی کی ملاقات
راولپنڈی: اڈیالہ جیل میں بانی پی ٹی آئی اور بشری بی بی کی ملاقات کرا دی گئی.
جیل ذرائع کے مطابق عمران خان اور بشریٰ بی بی کی ملاقات کانفرنس روم میں کرائی گئی جو 50 منٹ تک جاری رہی۔
ملاقات میں دونوں نے ایک دوسرے کی صحت سے متعلق بات چیت کی۔
دریں اثنا عمران خان کی بہنوں سمیت کسی کو ملاقات کی اجازت نہ ملی، وزیراعلی کے پی سہیل آفریدی، بانی کی بہنوں نے اڈیالہ روڈ پر دھرنا بھی دیا، راولپنڈی فیکٹری ناکے پر کے پی ممبران اسمبلی اور کارکن موجود رہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ